انا مجروحه من زوجي رغم كل العطاء

السلام عليكم كيفكم صبايا وش اخباركم
انامتزوجه لي ٣ شهور حصل تصادم بيني وبين زوجي اول ٥ ايام زواج ورجعت بيت اهلي وجلست شهر كامل وكنت ناويه اتطلق منه واخلعه لكن بعدها رحت مكه واستخرت وتكلم معاي واتساب وواجهته باغلاطه واخطائه  وتصالحنا وتصافينا ورجعت له ولنا تقريبا مع بعض شهرين كامله كريم معاي ماديا ولايقصر علي بشي ويحبني ويعطيني كلام حلو ويحضني باستمرار ويحاول يحتويني لكن زوجي خلقه ضيق ويتضايق بسرعه وماله نفس باي شي زي مثلا اقوله يلا نتابع فيلم ويقولي لا لا مالي نفس اتابع فيلم وزي كذا نظامه يعني من الاخر خلقه ضيق  مثلا طالعين والجو مطر وجالسين نتمشى ونشرب شاهي عالجمر وودي اشغل اغنيه واسمعها يقولي قفليها ي فلانه مالي نفس اسمع اغاني وماله نفس باي شي بس من جهه ثانيه طيب وكريم ومتدين وويخاف الله ومومقصر علي لاماديا ولاعاطفيا لكن في شي داخلي مكسور بسبب التصادم والمشاكل الي صارت بيني وبينه اول ٥ ايام زواج كان ينتقدني وينتقد شكلي وجتني صدمات منه قوويه واحس لين الان قلبي موجوع ومجروح ؟!هل هذاالشي طبيعي ولالا؟وايش الحل مع الزوج الي خلقه ضيق مع العلم ان خاطري وسيع ونفسيتي حلوة ومرنه ولساني حلو وهذي الامور كلها مخليتني ممشيه حياتي معاه
وش رايكم ي بنات

11 تعليق 3,619 مشاهدة

شاركي في النقاش

سجلي الدخول لإضافة تعليق.

التعليقات

11
  1. @noor124

    اي شيء يصير لك من مشكله او اي شيء فيه في الحياه خيره لك

    الله كاتب تصير مشكله عشان يصير بينكم مصارحه ويتعدل زوجك معك ويصلح من اغلاطه

    الحمدلله وتقولين تعدل

    ولكن احنا النساء فينا طبع نجتر الماضي ونحب المثاليه ولا نبي شيء غلط يصير

    اللي صار تتذكرينه واذا تذكرتيه قولي الحمدلله بعد هالمشكله زانت اموري

    الكل تصير له مشاكل مو بس انتي

    اما بالنسبه للأفلام والاغاني لا تحرصين عليها
  2. زائرة

    كل انسان تجي له فترة يصير مو طايق شيء وعاد فيلم واغنية هذا آخر جوه.
    مدري وش اقولك يعني رجال ٥٠ سنة تنتظري منه يسمع اغنية وبشوف فيلم ماقول عشانه كبير لان اللي اصغر منه مايشوف هالاشيا ممكن ....الرجال تفكيرهم وجوهم غير مو بس رومانسية جوهم ولالازم ماله خلق وخلقه ضيق كذا طبيعتهم الخشونة ولايجلس مع اصحابه كذا جوه بصراحة مامرة زوجي شفنا فيلم وسمعنا اغنية ممكن لوحدي أي تصير والحين بعد ماتصير طول الوقت مشغولة وهو مشغول الله يسخر لنا ازواجنا .. ع الاقل هذي ترى اشياء تافهة لابتزعلي ازعلي ع اشياء اكبر ضربك طردك صارخ عليك اما تعليقات مافي زوجة سلمت منها حتى ملكات الجمال الناس يعلقوا عليهم ترى.
  3. @ordh_korshyh

    شوفي بتكلم معك كلام اتمنى لو احد قاله لي وسمعت له كلام حقيقي مافيه صالحه خارج من قلبي ورده صدق انك ماترمينه ورا ظهرك عشان ماتذوقين حر مراره الأخطاء إلى قاعده تسوينها تقولين زوجك فيه الصفات الحلوه الي ذكرتيها وماسكه معك انه في خاطري منه في تصرفات قبل خمسميه سنه خلاص افلحنا ونسينا الا تنكدين علا نفسك ليه قررتي ترجعين إذا تنسين عشان سعادتك ونفسيتك وإيامك إلى مفروض تعيشينها مبسوطه معا زوجك بعدين تعالي وش يعني مايبغى يسمع اغاني مايبغى يتمشى ساعه ويحس انها كثير كذا طبعه نسيتي كل المواصفات الحلوه الي ملايين البنات المطلقات والعزابيات في العالم يتمنونها ودنقرتي عند والله خلقه ضيق كبرى عقلك ابعدي عن تفاهات ومنغصات الحياه الزوجيه انتي الان عندك زوج حنون وكريم ووووو إذا لاتفرطين فيه وقدري النعمه لاتجازين بفقدَدها كبرى عقليتك وعيشي يابنت الناس كفتاه عاقله تعرف ثمن اللحظه وثمن النعمه الموجوده الايام مابترحمك والي خلقك لو ماتعاملتي بجديه وابعدتي عن العاطفه تكويك الدنيا كيه واخ ياكيه الدنيا الغشيم حاولت اصحيك من سباتك إلى كتبتيه في سطور وانتي بكيفك خذي كلامي بجديه وادرسيه ولا كبيه في أقرب زباله معك مطلقه بعقليه كانت أشبه بعقليتك وتتمنى لو يرجع الزمن لورا ولاكن للأسف قطع الجزار يده
  4. @aanod_fhd

    رجعت بيت اهلك من اول خامس يوم زواج وقعدت عندهم شهر!!!
    والله الغلط راكبك انت واهلك من راسكم لساسكم
    ولو انك تحبين زوجك كان ما شردت منه وانت لسا ما كملت اسبوع 
    الزمن صار يخوف الناس تغيرت مرة

تابعي تجارب أخرى من هذا القسم.