مشكوره اختي على هذا الموضوع
صادقه الاخت الي اذكرت عن صفعت الكف على الوجه لانه صار لي موقف لما كنت في خامس ابتدائي ضاع كتاب التاريخ وسألني ابوي عنه فقلت ضاع وعطاني كف والله الى الان مانسيته
ومره كنت في اول متوسط وكنت انا قايله لمرت ابوي اني ابغى اروح في الصيف عند امي فقالت يمكن ابوك يرفض فقلت اذا ما وداني راح اسوي مشكله وبس لما جاء الليل كنت قاعده مع ابوي فسألني اذا جات العطله ومارحتي عند امك ايش راح تسوين فسكت وعرفت انه مرت ابوي قالت له فأخذ العصا وضربني والله اني اللى الان كلما تذكرت احس بألم هذه العصا
ومره بعد كان وقت صلاة العصر وكان يوم الخميس فلما جاء ابوي من المسجد قال صلت يسأل مرة ابوي فقالت لاماصلت وهي اصلن ماشفاتني صليت ولا ماصليت وانا كنت مصليه فدخل ابوي علي وسألني قلت ايه صليت قال قومي صلي ياكذابه قلت والله العظيم اني صليت فمسكني بقوه وقام يدفني ويضربني علشان اتوضأ بالقوه وكان يضربني بكل قوته على ظهري وكانو اخواني قدامي يتفرجون وعيال عمي والله اني ما انسى ذاك اليوم ابدا 0000
انا اشوف انه الضرب القوي يأثر في الشخص عشان كذا ما اضرب بناتي واذا ضربت مجرد تخويف
وكل وحده تتنتبه لما تضرب بنتها او ولدها او اذا جات تهاوشه ماتهاوشه قدام احد حتى لو اخوانه لانه يجرح المشاعر 000
اتذكر مره كنا كلنا مجتمعين عماتي وعماني واخواني ابوي الله يهديه قام يهاوشني قدامهم تدرون على ايش علشان لما دخلت ماسلمت عليه نسيت والله وتوني امس شايفته المشكله اختي كانت داخله معي بس انا غير مدري ايش السبب يمكن علشان امها موجوده ويخاف منها يمكن مانسى ذاك اليوم
معليش قلت لكم قصة حياتي بس الواحد احيانا يبغى يفضفض
انا الى الان معي عقده مااحب اول يوم في العيد تدرون ليه لانه قبل مااتزوج كنت اول ما اعطل اروح عند امي اول يوم في العيد لاوالصباح يجي ابوي ياخذني ياربي اكون لالبسه ومتكشخه شوي الا الباب يدق مين ابوك يقول اطلعي اصيح لين اموت والله مايفكر فيني ياربي كل ما اتذكر ذيك الايام انقهر واصيح مع انه تزوجت بس والله انها قاعده الى الان في قلبي
تر يابنات ابوي طيب وحبيب بس اسلوب ما اعنده حنان ابدا مافيه هذا عيبه بس والله مع ذلك انه احبه واتمنى له كل خير لانه بعد تربيته غلط تربى على القسوه ما الومه 0000
والله عندي اشياء كثيره لو اقعد من اليوم لين بكره ماخلصت 000وكاها من ايام الطفوله احس اني حفرتها في قلبي احاول انسى بس ما اقدر
بس تدرون ايش فادتني فادتني في تربيت بناتي والحمدالله الحين اعوض الحنان الي فقدته فيهم الله يخليهم لي يارب ولا يشوفون الي شفته وذقته
¤¦¤ مــــواقــــف بالطفــــــولــــة أثرت في حيـــــاتـــــك ¤¦¤
متابعة النقاش، صفحة 2