تعبت من بعد زوجي عني بالفراش

السلام عليكم
انا عمري ٢٥ وزوجي ٣٠ ومتزوجين لنا ٤ سنين وعندنا ولد الحمدلله
زوجي متغير عليا وما يجيني الا مره بالشهر او الشهرين ومره وصلت ٣ شهور! وله سنة وشي على هذا الحال ولو بتقولوا يمكن تغيرتي بعد الولاده احب اقولكم لا لان بدا يتغير من وانا بالشهر السادس وكنت اقول بمكن عشان حامل.. لكن تفاجأت بعد ولادتي انه برضه بعيد ومو زي كل حرمه زوجها متشفق عليها اه بنات قلبي زعلان.. هو كان يجيني ٤ مرات بالاسبوع وما يخليني ابيت عند اهلي من كثر ما يشتاق وذحين! شي يوجع انا كمان احتاج هذا الشي بشدة لدرجه صرت اسوي العاده السريه وبعدها انهار بكي واحسه السبب واجلس قالبه وجهي عليه.. هوا ياخذ حبوب اكتئاب من اول م تزوجنا لان اعز اصحابه توفى قبل زواحنا الله يرحمه وتعبت نفسيته كثير.. ولما واجهته بعد ولادتي بفتره قال الحبوب صارت ماثره عليه وتخليه ما يشتهي وانه اصلا يبغى يراجع ويوقفها خلاص.. وطبعا ما اهتم يراجع ولا شي.. وقريب زعلت منه وبينت زعلي وقلت انا احتاجك دايمًا وانت مو داري عني وعاتبته كثير قال انتي كل همك فراش وعصب، للامانه هو حنون وكريم ويموت فيني ووبولده وانا اموت فيه بس تعبببت مهما كانت علاقتنا حلوه ومافي مشاكل بس في شي غريب وناقص حرفيًا كاننا اخوان بالبيت وختى اذا جاني يكون زي الواجب عليه وانا والله ما تغيرت بعد الولاده ماشاءالله خيطوني من قلب وربي رجعت كاني بنت حتى اول مره صار بعد الولاده نزل مني دم يعني اموري تماام وانا جميله ونظيفه جدًا الحمدلله لكن بسبب بعده عني جنـسيًا ثقتي بنفسي صارت صفر وصرت عصبيه مو بس عشان احتاج لكن تعرفون الحرمة تحس بانوثتها بقرب زوجها واذا بعد تصير تشك بنفسها حتى لو قلها سبب مالها دخل فيه.. ايش اسوي يا بنااات انا مجرووووحه واحس بنقص فضيع وقهر انه ممو مهتم انه يشبعني! اللي يقهر يروح يحل مشاكل اخواته مع ازواجهم وانا هاملني وما يفكر يصلح هذا ااشي بيننا ولو صارحته يعصب ويسمعني كلام 😔💔

21 تعليق 6,012 مشاهدة

شاركي في النقاش

سجلي الدخول لإضافة تعليق.

التعليقات

21
  1. حبيبتي اتركيه هالفتره ابدا لاتقولين شي
    انتي اللي عليك بس تتجملين واتركيه
    لاتعاتبينه ولاتقلبين وجهك عليه
    خليك طبيعيه ولا كأن ناقصك شي
    اتركيه ضروري تسوين كذا حتى ماتسوين له ضغط نفسي وحتى هو يفتقدك وان شاء الله من نفسه يجيك
  2. @ghym_57

    وعليكم السلام

    انتي زينه ومافيك الا العافيه المشكلة في زوجك من حبوب الاكتئاب ابحثي عنها في قووقل شوفي الاثار الجانبيه لها
    من حقك تزعلين وتطالبين بحقوقك هو زعل و سمعك هالكلام عشان تسكتين

    اجلسي معه وناقشيه لكن ماهو بزعل قولي خلنا نتساعد ونحل المشكله
    هذا الشي من حقك لو كان هو ماصبر وجابك على راسك وحده من اول شهر
    دام وصلت انك تروحين للحرام وزوجك موجود خليه يزعل ويعصب لما يشوفك مصره على رائك يتحرك

    و يمكن هالعلاج مايقدر يتركه وقتها انتي تقررين تكملين معه او لا
  3. اكتبي اسم الحبوب اللي يستخدمها بقوقل وابحثي عن اعراضها وسلبياتها ممكن تكون السبب
    واذا كانت السبب يراجع الطبيب يغير الحبوب له او بوقفها
  4. اعرف وحدة نفس وضعج لكن زوجها ما ياخذ حبوب كان يتعذر بضغوطات العمل
    فالنهاية اكتشفت انه يخونها

تابعي تجارب أخرى من هذا القسم.