شاركي في النقاش

سجلي الدخول لإضافة تعليق.

التعليقات

68
  1. @tot_albrary_3

    لحظة يعني إنت من الآن تفكرين لو تنفصلين مين بيوقف معك ؟ و تفكرين بقوة السبب هل هو كافي أو لا ؟
    يا أختي هذا الرجل ما تقدم لك إلا ليعفّ نفسه و بالمقابل مثل أكثر الشباب يتحمّل ديون و قروض لأجل يتمم فرحته و يفرح بأسرة مستقرة..
    و أكيد إنك عارفه هذا الشيء لكن أنا كتبته للتأكيد و لأهمية الموضوع؛
    الموضوع يالغالية ما فيه لعب بالمشاعر ..
    و اللي تشعرين فيه ببسااااطة لأنك زرعتي فكرة بذهنك 🧠
    و التفكير هو اللي يغذي المشاعر و ثم ينشأ السلوك تبعًا لهم.
    يعني أكون صريحة معك تخيلي بداخلي أقول عن شخص إنه مقرف و شكله مو حلو و و و …. كيييييف بأشتاق للقرب منه ، أصلًا راح أحس بغثيان مجرد أشوف شكله -اللي عززت لعقلي بالكلام السيء عنه-
    الحل واحد من اثنين :
    و مهم تآخذين الأمر على محمل الجد و تتخذين قرارك
    يا تقررين تنفصلين عنه حتى لو حجز و دفع عربون للأشياء خسارة عن خسارة تفرق…
    يخسر الآن أهون من أن يخسر أكثر و أكثر و نقول يارب يعوضه خير و يعوضك
    أو
    تقررين تحبينه
    نعم …
    لا تستغربي لما أقولك تقررين تحبينه
    لأن الحب ما يحصل فجأة بضغطة زر ، لا
    الحب هو مشاعر نشأ بسبب تراكمات أفعال صغيرة و مواقف كثيرة شعر الطرف الثاني فيها بالاهتمام و الدعم و الأمان و غيره من مشاعر طيبة تورث المحبة و السكن.
    لكن يا غاليتي لعلّك تبحثين عن مشاعر الإعجاب !
    لأن الإعجاب يختلف عن الحب .،
    فالإعجاب فيه إنجذاب للشكل و الشخصية بشكل عام و يحصل حتى من مجرد نظرة !
    فهل هذا اللي تبحثين عنه ؟
    يالغالية أتمنى تفهمين احتياجك بالضبط ، و بناءً عليه اتخذي قرارك
    و بهذه الأمور ما فيه مثل الإستخارة فلو الخيرة بالتمام تم
    و لو الخيرة بعدمها لم يتم
    و يارب يشرح صدرك و ييسر لك الخير أيًّا كان .
  2. @am_mhmd_hsyn

    أم نايف💙👑
    انا ماابي تقررون ابي اعرف هل طبيعي والا وش اسوي قلبي نافر امي للاسف تقولي بكره بتحبينه طيب انا مو متقبلته
    ارجعي لنفس موضوعك السابق وشوفي
    تعليقي لما كتبت لك تقدم لي شخص
    وصار لي نفس اللي صار لك
    بعد هالعمر لا تغلطي وتندمي
    عطي نفسك وقت وبعدها قرري

    الله ينور دربك ويكتب لك مافيه الصلاح
  3. @shymaaa_20_1

    بقولك تجربتي يلي ماتوقعت نهايتها تكون كدا ،، انا تزوجت زواج تقليدي زي اي وحده ايام الملكه يوم يجي يزورني كانت احلى ايام بس اول ماتزوجت انقلب الحال صرت اكرهه واكره يلمسني اكره العلاقه يلي بيننا اكره كل شي كنت كل يومين اروح عند اهلي وانام عندهم فترات طويله لدرجه ان الناس يعتقدو اني انفصلت بدايه الزواج كان شي صعب مره وكنت اسمع نصايح الناس يلي يقولو البدايه صعبه والنهايه تكون سعيده بس ماحسيت ان هالشي مقنع لين وبدأت تمر الايام وانا ع نفس الحال كل فتره وانا عند اهلي لين نسيت ان عندي زوج وبيت ومسؤليه بس تفاجأت مع الايام مع كثره المشاكل صرنا نفهم بعض! صار يفهم ان مااحب يلمسني بطريقه معينه وصار يعرف يجي عندي بالطريقه يلي انا احبها وانا نفس الشي صرت اعرف شخصيته بدأنا نكتشف بعض ونتعرف اكثر واكثر رغم اني طلبت الانفصال اكثر من مره بس اعطيت فرصه لنفسي وبعد سنتين بالضبط حياتي تغيرت لان فهمنا بعض وصرنا نتصارح مثلاً اقوله انا مااحب هالطريقه وهو مايحب شي معين ويصير كل واحد يتجنب الامور يلي مانحبها وتعلقنا ف بعض كثيير لان صرنا نعامل بعض بالطريقه يلي نحبها وبالاسلوب يلي يريحنا وصار عندنا عالمنا الخاص وبيتنا المفضل والان حامل فالشهر الاول وحياتنا والحمدلله يارب افضل بكثير من بدايه الزواج وطلع فعلاً نصايح الناس لي انو بدايه العلاقه دايماً تكون صعبه لان لسه مو متعودين على بعض
  4. @Cloudy_11

    أم نايف💙👑
    يختي مو بكيفي مين يفهم كلهم يقولون طبيعي وربي مااحس طبيعي قلبي مافر منه اسلك له واجامله وانا حاسه بحومة كبد وقرف منه كلهم بيقولون اصبري وطبيعي ماحد بيفهى
    مب على كيفهم مايفهمون ! قولي لا مب طبيعي اللي احسه بكرا اذا رحتي معاه لحالكم وش تسوين ! محد متوهق الا انتي خليك قد الموضوع وقولي اللي بخاطرك وقولي ما اتوهم ولا شي حرام زواج ذا

تابعي تجارب أخرى من هذا القسم.