ليه المجتمع صاير كذا ....ماتنخطب الا

لا يا اختى هذي قناعتك انتى
كلام اختك فقط اكد لك معتقد بداخلك
انا شخصيا اخواتي نصهم سمر ونصهم بيض
السمروات وحدة ماخذه وحدةدكتور
والثانية مهندس
هذا رزق ماله علاقة باللون
احلام الشامسي سمراء وزوجها ابيض من شيوخ البلد
المهم في النقاش مو هالنقطه
المهم انك تدركين
ان عندك انتى شخصيا
معتقد وتسقطينة على المجتمع او اختك .. هم قالو.. هم يعتقدون…
اشتغلي على وعيك …واستحقاقك …وذبذباتك…
وان بغيتي ترتبطين بمخلوق فضائي راح تقدرين

احسبهم ماتوا اللي يشوفون الجمال في البياض فقط🙄

اختك تفكيرهـا من كثر ما هو قديم .. تحسب أحسن الوظايف هي المهندس و الدكتور ..


ماتدري إن فيه هيئات و شركات وبنوك عندنا بالرياض يعطون اول راتب 20 الف .. وتأمين VIP بأي مستشفى خاص للموظف و زوجته وامه وابوه و عياله .. ويتكفلون برسوم مدارس خاصة لعيالك .. وبونس سنوي .. و راتب اضافي بالسنة .. ووو


طبعاً هالميزات ممكن تكون لشخص عنده خبرة بسيطة ، مو حديث تخرج ، لكن حتى حديث التخرج يعطونه شيء وشويات ، حسب من وين متخرج ، و ايش مهاراته ، و شهاداته المعتمـدة الي حاز عليهـا .


وهذي للحين تحسب مافيه راتب زين إلا مهندس و دكتـور ؟!!.. روحي يا شيخة الله يرزقك وكيل وزارة .. عشان تعرف .


هذا شيء .. الشيء الثاني المشكلة ذولي الناجحين الوسيمين هم الي ياخذون بنات سمر ههههه و حلوات ويهبلون وتلقينه طاير فيهـا .


وأهم شيء .. اقتنعي يا قلبي ان مهما تصرفت أختك ، تراه نصيب ، و نصيبك راح يصيبك بإذن الله مهما كانت العراقيـل . لكن ادعي ربك ما تاخذين إلا الي يستاهلـك .


.

مو هي نفسها اللي تتكلم عن السمار و البشاعة و النقاب و الانفتاح؟! 😂😂
ما شاء الله عندها عضويات ع عدد شعرات راسي 😂😂

اختك يامخها متبرمج وطايحه ع راسها
او
تدور الاعذار وش هالخرابيط وهالسوالف بيض سمراء كلن يجيه نصيبه
ماعليك منها نصيبك بيجي لو مهي براضيه
بالتوفيق