لحظة يعني إنت من الآن تفكرين لو تنفصلين مين بيوقف معك ؟ و تفكرين بقوة السبب هل هو كافي أو لا ؟
يا أختي هذا الرجل ما تقدم لك إلا ليعفّ نفسه و بالمقابل مثل أكثر الشباب يتحمّل ديون و قروض لأجل يتمم فرحته و يفرح بأسرة مستقرة..
و أكيد إنك عارفه هذا الشيء لكن أنا كتبته للتأكيد و لأهمية الموضوع؛
الموضوع يالغالية ما فيه لعب بالمشاعر ..
و اللي تشعرين فيه ببسااااطة لأنك زرعتي فكرة بذهنك 🧠
و التفكير هو اللي يغذي المشاعر و ثم ينشأ السلوك تبعًا لهم.
يعني أكون صريحة معك تخيلي بداخلي أقول عن شخص إنه مقرف و شكله مو حلو و و و …. كيييييف بأشتاق للقرب منه ، أصلًا راح أحس بغثيان مجرد أشوف شكله -اللي عززت لعقلي بالكلام السيء عنه-
الحل واحد من اثنين :
و مهم تآخذين الأمر على محمل الجد و تتخذين قرارك
يا تقررين تنفصلين عنه حتى لو حجز و دفع عربون للأشياء خسارة عن خسارة تفرق…
يخسر الآن أهون من أن يخسر أكثر و أكثر و نقول يارب يعوضه خير و يعوضك
أو
تقررين تحبينه
نعم …
لا تستغربي لما أقولك تقررين تحبينه
لأن الحب ما يحصل فجأة بضغطة زر ، لا
الحب هو مشاعر نشأ بسبب تراكمات أفعال صغيرة و مواقف كثيرة شعر الطرف الثاني فيها بالاهتمام و الدعم و الأمان و غيره من مشاعر طيبة تورث المحبة و السكن.
لكن يا غاليتي لعلّك تبحثين عن مشاعر الإعجاب !
لأن الإعجاب يختلف عن الحب .،
فالإعجاب فيه إنجذاب للشكل و الشخصية بشكل عام و يحصل حتى من مجرد نظرة !
فهل هذا اللي تبحثين عنه ؟
يالغالية أتمنى تفهمين احتياجك بالضبط ، و بناءً عليه اتخذي قرارك
و بهذه الأمور ما فيه مثل الإستخارة فلو الخيرة بالتمام تم
و لو الخيرة بعدمها لم يتم
و يارب يشرح صدرك و ييسر لك الخير أيًّا كان .
تابع موضوع الاول مو قادره يابنات مو بكيفي
متابعة النقاش، صفحة 3