مراحب ياحلوات.....
أتمنى الجميع بخير,,
موضوعي بسيط لكن محتاج عزيمتك...
محتاج تثقفين نفسك وتعرفين وش تاكلين بالضبط..
مواضيع هنا كثير ارحم صاحباتها...
بسوي تكميم .. تحوير... وعمليات شفط ,, وابي حبوب تنحفني 10 بشهر
او تحط مواضيع تتكلم عن الريجيمات الكيماويه .. والي تعتمد على التجويع
طيب وبعدين؟؟؟
صح تنحفين ..
لكن والله ترجعين بعد فترة الي طار وفوقه الضعف!!!
وتبدا مرحلة ثانية من الندم والالم ....
لكن لو فهمتي جسمك .. وتغذيتك ورتبتي وقننتي الكمية
والتزمتي برياضتك ...
بتنزلين تمام وماراح ترجع الكيلوات الي راحت..
ونقطة مهمة بقولها بعضكم مايعرفها : النزول الطبيعي يكون 4 او 5 كيلوو بالشهر ..
تحدي نفسك وقوي عزيمتك وفكري كيف تخطفين الابصار باهتمامك وحلاوة جسمك...
لاتقولين بنحف عشان زوجي ... ولا عشان زواج اخوي .. وخطوبة اختي ووووو
خلي اهدافك بعيدة.. ترفعك .. تزيدك ثقة بنفسك...
وجبتك لازم فيها ( ألياف _ بروتين _ كارب)
والكمية على حسب حاجتك..
كثري شرب ماي ..2 او 3 بالكثير..وزبادي دخلية بوجاباتك وخاصة العشاء
فايدته يحرق دهون البطن بشكل عجيب ,,, وخليك مداومة ع الشاي الأخضر والنعناع
او خلطة الكمون والزنجبيل وشرايح الليمون .. عاد هالمشروب له حكاية حلوة معي وباااسبوع بس!!
واستمريت عليه زمان سنه كاملة وتركته من شهرين ومن أسبوع رجعت له لان حبيته ومالي غناة عنه بصراحة...
***
كل أسبوع عطي نفسك وجبة مفتوحة وحطي تحتها مليون خط...
لان كثير منكم فاهم ان المطلوب يوم مفتوح ,, وهذا غلط لانك كذا بتضيعين كل جهودك !!
بصراحة وجبتي المفتوحة خليتها كل عشرة أيام ,, والهدف من الوجبة المفتوحة حتى ماتملين وتخبصين
وتعتبر مكافأة لك على ثباتك وصبرك
***
رياضتك حافظي عليها اقوى شي..
ابدي بالمشي كل فترة زيدي الين تكتسبين لياقة ويصير عندك استعداد تبدين تمارين ولاتتعبين او تملينها بسرعة
والتمارين نوعين..
تمارين مقاومة وهي الي تعتمد على حركة الجسم ( وتكون للبطن , للزنود ,, للارادف , والخواصر , والصدر ) وانواعها كثيرر لكن اختاري الأنسب لك..
تمارين الكارديو ( المشي , السباحة , الاوربتراك , الرقص ,نط الحبل ) وهي الي تزيد فيها ضربات القلب وتسمى تمارين قلبية...
إذن محتاجة التنويع في اكلك ,,, ورياضة متنوعة مقاومة وكارديو
يعني لو تسوين تمارين مقاومة لكن تغذيتك غلط ماراح تنحفين
ولو تغذيتك تمام لكن تمارينك تعتمد ع الكارديو ماااضمن تنحفين بالشكل المطلوب..
الموازنة مطلوبة هنا يااخواتي...
تماريني ( ع السير امشي ساعة بين مشي سريع وهروله - او امشي ع الاوربتراك 45 د + تمارين جيليان + زومبا )
***
مشكلتنا فاهمين ان الاكل هو الي يسمن.. بينما الصحيح طريقتنا في عمله هي الي تسمن..
يعني اقدر اسوي كبسة لكن استخدم زيت زيتون.. ابتعد عن معجون الطماطم بطماطم معصور واتبله بطريقتي ..واحط بصحن صغير الي يكفيني 6 ملاعق كميتها مناسبة
اكلي اقدر اخليه 3 وجبات رئيسية وسناكين... بحيث كل ساعتين اكل ,, حتى اخلي نظام الحرق بجسمي شغال 24 ساعة
لكن لو اعتمدت على الحرمان والتجويع .. الجسم بيمسك الدهون الي بجسمي وبالعكس باسمن !!!
والسناكات الأفضل تكون فاكهة
ومن باب التنويع فيه شوكليت خالي من السكر بنسبة 70% او 85% أو 95% وكل مازادت النسبة زادت المرارة..
والأفضل بالنسبة لي 85% مع بلاك كوفي وياسلام ع النشاط
أكون لحظتها مستعدة لتماريني بنفس مفتوحة
ونقطة مهمة بقولها ... تمارين الكارديو مو ظروري تاكلين قبلها سناك...
لكن تمارين المقاومة ظروري قبلها سناك وبعدها وجبة متكاملة او سناك يعتمد ع البروتين..
كمثال علبة زبادي قليل الدسم و8 حبات لوز نيئ.
حتى ماتهدمين العضل
انتبهو يااخواتي..
***
قبل والله اني كنت جاهلة مجرد مايطري علي تمارين اخم الجهاز وابدا
واستغرب ان نزولي بطيء او ثبات وزني لأسابيع رغم جهدي الكبير بالرياضة واكلي الصحيح !!
لكن الحمدلله الان صرت افهم نوعا ما ومساعدة نفسي من ناحية النزول واموري تمام
والحين وزني من فضل الله 65 ( اوزن كل جمعة )
باقي ع الوزن المثالي كم كيلوو وبحققها بحول الله , لأن بصراحة حبيت شكلي الجديد ,
والي حببني بالنظام الصحي انه رتب لي حياتي ,, وغير عادات كثير غبية وصرت منظمة واعرف وش اكل وهذا الأهم...
والشي الحلوو اني من زمان ماشية عليه رغم ارادتي واصراري لكن مو مستعجلة...
***
قبل سنتين تقريب وصل وزني 72 وكنت معتمدة على التخفيف وشراب قشر القهوة وثبت وزني بقوووووة
لدرجة اغراني هالموضوع وصرت لما اشتهي اكل ويزيد جرامات ارجع لنظام التخفيف وينزل
وب 8 وزنت ولاحظت اني زدت كيلوو.. وحطيت ببالي انزل واوصل للوزن المثالي
والحمدلله اليوم وصلت لعالم الستينات وبكسرها قريب بحول الله
وحاجة مهمة كمان لما يثبت وزنك كثفي رياضتك .. وكثري شرب ماي...
واضمن لك للمليووون ينزل وزنك...
وبعدين لاتهتمين انك تنزلين وخلاص ,, بالعكس اهتمي بشكلك اكثر..
اش الفايدة يكون وزني 58 وبطني مترهل وافخاذي!!
نهتم بالشد وبناء العضل وترتيب الجسم...
ماتخيلون كيف فرحتي والكل ملاحظ رشاقتي بالعيد والتغيرات الي ظهرت بجسمي ...
ومتحمسة اكثر لنظرة زميلاتي بالدوام ..<<< الله يعيني على أسألتهم عاد ههههههه
***
والله يابنات قبل سنين كنت دبه لاطموح ولا هدف بالحياة الا اني أعيش عشان اكل الله المستعان
الإحساس كان ميت ..!!
زمان موقف مريت فيه للحين ببالي بس جد محرررج كنت بالمستشفى تعبانة ولما طلع زوجي من عندي قالت الي جنبي ياحليل ولدك
تعالو شوفو وجهي لحظتها :29:
لكن الان من فضل الله تعالى زميلاتي بالعمل الجدد لما يبو يتعرفون يسألون : مخطوبة؟؟
ياعيني ... ياعيني والله مايصدقون اني متزوجة إلين احلف لهم :tongue:
وعندي بنت مراهقة فديتها
شفتو كيف النحافة تغيرك وتعطي نظره حلوة عنك..
غير انك تتدلعين في لبسك وشكلك وتطلعين بشكل أنيق
بالعكس كل ماكبرتي بالعمر احتجتي للرياضة اكثر حتى تصغرك بالعمر
يحسسك بأنوثتك ,, ويحق لك لو تدلعتي :pinklove:
***
استغلو الأيام الجاية ,, باقي عيد الأضحى ,,يلا الله يقويكم ورتبوا جدولكم ووخل نحطم الدهون
ونذهل العالم اكثر.....
الصحه حلوة يابنات واجسامكم لها حق عليكم
فلا تظلمون أنفسكم ...
اصحو فديتكم ..
قلبٌ أدمته الجراح @klb_admth_algrah
عضوة شرف في عالم حواء
يلزم عليك تسجيل الدخول أولًا لكتابة تعليق.
الصفحة الأخيرة
عندي سؤال
قلتي انه تمارين المقاومة لازمها اكل قبل بس انا بكون صايمة و بعمل نصف ساعة مقاومة و نصف كارديو هل اللي بعملو علط؟
لاني وزني ثابت صارله شهور والحين ضاعفت الرياضة ان شاء الله انحف