التعدد!!!

يااختي المشكله ان قليل اللي اشوف يعدل
بين زوجاته
قليل من يتزوج ويحط قواعد
يعدل بالسكن بالنفقه وو
يعني البعض يتزوج خلاص ينسى زوجته وان لها حق المبيت وو
ولايصرف على عياله وبس يسحب على الاولى
وترا احيانا العكس يتزوج ويترك الثانيه
مااقول بس الاولى تنظلم
يعني من اللي يقدر يعدل واذا سافر بهذي سافر بهذي
واشترى وحط وصلح للكل
فيه كفه تطيح
وهذا غير بعض الرجال لمن يروح للاولى يمدح ويقول ذي احسن منك تلبس وجسم او طبخ
او العكس او ذي تجيب بنات وذي عيال ويميل لوحده عن الثانيه وغيره
يعني اساس اللي يكره الحريم فيه بغض النظر عن التعدد
الرجل نفسه هو السبب
وغير كذا فيه زوجات ثانيه او اولى بس يتزوج تسحبه من عياله وتعمل مكايد وكذا ولا عكس
يعني الحريم والرجال يشتركون
وتحتاج رجل يوازن ويعددددل
وفرق بين الرجال والرسول صلى الله عليه وسلم
مافيه نقطه مقارنه وهذا الحاصل تميل كفه عن كفه
سوء للاولى او الثانيه او الثالثه او حتى الرابعه

انا معك عزيزتي بهااكلام وقلت أكثر من مرة اني اتكلم عن التعدد نفسه كحكم مو عن اللي يعدد وما يحقق أهم شرط من التعدد وهو العدل اصلا هذا ما يقال له طبق شرع الله لأنه التعدد في الشرع ما يجوز الا بالعدل إذا سقط فلازم يكتفي بواحدة.. لاحظت كثير من العضوات ما فهموا اصلا موضوعي ويحسبوني قاعدة ادعي أزواجهن التعدد بالعكس انا شخصيا ما اتحمل التعدد متأكدة إذا صار لي ممكن يصيبني انهيار لكن اقصد اني انصح البنات ما يتكلمون بشرع الله بدون علم ويصدورون حكم عام عن التعدد والرجل المعدد بناء عن اللي شافوه هم فقط والرجال يختلفون طبعا

الحقيقة فرق كبير بين اني اعترض ع التعدد... ع المستوى الشخصي وبين رفضه كـ قانون

رفض الزوجة لزواج زوجها ردة فعل طبيعييية جدا
الغير طبيعي تحفيزها وتطبيلها للموضوع
لكن مهاجمة قانون التعدد واتهام المعددين بتهم كثيرة هذي حماقة من بعض النساء او قلة فهم متعمدة للأسباب اللي تمنطق مشروعية التعدد

حقيقة اللي ودها تحكم عقلها وتآخذ الامور بمنطقية بتفهم الاسباب اللي من اجلها شرع التعدد
من غير الحقيقة المرة اللي ترفضها أغلب النساء واللي ماتغير من حقيقة تفكير الذكور ،،ميل الرجل للنساء وعدم الاكتفاء واللي يتمثل بكثرة علاقات الذكور سواء بالتعدد او باتخاذ علاقات ثانية ....
رفض المرأة للتعدد هذي صورة طبيعية جدا
الغير طبيعي هي تحفيز زوجها بإعتقادها انها امرأة خارقة وهي تمثل هذا الدور ...
او اللي تطبل للتعدد وتنطنط بمواقع التواصل منتظرة تصفيق الذكور لها ....
هذا هوه الغير طبيعي
وحتى خيار المرأة في قبول التعدد قبل ماتكون داخل الموقف وخارجه تختلف تماما
مثلا انا اشوف كـ زوجة طالما اني املك مساحة للرفض ماراح اتوانى في إظهار رفضي التام للموضوع
و تفهمي لموضوع التعدد هذا ما يعني تقبله زي مارفضي للتعدد ما تعني مهاجمته ...
وكذلك لو انحطيت داخل الموقف طبيعي بتختلف عندي الخطط و الخيارات تباعا لاختلاف الصورة
ممكن اقرر اكمل ممكن استصعب الاستمرار وانفصل ...هذا كله تحكمه وطأة الموقف والظروف التابعة اللي راح اعيشها ....
فأنا اشوف من حق اي زوجة رفض التعدد على المستوى الشخصي
لكن مو من حقها التهجم على قانون التعدد او القاء التهم ع المعددين ،،لأن في الأخير له اسبابه ومشروعيته سواء حاولنا استيعابها او حتى رفضها ومهاجمتها

..

انا معك.. كررت أكثر من مرة انه الغرض من موضوعي مو تقبل التعدد بالمستوى الشخصي ابدا الغرض هو مثل ما قلت عدم الحكم على التعدد كفعل عام وعدم الحكم على الرجل المعدد بشكل عام لكن من حق أي وحدة فينا ما تحب التعدد وانا ذكرت بكلامي اني ما احب التعدد لكن بعض العضوات حرفوا مسار الموضوع وصار كأنه تشجيع على التعدد نهائيا مو هذا الغرض منه بالعكس اتمنى من كل قلبي وادعلي لكم ولي انه ازواجنا ما يشوفون غيرنا وما يحبون غيرنا يارب..