شاركي في النقاش

سجلي الدخول لإضافة تعليق.

التعليقات

569
  1. سمسمة*****
    بصوا ده رد برنسيس كارينا ....ربنا يكرمك يا كوكى......... بصى ياستى 6 قلايات 2 صغير 2 وسط 2 كبير قلاية غويطة كبيرة طقم حلل ستانلس صغير وسط كبير طقم تيفال حلل طقم صاج طقم صوانى بايركس 3 مدور 3 كبير وده مش عملى أوى لأن البايركس عايز حرص …
    ودى مشاركة رحاب بلو روز يا رب يقدرك على الدوشه بتاعة الترتيب يا ريبو ...............


    هنبدأ مثلا بالسفرة
    النيش: مثلا 6 أطقم كاسات
    مثلا 3 طقم ميه
    مثلا 1 طقم خشاف
    و فيه بقى أطقم الشاي و الكاكاو و الفروت سالاد

    انا مش عارفه الأعداد بالضبط بتبقى كام
    و بحاول افتكرلك حاجتي بس انا لميت الحاجه في كراتين
    عشان الظروف اللي قلتلك عليها

    بعد كده نمسك البوفيه
    الصيني ... الأركوبال ... البايركس

    و شنطة الملاعق دي اللي مالهاش لازمة :)

    تمام كده؟؟ نشوف بقى المطبخ

    مثلا طقم حلل تيفال
    طقم ستانلس
    انا عندي الطقم الاستنلس اللي بيكون الومينيوم من تحت
    تحفه بطبخ فيه عادي جدا و صحي
    لأن الألومينيوم مش صحي
    و عندي كمان طقم استنلس اللي غطيانه زجاج
    بس مش بستعمله ... ايه كمان

    اه طبعا صواني و ياريت اللي بتتفتح من الجنب

    أطقم حافظه للثلاجة

    ماجات ... ملاعق .. شوك .. سكاكين ..
    مممممم

  2. سمسمة*****
    ودى مشاركة رحاب بلو روز يا رب يقدرك على الدوشه بتاعة الترتيب يا ريبو ............... هنبدأ مثلا بالسفرة النيش: مثلا 6 أطقم كاسات مثلا 3 طقم ميه مثلا 1 طقم خشاف و فيه بقى أطقم الشاي و الكاكاو و الفروت سالاد انا مش عارفه الأعداد بالضب…
    السلام عليكم ورحمة الله وبركاته

    حد من البنوتات lمش هاينجد وهايشترى المراتب الجاهزه ؟؟؟؟؟؟؟؟؟

    بصوا انا روحت هابيتات امبارح وطبعا هوه يا تجيبى هابيتات يا اما يانسن تاكى لاء

    فى هابيتات المرتبه مقاس السرير الكبير اللى هوه 180 ماشى دى بقى ارتفاعات بتبتدى من 20 سم لحد 37 سم انا لقيت الوسط فيهم اللى هيا 27 سم تقريبا ب 1350 دى اللى هيا مقاس السرير الكبير ال180 وترتيب الحشوات بيختلف فى كل ارتفاع (يا عينى يا بابا ياللى هاتتدبس تدبيسه ههههه)

    وفيه مخدات وخداديات الخداديه ب 35 والمخده (سرير 180 برضه )ب 85

    بس نسيت اسالهم كيس المرتبه بكام هابقى اروح تانى واقولكم
  3. لا انا ان شاء الله هانجد اصل العيلة عندنا مش بيقتنعو بالجاهز دة وقالو مفيش احسن من التنجيد ولوانى مقتنعة بالمراتب الجاهزة دى شكلها احسن واريح
    بالنسبة للمطبخ يا بنات هاتعملوة اية خشب ولا الوميتال واخبار الالوميتال عندكم اية واسعارة كام
    احنا اخر سعر وصلناله حوالي 1000 للمتر دة بعد الفصال
    فية حاجات نسيتوها يا سمسمة
    عندك طبق الفاكهة
    حامل الكحك والبسكويت
    بومبنيرة للشيكولاتة وطبعا انا الا هاكله كلها عشان بموت فيها هههههههه مش هادي منها حد
    فازات الورد لانترية والصالون
    مفارش السفرة
    انا جايبة مفرش شفرة تحفة من المحلة سعرة 310 بس بصراحه يستاهل
    عبارة عن قماش كتان مطرز بالخيط شغل يدوي ومبطنوالاطاف بتاعتة لونها عسلي وهو لونة سكري ومعاة 12 مفرش صغير للنيش 12 اكبر شوية للكراسي
    كنت كمان عايزة اسالكم بالنسبة للعفش يعنى الخشب اودة لنوم والصالون والسفرة وكدة
    اية رايكم اجبهم من دمياط خشب مش مدهون ويروح ورش يندهن وياخد لون ويتنجد بيقولو دة ارخص واوفر من لما تشتري الاودة مدهونة جاهزةولا اية رايكم وياترى تعرفي ولا يا سمسة واية اسعارهم
    اصلي بصراحه مقلقة من الشر ا خالص وخايفة الحاجة تبقي غالية والعملية مزنقة علي الاخر وانا عايزة اجيب حاجة كويسة وسعرها معقول لو تعرفي اية الاسعار قوليلي يا قمر
    ولي رجعة
  4. صاحبة الموضوع
    أزيكم ياأحلى عرايس أيه النشاط والهمه دى كلها
    سمسمه ياجميله شكرا على مجهودك فى نقل المعلومات وشكر خاص لرحاب وبرنسيس كارينا
    أنا عندى قايمه كامله بكل أدوات المطبخ والبوفيه والمفروشات وتجهيز البيت من مجاميعه لكن للأسف الأوفيس عندى فيه مشكله بس أستنوا عليا يومين تلاته أربعه وأنا حجيب كل حاجه ونناقشها مع بعض
  5. صاحبة الموضوع
    كوته ... انا محتاره زيك فى موضوع الخشب بس القرار اللى وصلت له إنى لو رحت دمياط حجيب جاهز على طول لو عجبنى حاجه أو أعمل عموله هنا وخلاص

تابعي تجارب أخرى من هذا القسم.