الإبتعاد عن الناس غنيمة والا جريمة 🤔

صادقة احسها وحشششة كبيييرة وتخالف طبيعة الإنسان والمؤكد ان العزلة التامة سبب من أسباب كثير مشاكل صحية ونفسية
تسسلط ع الواحد الهواجس والافكار
والكآبة ويعرض نفسه لمشاكل الإكتئاب من غير ان الإنسان يحتاج يفرغ الكلام اللي داخله ويتشارك مع الناس سوالفه وافكاره ...

درر ياغالية كعادتك 💮

نورتي الموضوع ي جميلة❤️

ضحكتني كلمة يقروشون ...

الله يسعدك لافض فوك 🤍

✅👍🏼

بارك الله فيكِ صدقتِ

نورتي حبيبتي 🌸🤍

يا مساء وصباح العسل❤️
بالنسبه لموضوعك
خير الامور الوسط 🌸لو كل شخص يعرف حدوده بالعلاقات وخالط الناس ويكون حذر او بالأحرى حريص احس راح يستمتع مع الناس
لكن لو لغوص الدنيا معاهم او خلى حياته كتاب مفتوح او دخل بالقيل والقال اكيد راح يلقى شي ما يعجبه..
اكره الانعزال لاني اشوف المنعزلين اللي اختاروا الانعزال التام دائما لهم نظره سلبيه ونفسيه معينه لا تطاق عندي نموذج لناس اختارت العزله ولناس تعرف تتعامل مع الناس ولديهم عزله بشخصيتهم مثل الوالد الله يحفظه انسان هادي ما تقدري تسحبي كلمه منه عن نفسه او عن غيره تبارك الرحمن ولا يحب يدخل بصدام مع احد لكن دائما مع الناس رغم هدوئه وحبه للكتب
يعني احسها مسألة عكسيه
وشكرا لموضوعك الجميل 🌹❤️

الله يسعدك يانهى موضوعك جميل واسلوبك اجمل ❤️


البعد عن الناس يكون غنيمه اذا كانو مؤذيين، اصحاب مشاكل، جلساتهم بعيده عن ذكر الله، صحبه سيئه، سيئي ظن ويفسرو الاشياء بفوق ماتحتمل ومافي اريحيه معاهم، رسميين، ناس تدور مصلحه من ورا غيرها..

اصناف كثيره من الناس البعد عنهم راحه وغنيمه وممكن البعد عنهم يكون اجر لانه صحبتهم ذنوب وكدر..


والبعد يكون جريمه لما تكون صحبة خير وتجرك للخير والطاعه، صحبه تطور وتساند وتعطي..



وفي كلا الحالات ماحب الاختلاط الكثير،مثل الاجتماع اكثر من مره في الأسبوع..

يكفي تطلعي كل شهر او كل شهرين وتغيري جو..

وصديقاتي ماهم حولي فمانتقابل الا بالسنه مرتين او ثلاث ومرتاحه بهذا النوع من التواصل..
ومع كذا في تواصل دائم بالواتس ونعرف اخبار بعض وندعو لبعض في ظهر الغيب...



جودة العلاقات اهم من كثرتها..



بالنسبه لي كثرة الاحتكاك تولد المشاكل والقيل والقال..
حتى مع الاقارب،
اقاربي اوجبهم واحترمهم واعايدهم وابتغي الأجر في ذلك لكن مقله في الزبارات والاختلاط الا في المناسبات الكبيره علشان نحافظ على حبل الود..

وحتى على مستوى اخواتي اقابلهم كل اسبوع واحبهم ويحبوني لكن احرص اني مااثقل..



وطبعاً كل انسان له مفهومه وطاقته، في ناس طاقتها تشحن بالناس وتلاقيها ترجع من الاجتماعات سعيده وبطاقه حلوه وتعطي اكثر في بيتها مع اطفالها وزوجها وكل ماخرجت رجعت بهذي الطاقه..

لكن انا العكس اذا خرجت ارجع وحلقي يوجعني من كثر الكلام وراسي مدووش واحس طاقتي تنسحب ماتزيد..



بس الاقي طاقتي تزيد مع اشياء ثانيه مثلاً اذا خرجت وشربت قهوه في مقهى لحالي، اذا تسوقت واشتريت، ارجع بطاقة اللي كانت مجتمعه مع صديقاتها ومبسوطه 😂


فاختلاف الاشياء اللي تسعدنا هو اللي يخلينا نفضل شئ عن شئ..
وبصراحه اعرف ناس اجتماعيبن جداً وخرجات ودخلات وصحبه ومع ذلك يحسون بالوحده ومايلاقون احياناً شخص يستندون عليه اثناء مشاكلهم ويحسون انه محد معاهم مع كثرة علاقاتهم..



كثرة العلاقات ماهو رديف للأنس وقد تجتمع كثرة علاقات مع وحده ووحشه..
الموضوع عميق يعني ويقبل الكثير من وجهات النطر والاراء..


شكراً خليتينا نتفلسف ❤️❤️😂