فاتنة الورد
فاتنة الورد
الله يصبرك عليه ان شاء الله والله تضايقت عشانك مررررة :( ....وماشاء الله البنات ماقصروا
بالنصايح ...وماشاء الله عليك اشوف في تحسن منك واستمري ولاتسكين ابدا تناقشي معاه عشان يحس انك فاهمه وافتحي مواضيع معاه وثقفي نفسك اكثر اهم شي لايغلط عليك :(
والله يحفظك ويعوض صبرك خير في الدنيا والاخرة ...وطمنينا عليك ولا تتاخري :39:
dinas mather
dinas mather
السلام عليكم خواتي الأحباء
إلى الأخت lojain99 مشكورة حبيبتي على ردك وإن شاء الله ما تشوفين ولا تجربين لا إنت ولا أحبائك اللي جربته ويوفقك يارب .
عزيزتي فاتنة الورد أشكرك على هالنصيحة وإن شاء الله ما أيأس لأن إيماني بالله قوي إنه يقدر ينصرني بإذن الله عليه ويرحمني وإن شاء الله بدعائكم باصبر والله يقويني . أنا باعتقادي لما يكون في حب حتى لو من طرف واحد يحاول إنه يصلح علشان حبيبه وما يخسره وخصوصا إني عارفة مرضه بس كان لازم يتزوج طبيبة نفسية مختصة مو أنا قليلة الحيلة والخبرة صعبة وايد .
today
today
الله يصبرك يارب
dinas mather
dinas mather
السلام عليكم اشلونكم حبايبي اتأخرت عليكم بالرد وبالرسائل بس اعذروني والله ما عندي وقت وصاير وقتي ضيق وايد بس الحين صار عندي عدة شغلات حبيت أخبركم .
أولا وسعولي صدركم علشان موضوعي طويل شوي .
إذا بتتذكروا قلتلكم إن أمي ما شفتها وإنها تطلقت لما كان عمري 3 سنوات ولما صار عمري 14 سنة شفتها تقريبا سنة كنا نروح عندها زيارات لحد ما صار شوي مشاكل مع زوجها ومن اهني ما قدرت أشوفها مرة ثانية والحمد لله رب العالمين علشان تشوفي رحمة ربنا اشكثر واسعة يمكن ما تصدقون إذا قلتلكم إجت الكويت وشفتها الشهر اللي طاف طبعا اللقاء ما ينوصف شي ما أقدر أوصفه هي من الفرحة من الخوف ما أدري شي كبير بالنسبة لي طبعا بالأول أخوي قالي إن أمي تبي تيي زيارة للكويت وتبي تشوفني فاسألي زوجك شنو رايه وطبعا سألته ووافق والحمد لله اشكثر استانست بهاللقاء بعد هالغيبة . تصدقون بنفس اليوم اللي أنا شفتها فيه سوا زوجي شي يمكن أي أحد يشوفه يبي يذبحه . طبعا واحنا قاعدين شان يقول حق أمي احنا كنا بالمطار بسنة 88 وشفناش وإنتي ما استقبلتينا عدل وأنا تضايقت شان يسألني ما تتذكرين قلتله لأ قال ما يصير اشلون قلت والله ما أتذكر وفعلا الله يشهد لا أنا ولا أمي ما نتذكر صار هالشي طبعا بعد ما الوالده راحت بهدلني بهدله تسوى حياتي كلها إني أنا اشلون ما أتذكر واشلون طلعته كذاب جدام الوالده أنزين اشلون أتذكر إذا هالشي ما صار والله ما صار ما أدري شنه كان يحلم وشان يخليني بروحي بالبيت وياخذ البنات ويطلع بس حاولت لما رجع إني أصالحه والحمد لله مشت الأمور . وسافرت الوالده ويمكن تيي مرة ثانية الشهر الجاي .
المشكلة الحين صارت يوم الخميس قبل بيوم يعني يوم الأربعاء كان عندي جماعة على العشاء والحمد لله ما كو أي مشكلة صارت لأنه كان معصب صارله شهر بسبة صاير زعل مع أبوه من شهر ومن يومها البيت متكهرب ومو قادر يتحمل شي بالبيت ولا حتى أنا وأي شي أساويه أو غلطة كبيرة صغيرة تصير هوشة كبيرة بالبيت وأرجع وأصالحه لأن أدري أنه تعبان نفسيا . المهم ...
يوم الخميس كان عندنا واحد رفيجه وطلعنا بحر بالطراد وطبعا لأن زوجي مدايق مني أو من أي شي كل ما يناديني يقول حيوانه أو حمارة أو أي شي من هالألفاظ جدام رفيجه شان أقوله حسن ألفاظك واتكلم عدل ترى أنا ما سويتلك شي والريال مدايق من تصرفات زوجي وكلامه . وأنا لما أطلع وياه الطراد أشتغل شغل الحمير شني صبي بنغالي عنده حتى شيلة الباوره ( السن ) أنا أشيله انزين هذي مو شغلتي أنا مو ريال بس راح تقولون أنا اللي عودته ما يخالف معاكم حق بس بالمقابل لازم ألاقي كلمه تبردني ولا شنو رايكم . لما وصلنا البيت حسيت بإيدي كانت تألمني شنها نار من شيلة الحبل شان أروحله وأدلع عليه شوف إيدي تعورني شان يقول مسكي ثلج والعوار راح يخف شان الريال يستغرب حتى كلمه حلوة ماكو حتى إنه يمسك إيدي ماكو شان أزعل بس ما بينتله . وحطيت العشاء وأحنا قاعدين ناكل شان يقول أمس لما الجماعة كانوا موجودين لقيت دوده بيضة عايشة طويلة قاعده تاكل واقفه على الخضرة شان أخشها علشان الجماعة لا يقرفون . شان أقوله ليش ما كليتها كلها فيتامينات شان يصارخ جدام الريال أنا علمتك النظافة 17 سنة وأعلم فيكي ووووووووو والأسطوانه المشهورة مالته صار يرددها . شان أزعل وأقوم للمطبخ أبكي والريال يقوله كل اللي قاعد تسويه خطأ شنو دوده شنو بطيخ هالشي ما يستاهل ومن هالكلام... بس قبل ما ينام حاولت أراضيه كالعاده . ثاني يوم الجمعة كنت أحاول أبعد عنه وألتهي مع البنات علشان لا أحتك فيه واحنا على العشاء حطيت بنتي الكبيرة تبي تكح وماسكة كلينيكس بس صغيرة شان يشوفها أبوها ويصارخ عليها لا تسوين مثل أمك الحيوانه ( لا إله إلا الله وبعدين ) أنا شان أتضايق وما كملت صحني لأن انسدت نفسيتي عن الأكل شان يرجع ويقول ما شفتي الدوده قلت لا والله ما شفتها قال ياريت لو مخبيها شان حطيتها بوجهك قلتله بصوت واطي الحين ليش قاعد تعيد وتزيد بهالموضوع مو قلت أمس وتهاوشت وياي بس خلاص شان يصارخ زياده علشان تفهمي لأنك بدون احساس علشان يرسخ بمخك وشان يقولي قومي من السفرة جدام البنات واحنا قاعدين ناكل وفعلا قمت وأنا زعلانه وصرت أبكي بالمطبخ شان يسمعني وصارخ لا تبكين ما بي أسمع صوتك شان يلحقني للمطبخ ويضربني برجله على صدري اهني والله العظيم قلت لنفسي يلعن أبو هالعيشة لمتى أتحمل شنو مسويه علشان يصير كل هالشي وفكرت خلاص أبي الانفصال ما لقيت غير هالحل بصراحه وبعد ما كنت زعلانه وكله من رب العالمين استقويت عليه وقلتله إنت ايش تبي من ليش قاعد تسوي شذي شنو صايرلك وهو سمع مني هالكلام وعصب زياده وصارخ شنو ووووو..... يلاه اتصلي بأخوكي خليه ييي الحين قلت بسرعة إيه بتصل اهنيه لقيته شوي كأنه خاف قالي إنتي شنو مخططة ليش مستعجلة على الاتصال قلت ولا شي إنت اللي تبي شذي وفعلا اتصلت ويه أخوي بعد نص ساعة وتكلمنا وايد وطبعا لازم ييب مواضيع من العصر الحجري كالعادة ووووووو بالآخر قال اظاهر اختك تبي الفكة وأنا بسافر شهر وبخليها عندك وإنت اتحملها .وبالليل قبل ما ينام رحت غرفتي وتأسفتله وقلت أنا نايمة عند البنات وهذا اللي صار ومن يومها أنا أنام عند البنات وناكل بروحنا وهو ياكل بروحه ويطلع وما يقول وشنه كل واحد عايش بروحه . والحين شنو رايكم بس تبون الصراحة والله العظيم إني الحين حاسة براحه أكثر من الأول ومو مهتمه فيه زعلان ولا لأ ولا فارقة وياي ولا عندي أي احساس إني أبي أراضيه بصراحة زهقت ما صارت عيشة والله العظيم تصدقون كل يوم كل يوم والله على السفرة إن كان غدا ولا عشا لازم يصارخ على بنتي الكبيرة بأي شي أو علي أنا أحيانا يقعد يصارخ عليها إنها اشلون تاكل أو اشلون ماسكة الكفشة أو صحنها أو ما ادري شنو والله البنت زهقت تدرون هي تقولي ماما طلقيه خلينا نعيش بروحنا مرتاحين ودايما تقولي ما ما أنا ما أرتاح بالأكل لما يكون ويانا بالسفرة أنطر لما يخلص علشان آكل براحتي كل هالشي كان يدور براسي وقت اللي تهاوشنا علشان شذي ودي الفكة منه وغير هالشي كل كلمة والثانية يقولها مثل أمك الخرة مثل أمك الحيوانة مثل أمك الغبية ,ووووووو يعني منو يرضى يعيش بهالجو فهموني يا ناس حتى لو أنا غلطانه بشغلات يستاهل يسوى كل هالشي وبعدين فهموني مشان الله علموني أنا غلطانة ولا شنو ترى بجن من كل شي ومن نفسي . وبعدين لمتى لمتى ياربي .وأحلى شي يقول أنا مخليها علشان البنات ولما يكبرون هي ما راح تشوف وجهي شنو رايكم بالكلام عسل صح .
على العموم بتأسف يا حبايبي ولا تنسوني بالدعاء الله يخليكم .
أم:!: تــــالا :!:
السلام عليكم ورحمته وبركاته

كانك تحكين عن مشكلتي كم مره حولت اتجرأ واكتبه بس خفت انكم تقولون ابالغ وحولت بطرق كثير بس الطبع يغلب التطبع يعني حتي لو كان طيب شوي ينقلب الي شخص كاني اول مره اعرفه عشر سنين مرت كره كل شيء كل شيء لا لا يالله الدنيا تمشيء كم تمنيت ان اكمل دراستي رغم انه جامعي ولاكن لا جدوا تزوجت وانا 16 ويمكن انا اكثر منك معانه اللي كتبتيه ولا شيء من اللي اعانيه احمدي ربك تركي احسن مني حتي انه صار يعيب عليا ويعايرني اني ام لبنات الحمد لله وبس