هذي طريقة وحدة والله ماني عارفه اسمها لكن الله يجزاها خير جربتاه روعه
مرحبا بنات
كيفكم
اليوم جايبه لكم ساندويش لذيذ بس لا تقولون قديم ولا طشته
لاني انا كنت كاتبته من زمان وتلاقونه في الارشيف بس المره هذي صورته على شان كذا برجع اكتبه لكم مره ثانيه
على فكره كتبته وكان اسمي ورود المحبه على شان ما تختلط عليكم الاشياء
المهم ادخل بالموضوع على طول
شوفو
المقادير هذي تكفي 3 ساندويشات
4 اصابع سجق
بصله مقطعه اجنحه
1 حبه طماطم مقطعه صغير
1 حبه فلفل رومي مقطع صغير
3 ملاعق مشروم واذ اما تحبيه شيليه
مكعب ماجي
1 ملعقه ما سترده>>>>>>>>>>>>>>>> ما كان عندي فما حطيته
جبنه موزريلا الكميه اللي تعجبك
الطريقه
قطعي السجق حلقات رفيعه وحطي في القدر شوية زيت وحطي السجق فوقه وقلبي كويس بعدين حطي البصل وقلبيه الى ان يذبل ثم اضيفي الطماطم ومكعب الماجي وخلي الطماطم الى ان يذبل جيدا حطي الفلفل الرومي وبعدين المشروم وخليهم شويه على النار الى ان تذبل الخضار كلها
حطي ملعقه الماسترده وقلبيه كويس وبعد كذا حطي الجبنه وقلبيها الى ان تذوب
اللحين نجي للخطوه المهمه
انا جايبه خبز الهمبرجر بس جايبته من المخبز يعني مو لوزين او الراشد الي يجي مفتوح هذا شكله غير مقفل وبعدين حبته كبيره مره
ان جايبته من بقاله بس فيها مخبز ويعمل النوع هذا
خذيه واقسميه بالنص وبعدين شيلي اللب من جوته وعلى طول احشي الساندويش وقدميه
واذا ما كان فيه جيبي الصامولي بس اللي يكون كبير شويه واقطعي الصاموليه من فوق يعني ما تشقينها من النص بس من فوق وفرغي اللب من جوتها واحشيها
جربوها يا بنات لذيذه وما اطعمها مع ببسي او كولا او بي كولا او اي مشروب غازي
اخليكم مع الصوره
على فكره الصوره مو حلو شكلها لاني صورتها مستعجله وهي في الصينيه على شان زوجي ما يقول ليش الاكل برد وبعدين قال ايش ضبطتها بالفوتو شوب >>>>>>>>>>>>>>>> استحي على وجهك اي فوتو شوب
بس اهم شي المظمون على فكره هذي لي انا وزوجي وولدي
على شان ما تقولوا مفاجيع>>>>>>>>>>>> ايه هين
سلاااااااااااااام
** ملف المعجنات والسندويتشات المجربة **
متابعة النقاش، صفحة 9
