زيارتنا لاهلي ورضا ابوي ؟ قصتنا غريبه

صح كلامك
انا بصف الأم
ياعمري هي اللي تتعب وتنزعج وتنظف
انا بهالعمر مع اني مازلت شابه احب اجلس لحالي يومين ثلاثه اسبوع اسبوعين لأني احب احساس الهدوء والعزله والطمأنينه
فمابالك بالأمهات الكبار اللي قضت عمرها وهي عيالها يوجهها كل يوم لحد مايوصلون عشرين سنه وهي تخدمهم ومتحمله ازعاجهم يوميا
لكن الأب بعد معه عذر
لأنه بهالعمر يصير جالس لحاله بالبيت ويشتاق للمه ويبي عياله وهذا من اعظم حقوقه
بصراحه كلهم كسروا خاطري
وكلهم معهم حق بس الأفضل الأم والأب يجلسون ويتصارحون ويتفاهمون وكل واحد يوضح كيف رغبته بخصوص زيارة الأبناء
الحل بيدين الأم والأم مو بيدكم أنتم

لا عادي
ولاغريب ولا شي
حنا امي كذا ترغب تكون الزياره بالشهر

طيب جربي تزوريهم بدون اطفالك وبدون جمعة لاخواتك وشوفي امك كمان تتضايق والا لا
اذا ماتضايقت معناته هي من نوع الامهات اللي ماتبغى دوشه وجمعات ومشاغبات اطفال واذا تضايقت معناته شي في نفسها الله العالم فيه وتتعذر بالازعاج والنظافه
ومايمنع تعزميهم ببيتك حتى لو كانو بيتوتيين اعزميهم على غدا يوم الجمعه عندك ولاتقبلي اي عذر منهم انشبي لهم لين يجوك يمكن يعجبهم الوضع ويصير يوافقو بعد كذا اذا عزمتيهم

اغلب الأمهات كذا
هل كل الأمهات فيهن وسواس ويحتاجن علاج؟
لا
صدقوني وهي تتكلم كأنها توصف وضعنا مع أمي وهذانا عادي مقدرين وضعها ندري انها زهقت من الازعاج
بس الحل
انهم يزورون ابوهم بدون نوم
ويجيبون معهم القهوه والتمر ومايطولون وينظفون قبل مايمشون
عشان تصير زيارتهم خفيفه على امهم وماتتثاقل جيتهم

طيب اطفالنا صغار يعني رضّع صعب نتركهم عند مين اصلا مين يعرف لهم؟
وموضوع زيارتهم لنا كل مابين فترة نعزمهم بس اغلب المرات مايحبون يجون


يعني الزبده والمهم في موضوعي عرفت من ردودكم ان ماأذنبنا من قطع الزيارات لان برغبة امي
بس دايما نخاف ونوسوس ان بيجي يوم ونندم من قلة شوفتنا لابوي خصوصا ان يفرح بزيارتنا كثيييييييييير
وعلى فكره انا وخواتي نتزاور بين بعضنا بس اكيد شوفت الوالدين اهم من كل شي