كيف تقبلك لموضوع انك متأخره بالحمل ؟؟؟ 😪😪نفضفض لبعض

اهلك مو معاك فنفس المدينه يصير تتجمعين معاهم وتغيرين جو ؟؟؟
صحيح الموضوع محرج وخاص بس انتي حاولي ما تعطين احد مجال يسألك يعني لو احد احرجك وسالك اعطي اجابات مُبهمه بتقولين ايش هيه الاجابات يعني تقولين الله كريم ، الله ييسر اللي فيه الخير ، ان شاء الله خير ، وهكذا يعني يا فلانه ايش صار فموعدك قولي الله كريم طيب ايوه الله كريم بس ايش قال لك الدكتور ردي ان شاء الله خير كذا الطرف الثاني يتفشل ويسكت ماعاد ينطق ،، الله يرزقك يااااارب بالذريه الصالحه عاجلًا غير أجلًا ولا تفكرين بالطلاق وخراب البيوت الرزق من ربنا حبي زوجك وداريه ولا تكبرين موضوع الحمل قدامه عشان مايصير هو كل شويه كمان يفكر فيه وتصير حياتكم مشاكل

انا محد يسألني مره وهذا الشيء محزني احسهم راحميني
لكن محد ابد ام زوجي تهبل مره ماتفتح فمها نهائياً ولا خواته ناس من ذوقهم تستحين منهم ولا سلفاتي غير وحدة قالت ماحملتي؟ وقلت لا وبس ببداية زواجي
بس انا اوفر مررره ومزعله نفسي من اول شهر لليوم سنتين واربع اشهر وانا كل دورة بكي وصياح ونفسية زفت وكل دورة ودي اني ساكنة بعيد عن الناس ومحد يشوفني عشان أرتاح

هذا اللي ناويه اسويه بجاوب بهالشكل كنت انحرج بس لمتى انحرج انا لازم احرج اللي قدامي عشان يستوعبو

اول شي الله يرزقك وكل من يتمنى يارب عاجلاً غير اجل


انا من تجربتي .. ماكان اقول لاحد ابد اني رحت المستشفى او معي موعد او او او … محد يدري وين رحنا وين جينا وش استخدمنا من علاج
لما صرنا نروح مستشفى خارج المنطقة صارو يسألون واجابتنا انا وزوجي وحده (( فيتامينات ومكملات غذائية ونستمر لين الموعد الجاي ))
لا اهلي ولا اهله


لما انتِ تحطين حدود للمعلومات اللي عندهم معاد احد يسألك ..
واذا صار واحد سأل قولي الله كريم ان رزقنا او مارزقنا راضين ..


انا ام زوجي اذا حملت وحده من سلفاتي تسحبني لحالي وتقول فلانه حامل واالله يرزقكم يارب .. ارد عليها الله يتمم لها ع خير و اسكت .

هلا حبيبتي تمر علينا هالموقف كنت بالاول ارد الحين اسكت وصارت ضيقه اخلاقي خصوصا من يحملون من اهل زوجي يخبون عليه مدري انا بسرق الجنين من بطنها صارت. اشياء تضايقني يسالون ويش صار ومتى مايدرون عني شيء وماتقبل من اي احد حتى زوجي اذا سالوه يقول لهم مادري متى انا مادخلت معاها للدكتوره يصرفهم
والله اذا عرفو لازم نسوان حماي يدرو رحت ويش سويت لكن لمن يحملون يقولون لهم لا احد يقول لها ويش السبب ماعرف ولا احد يقول يمكن خايفين ع شعورك لا والله هم يحسون اني ب غار منهم ليه اغار اللي رزقهم وصارو امهات قادر ربي احمل واكون ام مثلهم لكن اهل زوجي يمجدون ام الاطفال ومن قال الك انا اجلس معاهم لا مااجلس الا بالمناسبات واذا مافي مناسبات بالشهر مره لان عندهم تفرقه هم في كفه وانا صفر على الشمال احفط ماي وجهي وكرامتي افضل لي
ربي قادر اللي رزقهم ب اطفال يرزقنا مثلهم ونكون امهات