كيكة الشيكولاته بالنعناع



ننخل مع بعضه
2 كوب طحين
نص كوب كاكاو بودره
م ص بيكربونات و2 م ص بكن بودر


نص كوب نعناع اخضر نضربه بالخلاط مع نص كوب ماي
نص كوب زيت
علبة لبن مع نعناع 200 مل
2 بيضه


هذا الكاكو المستخدم

وايضا كاكاو افتر ايت اللي بالنعناع ولون اخضر
نفتت 12 حبة من كاكاو افتر ايت صغار بالسكين بس لازم يكون بارد عشان السائل اللي فيه لا يلعوزج
غبريهم بالطحين

خلطي الكيكه بمقاديرها مع بعض

دهني قالب عدل بالزيت والطحين صبي نص كميه العجين وزعي نص كمية الكاكاو المغبر بالطحين
وحطي النص الثاني من العجين وفوقه باقي الكاكاو تخبز في فرن متوسط ساعه الا ربع


قطعي بعض الشيكولات مثلث بالنص وذوبي نص كوب سكر بودره ناعم مع ملعقة اكل حليب سايل
ونقطة لون اخضر

بعد ما تبرد الكيكه تمام والا تسيح التغليفه من عليها لازم تبرد عدل



فرغي السكر بكيس وقضي طرفه ووزعيه عشوائي على الكيكه بس مو كله


قبل لا تصك التغليه رصي الكاكاو ونقطي على كل حبة عشان تدخلين اللونين مع بعض:)

27 تعليق 2,564 مشاهدة

شاركي في النقاش

سجلي الدخول لإضافة تعليق.

التعليقات

25
  1. @um_hana2

    ماشاءالللللللللللله
    مره فخمه
    اني مو مره احب النعناع مع الشوكولاته

    الله يجزاك خير
  2. @danh_alhy

    رووووعه ماشاء الله بس حبيت اسال
    نفتت 12 حبة من كاكاو افتر ايت صغار بالسكين بس لازم يكون بارد عشان السائل اللي فيه لا يلعوزج
    غبريهم بالطحين

    ايش فايدة هالبسكوت وهل هو ضروري لاني اول مره اسمع فيه

تابعي تجارب أخرى من هذا القسم.