شاركي في النقاش

سجلي الدخول لإضافة تعليق.

التعليقات

1,859

  1. @mshymsh



    السلام عليكم ورحمة الله وبركاته

    كيف حالكم يا وخياتي كلكم ان شاء الله ما بيكمش :)

    عيوني .. امواج البحار ..سلفية ...G Libya ....ام محمد...اريام الحنين ....ليبيا قلبي... تقربصتي ...حياة حلوه .....هناء13... مرت راجلها ...ام مودي وميمي ..good life ..مراااااام ...ذات الهمّة ... مدام علي... زوبة الحبوبه ..لوشا..ام لاء...لونتى الحلوة ....greenstar ..ام تقى الدين ...almsbahi ...TITNK ....طالبة عفو الله ...ليبية100 100 .....de lyon.... ام السنفور.... مهاد
    وفاء المبروك....* براءة * ...فراشة.. بهراء ....حواء118 ...بتول...nonasemo .. maramkhalid .... مدعاة السرور ... A7LA*DAL3*.... albaresih... am &ams .. Homaa ...سومة سيف ... جنان.... Misteriosa ... libyan_girl ... om raya ...meana ... ليبية ...Lole89...nigood....gumati ...

    سامحوني خاشة نكتبلكم علي السريع لاني مستعجلة

    :26: :26: :26:

    ام محمد
    كيف حالك انت والصغار والدكتور ان شاء الله ما بيكمش
    والحمد لله اللي طلع كل شئ تمام , والحمد لله علي سلامتك
    وان شاءالله ربي ايكملك علي خير ياوخيتي ويحفظك لزوجك وصغارك
    او سامحيني يومها خليتلك مسج ومعش فضيت انرد عليك
    لكن ان شاء الله انحاول انكلمك اليومين هادم

    :26: :26: :26:

    المهم يا بنات اني بنقوللكم اني مروحة لليبيا يوم السبت
    هذا ان شاء الله او سامحوني ماتقولوش مشيمشة مرزرزة
    علي المرواح , بالعكس اليوم بس حجزنا وان شاء الله قاعدة
    شهر او راجعة باذن الله , او توا دنيتي حايسة انوتي في شناطينا
    والعقبالكم ان شاء الله ,المهم بنقوللكم ان شاء الله نتلاقوا علي خير
    والسماح يا بنات كان غلطت فيكم والا قصرت معاكم :(
    او ماتنسوناش من الدعاء يا وخياتي :icon33:
    واستودعكم الله الذي لا تضيع ودائعه :icon35:

  2. @good_life

    em mohamed
    السلام عليكم ورحمة الله وبركاته كيف حالكم يا بنات اليوم أن شاء بخير وسلمكن نشادات انعنكن ما أتغيبن ,,,, ونبشركن ولله الحمد كل شيئ تمام اللهم لك الحمد والشكر على نعمائك يا حناتى اليوم من الصبح فى المستشفى داروا لى صورة التراساوند على ال…
    ام محمد الحمدالله على سلامتك والف مبروك عالنتائج انها طلعت سليمة الله يبشرك بالخير وخودى راحتك ارتاحى وردى بالك على روحك ربى ان شأالله ديما معاك
    :26: :26: :26:
    مشيمشة بتروحى لليبيا حتى انتى وتخلينا
    ان شأالله تمشو ودجو بالسلامة ربى يسهلك حملك ويسيرك امورك

  3. @hyah_hloh

    good life
    السلام عليكم مشيمشة الله يبارك فيك وصحتين على الغداء ذكرتينى بالبوريك ليا فترة مادرتاش حياة حلوة هههه سلمها حنو ربى يخليهالكم بالنسبة للكيكات معاش جربت وكان جربت حاجة توا نزل صورتها لكن من يومين جربت عجينه الشو للأخت كريكرة وطلعت روعة خ…
    السلام عليكم
    والله شكلي بيخته واجد كل صفحه فيه اربعه او خمسه ردود مني
    الله غالب والله الكساد بعيد عنكم
    كيف حالكم وحال صغورتكم وابوهم واهلكم
    ان شاء الله بخير كلكم
    نبي نشكركم جميعا من غير ذكر اسم
    علي كلماتك ونصائحكم وبارك الله فيكم
    وكيف ماقلتوا كلام ناس ( )حتي لو تزوجت البنت يسؤله شن مافيش حمل و غيره وغير
    المهم الحمد الله علي كل حال
    وان شاء الله ربي ايهنيكم كلكم او يسعدكم
    مع ازواجكم وصغاركم وتفرحوا بيهم
    امين
    ام تقوي الدين
    شكرا حبيبتي
    وكان مافيه تعب تبعتلي رابط الحلو
    وخاصه الشعريه مره جبتهلي صاحبتي كانت شعريه وحليب محلي
    بس وكانت شعريه محمره علي نار من غير زيت
    بس كانت طعمته تهبل والله خاطرته عليه
    يوم تاني نشري الشعريه متعه
    ونديره ان شاء الله
    وبارك الله فيك
    قولادليف
    شكرا حبيبيت علي رابط وبارك الله فيك
    والله مشاء الله فيه حاجات حلوه واجد الملف

    هي حنو غير دلل بس كم عندنه حنو حتي هي بعد عشره
    سنين
    وحني كلنه كبار والله مشاء الله عليه
    واخذه منه حني الاكبار مشاء الله تصرفته مش علي عمره
    تعرفي بعد نمشوا لي حد او يجونه تقول خيرهم هكي شيطانين
    ربي يخليلكم ويحفظلكم صغاركم
    نبي نسالك انتي كيف تحطي رابط
    الانه مباش يفتح لعند درتله تعديل
    شوفي خوذيه من العنوان الفوق ونسخ كله وبعدين تعالي
    رد علي طول من غير شي تاني
    http://forum.hawaaworld.com/showthread.php?t=798855
    شكرا وبارك فيك ياغاليه
    ام محمد
    الحمد الله الي طمتنينه عليك ياغاليه
    والحمد الله علي سلامتك
    وغدوه حتي كنت تعبانه من ابنج عادي ماتعبيش يدك وتكتبي
    المهم توه طمنه عليك حبيبتي
    توه سلامات




  4. @hyah_hloh

    مشيمشة
    السلام عليكم ورحمة الله وبركاته كيف حالكم يا وخياتي كلكم ان شاء الله ما بيكمش :) عيوني .. امواج البحار ..سلفية ...G Libya ....ام محمد...اريام الحنين ....ليبيا قلبي... تقربصتي ...حياة حلوه .....هناء13... مرت راجلها ...ام مودي وميمي ..goo…
    كيف حالك وحال الحمل
    ان شاء الله تمشي وتجي بسلامه حبيبتي
    وربي يوصلكم بي سلامه ياغاليه
    وربي يكون في عونك علي تجهيز الشنط
    وعقبالنه ياربي

  5. @shlol1

    أم محمد

    اللهم لك الحمد ,,, اللهم لك الحمد ,,, اللهم لك الحمد

    وربنا يكمل لك شفاءك على خير ,,,, وتطلع نتيجة بقية التحاليل مطمئنة

    مشيمشة

    أستودعك الله في دينك وأمانتك وخواتيم أعمالك

تابعي تجارب أخرى من هذا القسم.