التعدد!!!

السلام عليكم
في موضع
الزوجات الرابعات
كتبت رد عن التعدد و انه من شرع الله وله فوائد و حكم
جاءت وحدت تدعي و تسأل الله من كل قلبها و بخشوع كمان ههخ
ان زجي يتزوج علي
تخيلي ههههههه
المسكينة لا تعرف تفصل بين الهوى و الحق
جزاك الله خيرا

ايش هو هوى وحق !
تقولك زوجي زوجك وافرحي له هذا حقه
واضح كلامها

مدري ليش تقحمون الدين والشرع في اماكن ضيقه
وتلبسون كل كلمه وكل قرار وكل حرية شخصيه لباس الدين والشرع
مع ان الدين بذاته كفل للانسان حرية قراره واختياره
ومثل ما الزواج مباح وحلال وحق يقدر يستخدمه الرجال كذلك الطلاق مباح وتقدر تستخدمه المرأه
ومثل ما الرجال يشوف انه يحتاج اكثر من حرمه تشبعه كذلك المرأه لها حق يكون لها رجال كامل يشبعها
والشي اللي استنكره من زمان ولا زلت استنكره انكم تحطون الرسل والانبياء وامهات المؤمنين في مقارنه مجحفه ظالمه مع رجال ونساء زماننا اللي مايشبه زمانهم ولا ظروفهم
كلنا ندري ان رجال هالزمن ماهم بإستطاعة وقدرة رجال زمان ويالله يقومون بزوجه وحده ومايشبعونها ولا يكفونها وتكون هي ساكته ومتحمله وراضيه بالتقصير عشان تمشي الحياه وانتي وامثالك من المطبلات تمشون وتحطون للذكور اعذار جنسيه وكأنهم حيوانات مالهم عقل ما يتحكمون بأنفسهم !!
اللي بيتزوج اربع او حتى عشر هو حر واللي ترضى به هي حره هذا قرارهم واختيارهم
لكن مالك حق تعترضين على النساء اللي يرفضون البقاء مع معدد مقسوم بينها وبين غيرها لانها هي ادرى بحاجتها وادرى باللي معاشرته وتعرف البير وغطاه واذا قررت الطلاق فهو حق مشروع لها وهي حره في قرارها واختيارها مثل مازوجها وزوجاته الثانيات احرار

كلن حر برايه سلامات لازم نرضخ ونوافق !!!!
احترمو الراي الاخر
وبعدين هالمواضيع مالها اي فايده الا هوشات وسب للثانيات ومعاير الثانيات للاولى
خلو كلن عايش حياته بهدوء بليز

جزاك الله خير على نصيحتك


لكن هذا الموضوع الوحيد اللي مستحيل ماتلاقي فيه هجوم ومستحيل تلاقي له حل ومستحيل ينذكر في مجلس حريم بدون ماوحده تنفعل او تقول كلام ماله اي داعي وكلام سيئ عن المعدد والزوجه الثانيه


لهالسبب الافضل والاسلم محد يجيب طاريه وخاصة اللي تفتح الموضوع من نفسها من باب انصح اخواتي واوعيهم لانها اكيد بتنصح بمثاليه مطلقه وكلام نابع من اللسان لانها ماعاشت التجربه ولامرت بها ولاعانت من زواج زوجها وتبعات هذا الزواج



وهي عارفه ومتأكده انه امر صعب تقبله مهما كانت اسباب زواج الزوج منطقيه وضروريه بغض النظر عن اللي يتزوج تقليد واثبات رجوله وتجربه جديده



الكلام في هالموضوع منذ الازل ماراح يقدم ولايأخر يعني مهما نصحتي ومهما ذكرتي من امثله اذا صار الموضوع على ارض الواقع تتغير المفاهيم وتتغير النصائح وكثيرات والله شفناهم تنصح الحريم بالصبر وان التعدد مثل الجهاد وتتكلم عن اجر الصبر وبمجرد زواج زوجها عليها ثارت وهاجت ونصايحها تبخرت في الهواء لان الكلام مو مثل التجربه والواقع
والنصيحه من قلب مرتاح غير لما تكون من قلب اتعبته الهموم والمشاكل