~: : :OoO «-.¸¸,.-~*تجمع أحلى صحبه ,,,بنات ليبيا "التجمع الثانى" *~-.,¸¸.-..OoO: : :~

السلام عليكم

كيف حالكن كلكن ان شاء الله بخير...

حياة
بااهي اللي بنت خالتك احسن وربي يصبرها ويعوضها خير وان لله وان اليه لراجعون ولا حول ولا قوة الا بالله ...
ما زالت صغيرة تعيش وتجيب غيره ان شاء الله المهم اتنوض بالسلامة.. ونبي اطمنك انت حتى انا جاني ضغط حمل في ولدي الاول وبعد الولادة قعد فترة وحول بروحه بروحه بس تنقص من المالح والدحى ولاكل اللي في ملح او زلال....

امواج
بااهى اللي اطمننا عليك الحمد لله الحمد لله...
ام محمد
كيف حالك ان شاء الله خير وشنو دايرة مع الحمل والوحم ربي يتمم عليكم بالخير والسلامة اكيد عيالك الاخرين فرحانيي والا عاادي ...
حتى انا توا حصلت ضم بس عندي مشكلة العيال ما زالوا صغار علي االروضة الحكومى والخااص مكلف الله غالب شكلي حتى انا انفش العجل وانقمعز وخلاص...

مدام علي
كيف حالك ان شاء الله بخير خشي هدرزيلنا مرة مرة ..

ام تقي الدين
كيف حالك ان شاء الله تكونوى بخير وربي يصبركم علي سخونة الجو اللي عندكم نحن عندنا درجة الحرارة توا في بداية العشرين وحمو حمو والناس هنا خففت بكل كانه صيف..الحمد لله على السترة الحمد لله... وشكرا لانك طمنتينى وبارك الله فيك وربي يشفي كل مريض...

نجيمة ... المصباحى .. عيونى .. اريام ... مراام ..... ام مودي وميمى .... تقربصتى.... هناء.... جود لايف.....
وباقي البنات .......خشن وطمنونا وهدرزولنا ,,ان شاء الله تكونوا بخير.....

:26: سلامااات:26:

السلام عليكم ورحمة الله وبركاته

مساء الخير

كيف حالكم يا بنات ان شاء الله بخير

اعذروني عالغياب ولكن الظروف جبرتني

حياه
ان شاء الله تقوم بالسلامة بنت خالتك

امواج
ربي يشفيك ويعافيك

اليوم طلعنا لسد وادي كعام
طبيعة حلوة سبحان الله

وحصلنا جو حلو ركبنا على (الروس ) ونقزنا عالصخور

لكن الجو اليوم كان مغيم وفيه ريح وغبار

هذي صورة السد عاليسار مش طالع في الصورة واللي عاليمين البحيرة والوادي
وان شاء الله الايام الجاية انحاوول انزل لكم صور ثانية




تصبحوا على خير

على فكرة ج-ليبيا الصورة رااااااااااااااائعه
بارك الله فيك
والله وحشتنا بلادنا:(