el-herbalife Shlounkom ya 7elween,ana el-youm thany youm ley berejeam o el-7amdellah a7es enna kil shy tmaam,o nafseyty wayed merta7a o el-7amdellah mako doukha nafs gabil m3a el-rejeam el-3ady, oelly taby et3arf akthar 3n hal-rejeam e6areshly 3la el-khaas,o elnaas elly jrabow hal rejeam ohma elly fe wa7da min el-khawaat 7a6a swarhom gabil o ba3ad,ha teshaja3taw wella ba3ad ;)

يسعد مسااااكوووون كلياتكوووون

شحالكم بناااات

ان شاءالله ماضيييين نحو عزيمة لن تلييييييييييييي<<<ترددها دايما

بس بغيت اقولكم اني مامشيت اليوم بعد كلة من بنتي فيها ماغص بس مو بخاطري

عشان جذي غيرت الحمية الى 1500 سعرة حرارية

والسبب اني ماني قادرة امشي الى الان :icon33:

واللي يبااااها يقولي عشان اكتبها لكم

يللله ياغاليات نشوفكم على خير

والسلالالالام بنتا بنتا بنتا

مرحبا حلوات كيفكم :27:
عساكم منتب مخبصين مثل حلاتي مادري وش جاني اليومين اللي فاتو فتحتها على الاخر ّ>>> :10_8_9:
بس ان شاء الله اعقل و اتعوذ من ابليس و ارجع للطريق الصحيح :16:
اختي الغاليه دلوعة حمني رجيم التمر تقريبا ينزل 1.5الي 2 كيلو يمكن اكثر اذا سويت رياضه و أنا ان شاء الله ابرجعله مره ثانيه بس هذا الاسبوع ودي اغير عشان ما يتعود عليه جسمي و يبطل انزل عليه :love:
ام صهوبي الف سلامه للوالده و ما تشوف شر :26:
سلامي الحار لكل البنات وحده وحده :39:
و سلام خاص للي يسأل عني و يتحرى آخباري :hearts:

صباح الخير يابنات .. أنا اليوم الحمد لله صاحية من النوم بتفائل اكبير لاني نقصت نص كيلو واحد.. من أمس واللحين كلت توست مع جبنة قليلة الدسم.. ونسكافيه بالحليب وعادي شويه سكر :D لاني بصراحة مااستغني عنه.. وان شاء الله على الغداء توست مع كوكولا دايت .. وبروح العصر كالمعتاد النادي للسباحة.. :) لان المدربة تعطيني تمارين في الحوض تساعد على شد الجسم بطريقة مذهلة .. بنات والله انصحكم برياضة السباحة لان والله المدربة اللي تتدربني عندها اربع اطفال وجسمها ماشاء الله مافي تضاريس..تقول لو ثلاث مرات بالاسبوع تمارسي السباحة لمدة ساعة جسمك ينشد بطريقة مذهلة .. وانا بصرحة مليت من الطبقات اللي فيني خاطري يكون جسمي شاد :( 0000000000000

مرحباااااااااااااااااا

حبيبتي دلوعة حمني ..
*******************
الغالية انا متزوجه .. واعرف وافهم شعور ريلج .. لأن ريلي نفس الشي غيور .. ويوم شافني اضعف .. قام ينتبه للبسي .. ولعبايتي .. غير عن قبل .. احس نظرته تغيرت .. مع انه كان يباني امتن :( بس الحمد الله ما سمعت كلامه وانفرشت زياده .. ههههههههه والا جان الحينه مستويه كبت .. كنت كل ما أقوله كيف يعيبك امتن والا اضعف قالي اتمنى تمتنين مثل مريم الغضبان الله يرحمها .. ههههههههههههه .. بس بعدين يوم تعبت من مفاصلي ومن شكلي كلمته بالعقل واقتنع يخليني اضعف ..


أم صهوبي ..
***********
الله يشفيلج والدتج ويقومها بالسلامه ان شاء الله والله يعينج على طاعته ويزاج الله الف خير يا ختيه على اهتمامج بوالدتج مأجورة ان شاء الله .. صح يعز علينا فراقج بس والدتج أولى .. طمنينا عليها حبيبتي .. والله معاج ..


بنت الإمارات الغالية ..
*******************
فديتج انا ما عرف رجيم الكربوهيدرات بس اكيد البنات بيفيدونج بس انا سمعت انه بنات ضعفوا عليه .. بالتوفيج ان شاء الله وشدي حيلج وخبرينا النتايج ..


ميمي ..
******
نحن بخير يا لغاليه انتي شحالج .. شو الرجيم معاج طمنينا .. ليكوووون مخبصه .. ههههههههه .. الله معاج غناتي .. الغالية انا اشرب رويال تي .. او سنامكي .. ملينات يوم احس ان بطني ما يمشي .. يربيهم وشوفي اللي يناسبج ..


أم شوشه منكووشه ..
*******************
فديت كشتج حبيبتي وينج من زمان محد شافج .. شحالج الغالية وشو الرجيم معاج .. طمنينا .. ليكووون خبصتي .. هااااااااااا .. هههههههههه .. يالله بالتوفيج حبوبه..


دنوشة ..
********
عادي فديتج دراستج أولى .. والله يوفقج ان شاء الله ولاحقين على السوالف في وقت المسابقه السادسه .. ان شاء الله نلقاج هناك .. الله معاج حبوبة ..


أم شمه ..
********
فديت ويهج الغالية لج وحشه وين غطيتي عنا .. بشرينا عنج .. وبالتوفيج ان شاء الله في رجيمج اليديد .. شدي حيلج غناتي ..


جورية الكويت الحلوة ..
********************
بالتوفيج الغالية .. الله معاج في رجيمج وان شاء الله دوم مستانسة .. وتخفين مثل ما تحبين .. شدي حيلج غناتي .. وطمنينا عليج بين فتره وفتره ..


الشيهانة 2 ..
************
الغالية ما تشوف شر بنتج إن شاء الله تستوي احسن .. فديتها .. وياليت تخبرينا شو رجيمج عشان الكل يستفيد ..


أم فارس البطل ..
**************
حيا الله المخبصه العودة .. هههههههههه عادي حبيبتي لا تنحبطين .. بس انتي شدي حيلج اكثر وحاولي شوي ترصين على عمرج وان شاء الله تمشين على الرجيم .. بالتوفيج الغاليه ..