تراي سلمت ردوا جعل الماء ينرد في حلدز الظالم >> وشفيها شايشه ذي
ياجماعه لا تلوموني بعذري احمق واعصب واشيش وادخن بعد >> بسلمه على قليبي اش برا وبعيد( جالسه تتفل في كرشتها خخخخ)
يُقال ان بكره دوامات .. وانا الصراحه للحين مااستوعبت .. توي استوعب اصلا اني عطلت تجون تصدوموني وتقولون الدراسه بكره!!
مامدانا نسترد انفاسنا عقب ذا المارثون .. حتى كتبي ماامداني اضفهن :42:
بطاقتي حتى مدري وينهي من عقب الاختبارات جادعتها ولا بعد دورتها !! >> كن ذا الي عايق خخخخخ
واااااااااتسبديييييييه بس
تخيلوا من شوي اتعشى والقناة الأولى شغاله >> شغاله والا سواق هع
ايه اقولكم وكانت الأخبار تدهر .. وفجأه سمعت المذيع يقول بيان من الديوان الملكي صدر قرار بتمديد ...... >> مايحتاج اقولكم ان جدران البيت بغت تهبد علينا من قوة صراخنا
ياعمري حسبناه بيقول تمديد الاجازه .. اثره تمديد شئ ثاني نسيته من الصدمه
أأأأأأأأأأأأه ياجرحي >> تلايطي لا بكف
لا عاد من جد من جد باللهي عليكم ذي عطله؟؟ يسكتونا هم والا وش سالفه امهم؟؟! المشكله تراه عطلتين متقاطه في عطله وحده .. عطله نص السنه وعطله الربيع .. على الاقل طيب حطوا لكل وحده اسبوع موب تحشرونهم جميع ياكافي كن الدنيا بتطير.. !
صاير الواحد مايدري وش يبدي..!! يناس انا امنيتي بذا العطله اطيح الي براسي كله بس ماامداني احس كني في سباق !! ودددددددي اتفرشط بالصاله امارس البطاله لين اقول بس .. ودي ابلط في بيت جدتي لين تحوم تسبدها مني .. وددددي اخرب نومي ثمن اعقل وازينه ثمن يرجع يخرب وارجع ازينه من جديد >> ياوالله الي تسمعين بالطموح انتي بعد!!
المشكله الترم الثاني مغغغغغغغطه من قلب .. وانسي تشمين ريحه اجازه .. آآآآه اسعد الله من يرص زر ويخلي ذا الايام تمغط وتجينا العطله الطويله :biggrin:
المهم .. الله يعظم اجري واجركم وياجعله تكفير
بس موب ذا موضوعنا >> كني المح كيبورد ماشي 1000
لحظه لحظه قبل ابدا بالموضوع بأزف لكم بشرى >> كني بالدلوخ جالسين يبحلقون بالباب يحترون عروسه بشرعتها تطل منه يوم قلت بأزف وبشرى كخخخخخخ >> يامصلتس تكفين
لا جد ابشركم نجحت بالقانون .. قسم قسمات احس اني ماصدقت .. صار لي حول الاسبوع مطلعه النتيجه والى ساعتكم كل شوي داخله على موقع الجامعه اتطمن على نتيجتي ... اخاف تهون وتسقطني >>ياعمري انرحم خخخخخخخ

شوفوا شوفوا بالله الملح والقبله !! يالله وش تسوى ذا D عندي!! من الفرحه بغيت اصور معها هع
على فكره ترى D يعني مقبول .. معناته اني ناجحه برجفه ورجفه محترمه بعد:biggrin: .. بس كيفه مايخالف هماني بس افتكيت >> اموووت انا بالي يعزي روحه

طار بك قريح يامخيس .. انا مدري وشلون صابره عليك ومجلستك للحين بغرفتي .. صحيح ماعندك كرامه >> اقروا عليها تكفون

طبعا من العنوان اكيد شميتوا ريحه بر وكشتات وعلومن غانمه
ومما لا شك فيه ان اغلب العوائل ضفت خلاقينها وشالت عفشها وسيده على البر والنفاهه وسعه الصدر >> طبعا باستثناء العضوات الي من اصول بنغاليه ككافي لاتيه وريوفه
يازين البر والله وزين جوه ونفاهته .. بس من منظوري الشخصي انه ماينفع الا عوايل واجد وجمعه عشان يقدر صدري يستاسع .. يعني ماينفع بيتنا بس هو الي يطلع مالين من خشش بعض :22:
ضفيت عفشي وشلت بقشتي وقداااام اول من ركب السياره >> والله من خف العقل
والله يابنات انها ثلاث سيارات وياله شالت عفشنا .. ياشين اهل الرياض لا جو يكشتون..!
برايفت جوليا :
تذكرين يوم اتطنز على اختك لأنها ماخذه بلاشر معها؟؟ بس ودي ابري ذمتي واقولك اني ماخذه الي بتسريحتي كلها .. ولو معنا محل كان فككت التسريحه وخذتها معي بعد هع
من جد من شاف ذا الاغراض الي معنا قال ذولي بيهاجرون موب كلها ثلاث ايام ونرجع !!
والله لا يوريكم السيارات الي على الخط !! بين كل سياره والثانيه ونيت محمل عفش .. للحظه حسيت ان الرياض معد بقى فيها احد .. ياكافي كأن الناس مطرودين من بيوتهم >> علمي نفسك خخخ
وعلى فكره تراي اكتشفت شئ
سبب الهستره والهبال في البر هو قلّ النوم .. يعني بتلهين عمرك عن النوم تقومين تستخفين دمك وبالتي تضحكين ثمن يدخل الاكسجين من فمك ويوصل للمخ وبالتالي يتعبى المخ بالاكسجين ويطرد عامل النعاس فيطير عنك النوك وتصحصحين >> توها قاريه كتاب العلوم
بس لحظه بالله ودي اسألن نفسي سؤال انثبرن شوي
الحين يانفسي ياحقنه وراك بالبر تنامين الساعه 8 الصبح وتصحين الساعه 11 الصبح ومع ذلك النفس وش حليلها والكشره مادتها حول ماتصك الأذن .. بينما في بيتنا لو نمتي 6 ساعات قمتي والنفيسه في طرف الخشم لو شفتي ذبابه تطير تهاوشتي معها!!
من جد شي يحير يانفسي الله يهديتس وراتس تسذا ..!
حومتي كبدي تراتس !! بتعقلين والا شلون ؟!!
خلاص انتهى الحوار مع نفسي تعالوا اكمل لكم >> تراي من شوي مرخصيني من شهار:biggrin:
اقولكم عاد .. فيه كم لقطه كذا اخذتها وحنا كاشتين .. وبما أني فرحانه ان جهازي فيه بلوتوث باغث امكم بالصور :biggrin: .. وعشان مايصك الموضوع عشر صفحات قلت اغير عن اسلوبي دايم في الكتابه والبربره واخلي موضوعي ذا عباره عن حديث الصور >> منتب عاقله ياعذيب خخخخخ






