وش صار لك وقت الولاده

الحمد لله على سلااامتك ,,,,

هههههههههههههه الحمدلله على سلامتج مع انه سالفتج قديمه ::..

والله يهون علي وعليج يارب:)

الله يهوون عليك

يسلمكم ربي ياعيوني
بس وين محد له قصه وقت الولاده
مفرحه
منرفزه
محزنه لا سمح الله
مضحكه
والا ماتذكرون

هلا فيك rotan والله موضوعك حلو وممتع وفي نفس الوقت مفيد
والله يهون عليك حملك ويولدك بالسلامه بس ما انصحك تولدين في خاص<<<<<<من خذا رايك
لأني اشوف تعاملهم ما يفرق كثير عن الحكومي ووحده من قريباتي ولدت في مستشفى الأسره وقالولها اذا تعسرت الولاده بنطلعك ونوديك حكومي لأن ما عندهم استشاريين.. !!!تخيلي وفي النهايه ولدت عندهم عشانها تخاف يولدها دكتور في الحكومي وتقول قمة الا زعاج كل مانمت شوي بعد الولاده قوموني ويسألوني وش رايك في المستشفى من ناحية النظافه وشوي وش رايك في توليدنا لين المسكينه تعبت زود
عموماً
انا عن نفسي ولدت في الشميسي والله مرتاحه له على الأقل فيه استشاريين اذا صار شي لا سمح الله
وكانت الدكتوره معطيتني موعد لولادتي في 1-9 ولا ولدت الا في 9-9 ومتحمسه ذاك اليوم ومتسحره ذاك السحور الزين على بالي اني بصوم وانا في نفسي اقول يارب آخر سحور في هالرمضان وما امداني صليت الفجر ويوم جيت بسلم وبسم الله صبت ذيك الشلالات من تحت (الأخت بكريه) وبسرعه قومت المزيون ورحت المستشفى بعد ما طفح الكرسي اللي تحتي :unhappy:
وطول الطريق وانا افكر وش بيصير وشلون الوحده تولد والحلو يسولف عن السيارات وانواعها:angry2:
ويوم وصلت المستشفى حسيت اني داخله في مسلخ وعلى طول كشفت علي وقالت تنويم عشان المويه وجلست أتألم لين الساعه 12 الظهر بعدين نزلوني ويوم صارت الساعه3 دخلوني غرفة الولاده (غرفة الرعب):o
وهناك انواع الخوف والألم بس كان تعاملهم حلو كان عندي فلبينيه ومصريه وكانت المصريه الله يجزاها خير تداعبني تقول خلاص طلع اصباعه الصغير وانا ودي اضحك بس ماني قادره ما ضحكت الا بعد الولاده يوم تذكرت كلا مها ,بعدين قالت (خلاص اولدي بئه انا عاوزه افطر) وهي تضحك وأخيراً جا الفرج من رب العالمين وولدت بنت والفلبيبنيه تخيطني وانا اناظر البنت من طالعه عليه ......... شوفوا الرواقه خخخخخخخخ
واعتذر اذا طولت والله يهون على كل حامل ويرزقها بالذريه الصالحه وهذي ورده لكل والده تكتب لنا تجربتها:26: