تعبت وخايفة من زعل ربي كيف اتوب واترك هذا الشي كيف

لا تجيبين سيرتها خلاص

اتركيها بدافع التوضيح تكلمين صحبتك تنبهيها منها انها تتكلم تغتاب مثلا وتخرب صورتي قدامكم

وبعدها خلاص حاولي ما تحيبي سيرتها الا للدفاع عن نفسك

وليش ماواجهتيها؟
أو تركتي الضنون والشكوك
وقال وقيل لين تسمعينها
بإذنك!

نهج رباني إنا نتأكد ونتبين عندما
يصلنا أن فلان قال وقال
عشان ما ننتقم منهم ونرجع نندم.

اهلا ياعسل

تذكري انتي بشر ومن حقك ترفضين وتكرهي اي شخص يحاول اسقاطك ويسبب فتن بينك وبين الناس

وندمك خليه يدفعك لتصحيح الخطأ لأن مستواك أعلى من إنه يهبط بسبب ناس ماتستاهل

وصححي الخطأ بعقلانية واتزان

لأن أحد مداخل الشيطان علينا يخلينا نسيء التصرف حتى يوصلنا لنتيجة محددة
مثلا احيان تأنيب الضمير يخلينا نلجأ لتعويض الشخص المسيء وان هذا ندم ومن باب أننا نعالج الخطأ اللي تسببنا فيه والحقيقة هذا يعرقل موضوع الاقلاع عن الغيبة أكثر

لانك تمتدحين الشخص هذا تحت مشاعر الندم مجبرة ويرجع يكرر الخطأ وتنشحنين من جديد وترجعي تغتابيه
وهكذا تدوري داخل هذي الحلقة المتكررة وهذا يسبب هدم للشخصية بسبب عدم الرضى عن الفعل وتأنيب الضمير المتكرر
خصوصا عند الشخص اللي يخاف الله وعنده رقيب ذاتي


لذلك اقلاعك عن الغيبة اربطيه بكونها محرمة شرعا وان مستواك أعلى من كذا


حطي حد ولا تعامليها وكأنها شخص مقرب خليك رسمية

ثالثا اي شخص يحاول اسقاطك اقسى رد عليه انك تنجحين وتنشغلين بحياتك ...
ودائم فوضي أمر الخلق لله من يستقصد اذيتك تأكدي اللي نيته سيئه عمره مايلاقي التوفيق فارتاحي ...

يقولك لكل فعل ردة فعل احساسك بالذنب دليل على انه فيك خير و خلاص لعاد تجيبين سيرتها و خلي امرها لرب العباد ما خسرانه الا هي
تضايقتي لانه مو اسلوبك بس هي اجبرتك لكن خليك احسن منها الحقران يقطع المصران

هذا امتحان لك
وقت الجد تبان المعادن وتظهر الحقيقه
اللي يتقي الله ويخاف يغتاب الناس راح يحسن التصرف بالموقف ويرفض من الاساس ان الآخرين يتكلمون عنده عن فلانه وعلانه بغيبتهم ولا حتى يقبل انه ينقل له كلامهم سواء عنه او غيره
لان كلنا وقت السعه والروقان نصنف انفسنا اننا طيبين وتقيين ونخاف الله ومانحب الغيبه والنميمه والكذب و ... الخ لكن وقت الجد لما ننحط بالموقف تبان حقيقتنا اذا نقبل او نرفض
وانتي للاسف قبلتي ينحكى عن غيرك قدامك وقبلتي ينقلون لك كلامهم عنك وصدقتيه
وانتي لا كنتي حاضره ولا سامعه ولا شايفه بنفسك كل الحكايه قيل وقال لا اكثر
وبعدين خير يا طير تكلمت عنك ؟
كلامها نقص منك يد او رجل ؟
يبقى مجرد ثرثره فارغه مالها أي قيمه
واذا الشخص مزعجك لهذي الدرجه ابعدي عنه ليش مستمره بالتواصل
تذكري ان الشيطان لسه موجود يدخل بينكم وانتو ماشاء الله مو مقصرين كل وحده تنقل العلوم وتصب بنزين على النار وتشعللها بس لانها متهاوشه وزعلانه مع فلانه وعلانه تمشي وتتكلم بالسوء عشان تبرد قلبها وبالنهايه انتي اللي تاكلينها
وختاما بس تأملي الآيه واترك لك الفهم
(أَحَسِبَ النَّاسُ أَن يُتْرَكُوا أَن يَقُولُوا آمَنَّا وَهُمْ لَا يُفْتَنُونَ )