قصتي تبكي الحجر ساعدوني

أهلين حوائيات
الكتاب باين من عنوانه
زوجي صار بيني وبينه موقف زعلت وصرت ماأتكلم معه وقايمه بكل واجباتي من طبخ وغسيل وخلافه
اليوم قال لي تراي متنازل عن حقوقي عشانك مخليك تركبين لولب أنا انصدمت كيف يعني
وش دخل اللولب بالموضوع تدرون وش المصيبة بنتي لسى ماكملت سنتين وأنا طالبة بالكلية وعندي عيال وبنات غيره معي ٦ أطفال ٤ بنات وولدينغير أنه عنده بيت ثاني وزوجته الأولى معها ٩ مابين عيال وبنات.
لا تقولون ليش تزوجتي معدد مو على كيفي تزوجت مجبرة رغما عني 💔
أنا كارهته من أول ماخطبني بس أبوي وأمي أجبروني على الزواج منه ولا أقدر أتكلم وأقول لا أخاف من أبوي شخصيته قوية كلمت أمي ترجيتها يمه حرام عليك هذا رجال كبير كبر أبوي عنده عيال وبنات وأنا عمري ١٨ عيييت تسمع مني وقالت ابوك ماعليه منك عطى الرجال كلمه عقد قرانه وجلست عند أهلي سنة كامله لأنه فقير ماهو قادر يوفر المهر مع ان مهري ٢١ ألف بس وأبوي ساعده بأثاث البيت والمطبخ صار لي قرابة ١٧ سنة متزوجة قسم بمن أحل القسم اني لليوم عجزت أحبه أو أتقبله، أقدره فقط مقابل العشرة وعشان عيالي بس


هو طيب وحنون بس يصلح يكون أب أبدا ماينفع يصير زوج مايعرف أسلوب الحوار نهائيا، أتكلم معه بموضوع فجأة يذكر يقول أنا متنازل عن حقوقي عشان ركبت لولب طيب وش دخل اللولب بالموضوع.


وقعد يمن علي عشاني كملت دراستي الجامعية يقول خلاص مافي دراسة وفكي اللولب احملي.
ساكنه بشقة غرفتين وصالة ولا عندي مجلس ضيوف وحالتنا المادية أسوء من السيئة وحتى المصروف عيالي مايشوفونه منه أنا اللي أصرف عليهم من مكافئتي يشهد علي ربي ماكذبت بحرف
ومجنني على حليب بنتي كيف يخلص بسرعة وليش
مع انها ماتشرب حليب صناعي بودرة يسبب لها إمساك استبدلته لها بحليب طويل الأجل
خواتها أحيانا يشربون منه وعجز لساني يقول لهم لا خلوه لأختكم لأنهم باليوم يشربون مرة أو باليومين ماهو كل يوم
عيالي مايدري يدرسون أو مايدرسون ولدي يطلع مايجي الا حوالي ١٢ أو أكثر مع انه صغير ماوصل ١٥ بس عجزت عنه الله يهديه وحتى الاختبارات قسم بالله يقول لي ذاكرت وهو أحيانا مافتحه مدري كيف بينجح.


أنا صابرة ومتحمله وساكته بس كلمته لي صدمتني مفكر التربية بس حليب وحفاضات وإذا تكلف مرة فصل للعيال ملابس شتاء بس هذا اللي يعرفه
قلت البيت صغير قال بكرة اروح اجيب لك دور أرضي وفكي اللولب خلاص حتى مايعرف اسمه يقول اللي انتي رابطته واتركي الكلية خلاص.
يعني مالقى يضغط علي الا بهالشيئين
قاعدة أفكر أعترف له اني مجبورة عليه وأحيانا أقول ليش اتكلم ابلع لساني واسكت


قسم بالله العلي العظيم أن تصرفاته تذكرني بجدي كللل شي حرفيا


ماأبي رومانسية ولا أبي هدايا بس أبي حياة كريمة وتقدير مقابل التضحيات اللي أقدمه له ولعياله


تدرون أثاث نص البيت مني أول من حافز وبعده من مكافئتي، عيالي وبناتي غرف نومهم غرفة نومي حتى السجاد اللي بغرفتي وجلسة الصالة مني
مكافئتي الأخيرة اشتريت مؤنة البيت المواد الغذائية مستوعبين حتى الرز والسكر وخلافه كيف مايشوف ونسيهم .


معقوله كل الرجال كذا يعني الساكته ومتحمله وتصرف على عيالها هذا جزاها
صدق الطيب مايبين فيهم 💔


واسوني ياخواتي وانصحوني والله يسعدكم ادعولي
صرت أفكر بالانفصال جديا بس ماعندي أحد ألجأ له أبوي وياويلي منه وغيره مالي الا ربي حبيبي سبحانه نعم الملجأ.


نقطة أخيرة يابنات والله ماقلت ولا ذكرت الا نقطة من بحر وماخفي كان أعظم 💔

25 تعليق 4,531 مشاهدة

شاركي في النقاش

سجلي الدخول لإضافة تعليق.

التعليقات

25
  1. @am_aamr_1_4

    اااه بس ذولي الرجال بعضهم ما عليهم الا بس يبغون ورعان ولا همهم كيف حياتهم الدنيا تغيرت
    انا برائي لا تنزلين اللولب خليه هذا شي من حقك انتي ورك مسؤاليه كبيره انا ام واعرف وبعدين الله يطول بعمر ابوهم اذا بعيد الشر صار له شي بالله مين بيتحمل غيرك ولا غير عنده عيال ثانين
    يمكن مع الايام ينسى

    معليش زوجك من الي تفكير زي زمان يجبن ورعان بس { ينامون وياكلون ويشربون خلاص } هذا حياتهم ما يفكرون كيف التربيه كيف الاهتمام المسؤاليه
    ادعي ربك
    وسامحين ع الكلام 😘
  2. @aaaysh_37

    معك 6 اطفال ماشاء الله ربي يحفظهم ويرعاهم ..كفيتي ووفيتي .. اذا انتي ما تبين لا تجيبين بس ركزي في تربية اطفالك .. خلي كلامه يدخل من هنا ويطلع من هناك ماعليك منه .. انتي تصرفين عليهم ف عشان كذا هو مب حاس .. اقطعي فلوسك عن البيت بشكل تدريجي واطلبي منه اكثر .. بفلوسك انتي دلعي نفسك بعيدا عن حياتك الزوجية .. المشكلة انك عودتيه من اول ...

    وتمسكي في دراستك انتبهي تتركينه

    الله يعينكم ويصلح حالكم
  3. @am_alhloa

    صاحبة الموضوع
    ام عـمـر 1
    اااه بس ذولي الرجال بعضهم ما عليهم الا بس يبغون ورعان ولا همهم كيف حياتهم الدنيا تغيرت انا برائي لا تنزلين اللولب خليه هذا شي من حقك انتي ورك مسؤاليه كبيره انا ام واعرف وبعدين الله يطول بعمر ابوهم اذا بعيد الشر صار له شي بالله مين بيتحم…
    فعلا هو عمره بالستين وتفكيره قديم مررره
    ولا درس ولا شي 💔

    يحسب التربية بس حليب وحفاضات
  4. @am_alhloa

    صاحبة الموضوع
    عائشة 🍒
    معك 6 اطفال ماشاء الله ربي يحفظهم ويرعاهم ..كفيتي ووفيتي .. اذا انتي ما تبين لا تجيبين بس ركزي في تربية اطفالك .. خلي كلامه يدخل من هنا ويطلع من هناك ماعليك منه .. انتي تصرفين عليهم ف عشان كذا هو مب حاس .. اقطعي فلوسك عن البيت بشكل تدريج…
    أنا خلاص اكتفيت الله يصلحهم حتى بنتي الصغيرة حملت فيها بالغلط وندمانه قد شعر راسي لو يرجع بي الزمن اكتفيت ب اثنين وبس

    أنا يكسرون قلبي عيالي إذا طلبوا شي مقدر أقول لا بتعشى مع أصدقائي أبي البقالة مصروف المدرسة يروحون ويرجعون مامعهم شي 💔


    هو ماعليه منهم ويقول حنا قبل ماسمعنا شي ماضرنا طيب هم جيل غير عن جيلك مايقتنع ابدا

    يذكرني بجدي الله يطول بعمره

    آخخ يالغبنه

    الله لايسلطه على دراستي لأن أبوي مو راضي اني أكمل وحتى أمي يقولون وش تبين فيها خواتك متخرجات مالقوا وظايف والبيوت مليانه قابلي جوزك وعيالك


    لو قال بكرة ماتداومين محد بيوقف معي كلهم بيصيرون ضدي عادي أبوي يتبرأ مني عشان دراستي لأنه كارهها من البداية.

    عنده فكرة ان المرأة تحمل وتولد وتهتم ببيت زوجها بس وأمي أمية لاقرأت ولا كتبت

    الله يسخر لي الأرض ومن عليها 💔
  5. @am_amyn_abrahym_1

    عليك بالصلاه الابراهيميه بصوت مسموع
    ردديها كثير
    نقطه مهمه ابنك كيف يطلع كذا مايرجع الا متاخر
    هذا امانه عنك احفظي الامانه
    حاولي بكل الطرق
    خليهم يحفظون القران
    غيري توجه ابنائك حاولي قد ماتقدرين
    خليهم عون لك وسند


    لا حول ولا قوة الا بالله العلي العظيم

تابعي تجارب أخرى من هذا القسم.