تعبت زوجي مايناقش

وعليكم السلام ورحمة الله وبركاته
كل الناس على الجوال جات على زوجك
ممكن يبتعد عن المشاكل او فعلا مشغول باالمباريات والجوال
هو مشغول بالجوال انتي انشغلي بهوايات عندك قراءة تصميم مونتاج تعلمي شيء جديد
واذا عندك عيال اقري كتب عن التربية او تابعي تربوين وحفظي عيالك القران
اذا انشغلتي هو بيحس
اتذكر وحده زوجها صامت مايتكلم
علشان يتكلم تروح تسوي الاشياء الي تنرفزه دايما ويتهاوش معها
اذا سوت شيء يستفزه يتكلم
في الاخير تطلقت واندمت
هذا طبع زوجك تعودي عليه وقولي الحمدلله مشكلتك الصمت مو مخدرات وبلاوي تشيب الراس
سولفي مع صديقاتك خواتك عيالك
في ناس غير زوجك
ابحثي عن الزوج الصامت والتعامل معه
فيه شيء زوجك يحب المباريات تابعي معه وسولفي عن المباريات لانها اهتمامه
سولفي في امور تهمه

تدرين زوجي مثلك زوجك بس لا مايخدم نفسه
لكن بالاخير عرفت له صار هو يجي يسولف معي
طنشيه ياختي قومي بواجباتك كزوجة من لبس ونظافه وطبخ
والحمدلله اهم شي السكينه مافيه صراخ وهواش يعني حطي هالنقطه فبالك
سويت لي برنامجي الخاص احنا لان ماعندنا شغل نقعد عالجوال وهم بالدوام ولاجو من الدوام نقولهم سولفو طيب هم كانو بالدوام وضغط
اجي انا بعد اضغطهم ؟!
يقولك قاتل الله الفراغ
سوي لك برنامج لنفسك حبي انتي نفسك اشتركي بحلقات تحفيظ اون لاين يصير عندك ارتباط وتنشغلين فيه
صار يشوفني مشغوله يجي يسألني يتكلم


عرفت ان الدنيا عكس 😞 اللي تلاحقينه يروح بعيد يبيك تركضين اكثر واكثر ومافيه غير التعب لك
بس اللي توقف وتنشغل بنفسها هو بعد يوقف ويجي يشوف عنك


خليك غامضه مو كل شي تعلمينه رحتي سيرتي اطلعي ساكته بالسياره زي ماهو يطلع ساكت صدقيني هو بيسألك كيف وماكيف


مع الوقت يتعود يسولف معك خلس ذكيه 🤪

انا ساكنه بمنطقه بعيده عن اهلي واهله وعمارتي معزوله ماعندي جارات ولا اعرف احد اقوله انا وحيده يقول انا مثلك وحيد واحبك وادللك مااخليك تشتغلين جايبلك شغاله اساعدك وش تبين يقهرني اذا قال وش تبين انا اتزوجت ابيك سولف معي مرررره طبعه يقرف 🥺🥺

يااختي مو تافههه تخيلي يعني اعيش بننطقه وحيده هو دوامه طوووووويل من الساعه ٦الصباح الي ٧بليل يجي يتقهوى وعلى جواله ولا يجلس يكمل شغله على لابتوب طيب انا مليت ابي احد يتكلم معي يسالني وش سويتي ودي اساله اي شي اكلمه عن امه كلمتها اخبارها وشلونهم اساله كيف دوام وش سويتوا اليوم اجتمعت مع مين اكلمه عن سياسه دايم يهمش سوالفي 😥😥😥😥ويقطعها احس ماابي اتكلم تعبت شي يضايق لدرجه حسيت اني ثقيله عليه قلت مو مجبور تعيش مع وحده ماتحس نفس تفكيرك عادي اقل شي قولي على شان اصدددد انسى اني متزوجه 😞

وش اقولك يااختي كل شي يبي يخلصه بسرعه مايحب يتكلم كثير مايتناقش رغم مع اصحابه اذا مسك الجوال مايفكه بس معي لا هو يحبني يقدرني ويعطيني ويهديني بس مايحكي معي مايتكلم احيان ابي اناقشه مثلا بنشتري بيت ابي اقوله تفاصيل البيت وش باخذ وش وكذا مايتكلم في امور شخصيه ودي نتكلم فيها مايعطيني مجال والله تعبت اذا تهاوشت معه عشان بتكلم يناظرني مايرد انا اموت يعني عادي قبل يومين اتكلم بعدواء اناقش يطالع فيني يحقرني عصبت لدرجه كنت باامسك ثلاجه القهوه واكبها عاى نفسي من القهر الي قهرني