بسم الله الرحمن الرحيم
طريقة تحضير سلطة الفاصولياء الحمراء بالذرة
ماعرفت شنو أسميها المهم جذا إسمها أوكي
المقادير :
1_ فاصولياء حمراء ( يا تشترينها من السوبرماركت وتنقعينها طول الليل وبعدين تفورينها .. أو تشترين فاصولياء حمراء معلبة وجاهزة .. وأنا ماأنصح بالمعلبات أبدا إلا وقت الضرورة .. وإذا ماعندج وقت إشتري أحسن فاصولياء حمرا معلبة الرجل الأخضر .. مرسوم عليه رجل أخضر لاتنسون)
2 - ذرة مثلجة وأحسن ماركة الرجل الأخضر
3 - خيارة وحده ( تقصينة دوائر خفيفة .. كل دائرة تقصينة لنصفين )
4 - خس .. ثلاث ورقات ( تقصينه صغار صغار )
5 - بصل أبيض حبة واحدة حسب الرغبة ( تقصينه شرائح مدورة خفيفة جدا وبعدين تقصين كل دائرة أربع قطع صغيره )
6 - بقدونس مفروم
7 - كزبرة مفرومة
8 - نعناع مفروم
9 - خيار مخلل بتلقونه بقس المخلالات بكارفور( تقصينة دوائر خفيفة )
10 - طماطم واحدة.. تقطعينه شرائح دائرية خفيفة .. وكل شريحة دائرية تقطعينة لأربع قطع مثل البيتزا فهمتوا
11 - خردل
12 - خل الليمون .. فلفل أسود .. أوريجانو .. إكليل الجبل خاص بالأكل بتلقونة بقسم البهارات بكارفور .. زيت زيتون .. صويا صوص .. دبس الرمان .. الرانش RANCH من شركة كرافت هذي سر لذة السلطة
خبز فتوش أسمر .. خاص بالريجيم .. تلقونه عند ربيع لبنان حسب الرغبة
طريقة التحضير
أولا ضعي الفاصولياء الحمراء في الماء المغلي ومعاه الذرة .. وخليه يغلي .. وحطي عليه ملح شوية .. وفلفل أسود وشوية خل ليمون .. وشوية كمون . وخليه يغلي على جنب
الآن أحضري الصحن وزعي دوائر الخيار في قاع الصحن
ثم ضعي فوقه الخس .. وثم ضعي فوقة شرائح البصل الرفيعة .. وثم ضعي فوقه شراح الطماطم الرفيعة .. بعدين ترشين شوية ملح وشوية فلفل أسود .. وبعدين تحطين فوقة الخبز شوية .. وبعدين تجيبين البقدونس والكزبرة والنعناع المفرومين تخلطينهم ميكس وتحطين طشونه فوقهم وتخلين الباجي للقمة .. وبعدين حطي الخيار المخلل .. وبعدين تأكدي من الفاصولياء والذرة عندنا ترين الفاصولياء أصبحت جاهزة .. إشخليهم وحطيتهم فوق السلطة .. وبعدين حطي الكزبرة والبقدونس النعناع المفرومين وبعدين شوية خبز فتوش .. وإنثري على السلطة إكليل الجبل شوية .. وأوريجانوا شوية
والختام أحضري ملة وإخلطي فيهم خردل وخل ودبس الرمان وفلفل أسود شوية
وزيت زيتون .. وأهم شي بالصلصة هذي الرانش ..RANCH
المهم وتخلطينهم وتسكبينة على السلطة ..
وبطعا بتقولون لي المقادير أنا الصراحة إعتمدت على الإحساس يعني كل شي بإحساس سويته ولا مقادير ولا شياته
وسلامتكم
إن شاء الله وصلت المعلومة
وبحاول أصور السلطة لكم
أوروفوار
تصبحون على خير بروح أرقد
أزغرط .. ولا أيــبــيــب .. ولا أقولكم كلولولولولولش باركولي 5 كيلوا طاحوا من يوم ..!
متابعة النقاش، صفحة 5