شاركي في النقاش

سجلي الدخول لإضافة تعليق.

التعليقات

26
  1. صاحبة الموضوع
    عواطف تركي .
    العفو عند المقدره يعني محد يقدر يجبر احد انه يسامح ويعفو طالما هو لسه مايقدر واشوف ان طلب الناس من المظلوم انه يسامح لانه في الغالب هو اللي يفتح المجال للآخرين بالاخذ والرد في مظلمته ببساطه لانه يكثر الكلام عند الناس عن مظلمته بينما الظالم…
    (بينما الظالم تجاوز الموقف وعاش وكمل حياته طبيعي لا يشتكي لا يتذمر عند احد يعني محد يدري باللي صار عشان يتدخل)

    هذا هو الي أقوله بالضبط
    لما الظالم يكمل حياته
    والمظلوم يجلس مكسور
    وبعد مايدرون الناس
    يروحون للمظلوم سامح واغفر !
    طيب دروا..ليش مايروحون للظالم
    ينصحونه ويطلبون منه يبادر ويعتذر؟
    الرسول قال
    (انصر أخاك ظالمًا أو مظلومًا)
    نصرة الظالم تكون بنهره وزجره وردعه.

    ووالله اني شفت كثير يتكالبون على المظلوم ويذكرونه ان الأعمال ما ترفع لله وإن رمضان ما ترفع فيه أعماله ويستغلون طيبته لين يعفو.

    وهذاك يكون متعجرف ومايزيده العفو إلا لعانه وبطره
  2. @farah_26

    كلامك صدق،، الناس يحبون الطيب ومايحسبوله حساب، ويكرهون المؤذي ويحسبوله ألف حساب
    اي شخص يخلي نفسه مكانك ويشوف اذا يحتمل الألم والأسية
    تلقيه ينصحك ويعاتبك ويعتبرك قاسية القلب اذا ماغفرتي واذا وصل فيه الكلام او في احبابه او حصل له نفس موقفك مايتحمل ويثور ويغضب؟؟؟
    دائما خلي نفسك مكان الشخص قبل لاتحكمين، ومامعني كلامي انه مانغفر ابدا، لكن فيه اشياء ما تقدر تغفر ولاتسامح فيها،،،، والأسى ماينتسى.....
    وحتى الأسلام قال أعتزل مايؤذيك يابني آدم!!!!!
    والعفو عند المقدرة، لان مو كل شخص قادر يغفر
    وأنا عن نفسي بعمري ما آذيت أنسان، ومن كثر الحزن اللي شفته بحياتي، حتى بمشيتى أخاف أدوس على النمل😢
    وبصراحة اتسامح وأغفر، الا مع ناس آذوني وحطموني،، بدون سبب وبدون ذنب والله، لذلك مايستحقون غفراني...
    وياويل اي شخص يحطم انسان واويجعل شرخ بروحه، ويفقده أمانه حتى وهو بوسط البشر...
    كلامك رجع لي كريات أليمة، لكن الحمدلله اليوم أنتصرت وزالت احزاني وطول عمري عندي عزيمة
    وعلى الأقل علمتني قسوتهم وجبروتهم اني ما اقهر أنسان ولا أظلم ويابخت من بات مظلوم ولابات ظالم
    الحمدلله الذي اعطانا فشكرنا وأبتلانا فصبرنا....
  3. @yasmeen_7

    ياهلا غادة صباح الورد
    الحمدلله النوم رجع من زمان😁
    الناس غالباً تجي للطرف الاضعف ونسوا إن هالشي يزيد الظالم فجور وظلم يحسبون انهم يصلحون وهم مايدرون انهم زادوا الطين بلة من وجهة نظري الصلح يبي ناس حكيمة وتفهم
    احيانا غباء بعض الناس يقلب الموازين بدل ما ينهون الظالم ويخلوه يعتذر من المظلوم يجوا للمظلوم ويحسسوه انه غلط لأنه ما سامح!!!
    عشان كذا اقول الصلح يبي ناس حكييييمة👍
  4. @shihan0

    صباححح النور والسرور ❤️❤️❤️
    المشكله مو هنا المشكله إذا قلبو الموضوع ضدك قالوا حقوده ما تنسى !!
    طيب ظلم اثر في نفسيتي شلون أنسى ظلمك لي!

تابعي تجارب أخرى من هذا القسم.