~: : :OoO «-.¸¸,.-~*تجمع أحلى صحبه ,,,بنات ليبيا "التجمع الثانى" *~-.,¸¸.-..OoO: : :~

تقربصتي ...
بعيد السوء عليها بنيتك والله حسني رعشت معاك :09: ... لاحول ولاقوة الا بالله ... تي شيليها ياخيتى طوالة المرش وفكيك منها راهو مغير تكسر روس العويلة "بعيد السوء عليهم" ... وشنو عينها البنية ووين جتها فى الحاجب ولا وين ياخيتي !!!
وهاللصقة تعرفي اول يوم فى رحلتنا وعمتك امواج مازالت ممدت كرعيها من طول الرحلة والحوش يلى خدينه بابه يفتح على البحر المهم عيالي حقو البحر وطارو يجاروله وقعدو يلمو فى القواقع والحيط الملون المهم انا قاعدة نحول فى جلبابي وشربتي وقلت خليني انخش اندير حمام عشان انروق الا ويجيني عبدالكريم الدم يشر من يده واللهِ ماعرفت من وين يشر :icon33: ودبشه واللهِ رميته فى الكناسة ماتعرفي كيف تغسلي من الدم وهو وجه اصفر زي الليمة ويبي يدوخ "طالع لبوه مايتحملش شوفت الدم" المهم وجاي بوه يجري مسكين كان ينزل فى الشناطي والدبش من السيارة وقعد يبرم ويقول والله ماني عارف ايش اندير !!! المهم قعد يهدي فى العيل ويمسح فى يده بيش يعرف دمه من وين يشر !!! طلع ياحنا الصبع من عند الظفر مقطوع واللهِ قريب تشوفي عظمة صبعه :icon33: ... والحمدلله عندنا فى السيارة شنطة الاسعافات الاولية وجيبها ولقي فيها هاللصقة يلى تحكي عليها ودرها له لغاية الصبح خداه للعيادة بيش عرفنا طريق العيادة مانحكيليك !!! المهم لما شفتها الدكتورة قالت كانت لازم اتخيط لكن خلاص فات عليها 7 ساعات مانقدروش نخيطوه ونظفتله الجرح وعاودتله هاللصقة لكن مسكين قعد غير يصيد وماسكة صنارته وخلاص لاقدر يعوم ولا يلمس لمية وحتى لما يدير حمام نلفو يده بورق النيلو بتاع الماكلة خخخخخخخخخخخ :) وبعدك فى جنان الحوش فى جاكوزي كبير "الحوض يلى ميته ساخنة ويطلع فى فقاعات الهواء منه" وخوته يلعبو طول النهار يشلبكو فيه وهو يشوف وميت من القهرة خخخخخخخخخخخخخخخ مرة لفه له بوه كويس بورق النيلو وخش شلبك معهم بيش بردة دودته خخخخخخخخ ....

المهم لاباس عليها ابنيتك وبعيد السوء عليها وان شاالله بكرة وكان سخر ربِ انكلمك ...

تقربصتي- الحمد لله علي سلامة السنفورة ،والله وجعتني وقعدت نتخايل فيها مسكينة ،ربي لطف،وسلم اوخيتي ياتحوليها الطاولة والا لبسيها حتي باللصقة الكبيرةالعادية (الشاروطو)وخاصة الحواشي وبعدين حطي عليه الشنترو باش ماتبانش المهم ديريهلها حل هالطاولة ،وربي يحفطهم وهو خير الحافظين، وبعيد السوء عليكم مرة ثانية.
امويجة - تي تي وينك معاش امبينة ،شني انسميك ام بطوطة ما شاء الله من رحلة لرحلة ربي يدوم عليكم الونس والدهوير، وخيره وليدك بسم الله عليه ،سخفني امسيكين صار يتفرج علي المية وما يقدرش ايخش ،وقداش يبيله الجرح باش يبرا لانه مشكله حتي لو تلفوه بالنايلو تخافي مرات المية تخش ،فكرتوني علي سريب الجرح ،مرة لما كنت عايشة ب اتاوا روحنا لليبيا وراجلي خلي شقتنا قاعد فيها شاب ليبي عزابي (5شهور)ولما روحنا قعدت انضم في المطبخ ونغسل في الماعين اندير عليهم في دورة:angry: ودخلت يدي في طاسة وما نحسابهاش مكسورةوتجرحني جرح عالمي والدم معاش بيكف وراجلي مهناش خديت شوية قهوة وحطيته علي يدي وكملت حوستي بيدي اليسار لين روح بعلي تغدي وبعدين قلتله علي الجرح ،مشينا للمستشفي قعدنا ست ساعات انتظار هذا غير زعميتك طواري (الله يرحم مستشفيات ليبيا اتخشي علي طول)المهم من القصة ان الممرضة استغربت في الحاجة القهوية اللي في يدي ولما قلتلها قهوة وعلاش حاطتها ماعجبهاش الحال ودارتلي بنج باش تنظفها وقعد الدم يفيع مرة ثانية هاداكا وين اقتنعت وقالتلي باهي اللي ديرتيه كنهادا راهو انزحتي وبعدين دارولي سبعة بونطوات وروحت (قصة حياتي)
هي بالسلامة والحمد لله علي سلامة صغاركم مرة ثانية:)
استودعكم الله الذي لاتضيع ودائعه

السلام عليكم ورحمة الله وبركاته
مرحباااااااااااااااا بنات ليبيا العزيزة قبل كل شي انا حابة احكيلكو اني مو ليبية ولاكن يحصلي الشرف اني اكون ليبية لاني عشت فيها وكان لها خير كبير علي لاني عشت احلى ايامي فيها ويا ريت يا بنات تعتبروني وحدة منكم اذا ما في مانع لاني انا مدينة للبلد هذه ولشعبها كمان احسن شعب اشوفه في حياتي الكرم والعزة والعشرة الطيبة..
بس يا ريت تردو علي اني مرغوب فيها وسطكم ولا لا؟؟؟؟؟؟؟؟؟؟:26: