أمس تعشيت مشاوي وتبولة بدون خبز واليوم راح اصوم منها اجر ومنها صحة ، خلااص ماراح اوقف لما ادخل الخمسينات راح احارب لما اوصل مليت من التسويف والتأجل والعمر يمشي وانا كل يوم بكره بكره ابي البس اللي ابي بصراحة اللي وزنهم زايد وانا منهم احس اللبس يختارني مو انا اللي اختاره بأذن الله راح استمر معكم الى مااوصل ابي البس اللي على بالي بكل ثقه فساتين بناطيل تيشيرتات ليقنزات ااااه يااازين النحف والرشاقه جااايتك ان شااء الله يالمثالي بس مسألة وقت

بس غريبه ماذكرتي الرياضه!!

سوي رياضه وكارديو ابدئي مره فاالاسبوع وثاني اسبوع اختاري يومين تسوين فيه وثالث يوم اختاري ثلاث ايام. وزي كذا وارجعي نفس النظام بس مع مقاومه. لازم تخسري وزن وجسمك مشدود وشبابي مش ترهل. وكثري مويا. وحاولي تسوين لك مويا الديتوكس، 💜👏🏻

هلا بك حبيبتي انا راح ادخل رياضه ان شاء الله بس الصراحة متخوفة منها دائما انحف واذا دخلت الرياضه وزني يثبت ، فأنا مأجله الرياضه لأن ابي اكسر حاجز التسعينات ، وراح ابدأ فيها ان شاء الله ، عشان نفسيا ماحبيت ابد يكون وزني في التسعين ، ولا بقى علي شي واكسر حاجز التسعين ، وميزان الثلاثاء الجاي بيبين

نظامي بشكل عام :
اول ما اصحى لازم كاسين مويه
فطوري : شريحتين توست بر مع ملعقه لبنه مع خيارة
او شريحتين توست بر مع بيضه مع خياره
او شريحتين توست بر وحده فيها مسح فول سوداني و وحده لبنه مع خياره
الساعة ١١ الصباح تقريبا اكل حبه وحده فاكهه
الساعه وحدة الظهر سناكي اي شي متوفر حبتين بسكوت نخالة مع شاهي محلا بستيفيا ولا قطعة شكولاته صغييييره مع قهوة ولا شوووية مكسرات مع شاهي رمان محلا بستيفيا
العصر انام و الساعه سبع ولا ست ونص وجبة غداء عشاء :
علبة تونه صغيره مع خبز المثالي مع سلطة
ولا ايدام خضار مع خبز المثالي مع سلطه
ولا خمس ملاعق رز مع سلطة
ولا ملوخية مع خبز المثالي مع سلطة
اللي متوفر اكل منه بكميات بسيطة ما احب الانظمة اللي تحددلي وش اكل
وقبل ما انام اذا كنت جوعانه اكل زبادي واحيانا انام بدونه واحيانا اكل كوب ولا كوبين بوب كورن لأني احبه مره وللمعلومية يعتبر سناك صحي افضل من الشبسات .
وقبل الميزان بثلاث ايام اشد على نفسي شويااات ، ما اقول لكم ما اخبص التخبص لابد منه واذا حصل يوم وخبصت شوي اليوم اللي بعده لاااازم اقلل اكلي مررره حسب درجة التخبيصه هههه المسألة مثل سلف ودين نظاام مرره مرييح وممتاز والاهم من هذا احس صار علي مثل الدرع من الكلام اللي يحطمني الحمد لله شيء جميل اخرتها امس تقولي وحده سامنه وانا لي شهر واسبوع لكن ما اهتميت لأن الميزان والمتر هم اللي يحددون مو هي وشعوري الداخلي احس اني ناحفه تعرفون شعور الخفه وكذا محد يشوفه بس تحسين فيه شعور جميييل😍