ضربني على راسي

اسال الله ان ينصرك
والشي الثاني جزء كبير من الاهانه الي انتي فيها انتي سببها المفروض من اول موقف توقفينه عند حددددده انتبه تمد يدك علي انا وراي اهل ورجال
عززززتي لبناتك الله يكون بعونهم حرام يكون اب لهم افكر فيهم اذا كبرو شوي كيف بيكون ابوهم
الاب الي كذا اسال الله ان يهديه ولا ياخذه ويريح اهل بيته هفففف صدق تنرفزت استغفر الله العظيم

لي ٣ ايام مادخلت الموقع مشغولة وتوني فضيت وشفت موضوعك ومره قلبي حرقني
عليك 😭


أول شيء خليني أقولك إنك إنسانة قوية
لأنك تحملتي وضع صعب جدًا وواقفة على رجليك رغم القهر والخذلان والإهانة من زوجك حسبي الله عليه اللي صار لك مو شيء بسيط اللي سواه مؤلم جدًا ومهين
وغير مقبول بأي شكل من الأشكال
لا دينيًا ولا أخلاقيًا ولا حتى إنسانيًا

ومافي انسانه عاقله وبنت ناس ترضاه ع نفسها صراحة
اللي سواه زوجك قمة الحقارة والدناءة والخساسة والوضاعه

يستهزئ فيك قدام الناس ويحرمك انتي  وبناتك من أبسط حقوقكم مثل السفر والخروج
 
ويشد شعرك ويرجعك زي الورع

يذكرك إنك تاكلين من خيره

وكأنك خادمة مو زوجة
يستخف بمشاعرك يقلد صوتك ويضحك عليك وانتي تبكين
يخطط يسافر مع أهله بدونك وانتي آخر من يعلم وتجيه الجرأة يكرر عبارة ماخذ منك شي…!!!!
خييييييير

هذا مو زواج ولا علاقة سليمة هذا عنف وقهر وتعنيف نفسي وجسدي

اللي تسوينه اللحين
لاتسكتين ابدًا ع الاهانات السكوت والرضوخ يعطيه سلطة اكثر عليك ويخليه يتمادى ولاعمره راح يحترمك طالما انك لاعبه دور الجارية والملك

مدة اليد اقسم بالله لو انا مكانك كان رفعت بلاغ بنفس اللحظة عليه الضرب ممنوع ومرفوض في الشرع والنظام

بعد اليوم كل شي وثقيه اكتبي كل اللي صار وسجلي كل شي تقدرين عليه بدون لايدري
خليه يعرف انك ماعاد تخافين او تهابين وواعية حتى لو مافكرتي في باب القضاء الأن الا يكون عندك اثبات لكل شي
((( زوجك ماعليه امان )))

مافي أحد في الدنيا يتحمل كل هذا ويسكت فما بالك أم معها أطفال وتحلم تفرح فيهم شوي

زوجك الحقير قاعد يستخدم سلطته عشان يقهرك ويكسر داخلك
عندك خيارين لاثالث لهما

يا تعيشين طول عمرك في دائرة القهر و يا توقفين وتقولين بس كفاية

أنتِ وبناتك تستحقون أكثر تستحقون حياة فيها احترام حب أمان مو حياة فيها تهديد وضرب وضحك ساخر

افتحي توكلنا قدمي بلاغ صرب واعتداءخذي حقك بيدك
اكيد لو وراك اهل صاحين ماسكتي له
لكن قدمي بلاغ وطز اللي يصير يصير
والله ليجون يتلونه من قفاه الوصخ

مو توكلنا
كلنا أمن

أنثى طاغيه
تعتبر صفه لشخصيتك أن فيها شي من الشر.

أنوثه طاغيه
تصف أنوثتك بأنها لاتقاوم لأنها ساحره.

مدري أي الممعنيين تقصدين
لكن الأكيد إن موضوعك مايمت لأي منهما بصله.

ليش الضعف هذا؟
ماسك عليك زله؟
أمير معيشك في ترف؟
مشوهه؟
فيك عيب قوي كاسر عينك؟
مآخذك من ملجأ مجهولة نسب؟
أو إنك جاهله لدرجة تحسبين
الي يصير من ضرب وإهانات وسخريه
شي طبيعي؟

تدرين إن الله خلقك مكرمه
وحفظ حقوقك من يوم انت
في بطن أمك؟
حدد حقك عند الأب
وعند الأخ
وعند الزوج!

تدرين إن الرسول حرج
حقك على الخلق
ونهى عن ضربك
وعن إهانتك وجعل كرم
الرجل صفه لايملكها إلا لو أكرمك؟

تدرين إنك آخر وصايا الرسول صلى الله عليه وسلم؟

يهينك ليش؟
يضربك ليش؟
ولووووووووووو قلنا لووووووو ممكن تسكتيله خايفه مرعوبه مسويه مصيبه وساكته لكن تسكتين عن سخرية أخواته وجاراتهم ليش؟

المسكنه والدموع ليش؟

الرجل الحقيقي لو شاف دمعه من زوجته يحترق قلبه
لكن انت هو الي يستمتع بإذلالك وبدموعك.

مارح أقولك سوي كذى
وقولي كذى
لأنك عارفه وش الي المفروض تسوينه
ولأنك مارح تسوين حرف من الي إنقال ويبي ينقال
لكن أقول تستاهلين ماجاك لأنه أكيد
ماجا في يوم وليله
واضح إنه وضعك ممن سنين وإنت راضيه فيه.