نزف الاهات :

بحبك كتير بالنسبه للجوع .. اللهم لك الحمد والشكر مااحس فيه ابداً... سابقا كنت دايم جوعانه والسبب انا لاني كنت حازمه مع روحي وقاسيه ف صار عندي شراهه.. ============================ حبيباتي انا قرأت معلومه حلووة وهي ان المخ في 10 ايام يقدر يتبرمج على طريقة معينه ... انا استفدت من هالمعلوومه في اني اتخلص من حبي للرز فـ بدأت اقلل من كميته شوي شوي حتى وصلت اني اكل ملعقة وحدة فقط ... بعدها جلست اسأل نفسي هاللملعقة هذي راح تشبعني..؟ لا ... بس ع الاغلب راح تقلل من نزول وزني يعني مالها داعي استبدلها بكميه بروتين زيادة ... سابقاً كنت اكل بالصحن المقسم الجزء الكبير كنت اعبيه سلطه بس كنت اقوم وانا جوعانه .واحس اني ماكلت شي .. استبدلت هالطريقة بصحن شوربه وسط اخلط فيه السلطة والبروتين اللي اكله فـ قمت احس ان الكميه والله كثير واكل بالشوكه وانا مبسوطه ... (العين تشبع قبل البطن ) ... بما اني مخضرمه في عالم الريجيمات راح اعطيكم شغلات استفدت منها ... _ لو كنتي مثلي كسوله وماتحبين الاعشاب للامانه انا حتى بنفاسي اتهاوش مع امي عشان الاعشاب .. فـ مالك عن المغلفات اللي تكون بفتله (يانسون بابونج) هذا اللي اقدر استسيغه ... مجرد انك تحطينها بكوب ماي حار وتستمتعين باحلى كوب انا بصراحه اعبي لي كوب وانا بالمطبخ احضر الغداء... تحسسني بالشبع لمدة طويله حتى ع الغداء ماكل كثيرر... _السلطة ... شقولكم بس اروع شي اكتشفته من فتره فصرت مااشبع لو مااكلها ... انا مرت كلمت دكتوره تغديه اشتكي لها اقولها ولدي مايحب الخضار والسلطه قالت سؤال انتي تاكلين السلطه تحطينها ع السفره..؟ قلت لا قالت شلون تبينه يحبها بصراحه تفشلت... اروع سلطة ع الاطلاق ( خس وخيار وربع فلفل اخضر وشبت نتفه وجزره مبشوره وبصل اخضر ورشة زيت زيتون) لو حسيتي بجووع نص النهار فكي علبه تونه وحطيها عليها وااو ع الطعم او قطعي جبن ابيض فوقها وبالشووكه ...واستمتعي بااطعم سلطه حتى تمشي البطن للي عنده امساك وانتم بكرامه .. الشوربه دائماً وابداً احتفظي بشوربه بثلاجتك ... حتى اخر الليل لافكرتي تخبصين او حسيتي بالجووع مجرد انك تسخنينها وبكذا سديتي جوعك ومشيتي ع نظامك صح .... (التجهيز المسبق ) _المقاسات دائماً اعتمدي على ملابسك احتفظي بنطلوونك القديم اللي ضاق عليك وكل شوي جربيه وشوفي شكثر نزلتي ... انا حالياً ماعندي ميزان اعتمد ع المقاسات بنطلوني مقاس 16 من شهر كان بالقوة يتقفل الحين صار واسع امشي واشده لفوق ... الحمدلله هذي بعض الاشياء اللي تحضرني واتمنى انها تفيدكم ...

بحبك كتير بالنسبه للجوع .. اللهم لك الحمد والشكر مااحس فيه ابداً... سابقا كنت دايم جوعانه...

نزف الاهات :

يوميات يووم الاربعاء .... هاليوم انا بسميه يوم تحقيق الاهداف .... لالا يوم الانتصار ... بقولكم في الاخيرر ليش سميته كذا ... الفطور: مافيه الغداء: ملعقتين تونه + سلطة التخبيص: 3 حبات بطاطس مقلي .. سناك : كوب شاي منعنش .. العشاء: عصير سيزر بالمانجوو كان عندي شغل كثيررر في البيت ومالقيت وقت اكل اكتفيت بالعصيررر .. اليوم خليت زوجي يطلع لي ميزان من تحت الارض شهر و4 ايام طاف على اخر قياس ... ومالقيت غير بمستوصف ... تاريخ 7/8 وزني كان 80ك ... بتاريخ اليووم 8/11 صار 76,6 ك .... والله بغيت ابكي من شفت هالرقم طبعا انا قايسه بالليل يعني كنت ماكله .. الحمدلله راح الكثير مابقى الا القليل وهذا ثاني هدف من اهدافي يتحقق... الفال لكم ..

يوميات يووم الاربعاء .... هاليوم انا بسميه يوم تحقيق الاهداف .... لالا يوم الانتصار ... بقولكم...