(ملف)من كل بلد اكله ...الجزء الثانى

منحرمش منك ابدا ولا من زوقك والله بالنسبة لصورة النيوكى اللى مش باينة عندك شوفى كدة لسة مش باينة؟؟؟؟؟ ولا ظهرت ؟؟؟ وانا انزلهالك تانى وبالنسبة للدقيق انا كبرت كلامك ولونته علشان كل البنات ياخدوا بالهم منه ويجربوه ويدعولك واهلا بيكى معانا فى كل وقت نورتى والله



من عنيا يا نتالى انا جارتى بتشترى دايما من ستات البيوت اللى بيعملوا ويبيعوا بس هى فى المصيف اول ماترجع حكتبلك منها كل الاسعار اللى عندها من عنيا بس تابعينى علشان لما اكتبهوملك وبالنسبة لتوابل النكهه بعد ماتحمريها اول ماتطلعيها من النار ترشيها وتخلطيها



بصى يا شهيدة بكرة ان شاءالله حكتبلك اللينكات من الارشيف اللى لما تفتحيهم تلاقى على طول التلخيص بتاع كل الملفات اللى عملناها بما فيها العيد ورمضان واحنا عاملين تلخيص لكل الملفات بس للاسف مش عارفه اعدل التوقيع بتاعى لان المساحه المسموحه ليا مش مكفيه كل اللينكات



اللبنة حتلاقيها فى السوبر ماركت فى علب بلاستيك ومكتوب عليها لبنة وهى بتتاكل على الفطور وبتدخل برضه فى اكلات كتير وطعمها جميل جربيها



اشكرك يا نهلة



حاضر يا خديجة ما هى دى من الحلقات اللى كانت وقت موقع التحميل عطلان علشان كدة لسة بنزلهم بالدور :42:

سموحه انا مجربتش علب الكيك الجاهزة لانى عارفة ان فيه منها كتير بيبقى مش حلو من الركنة او التخزين وبتبقى ساعات واخدة رطوبة حتى شيرى لسة عاملة منها واحدة وباظت منها برضه

ربنا يكرمك يا دون

دايما تعبينك معانا

كوسة بالزبادى (ش يسرى )



3 كوسة كبيرة – 2 زبادى – عين جمل – بقسماط – دقيق – زيت للتحمير – ثوم – بيض
الطريقة
نقطع الكوسة شرائح ثم نرش عليها ملح ثم نضعها فى الدقيق ثم نضعها فى البيض ونضعها تانى فى الدقيق ثم فى البيض ثم فى البقسماط ثم نقليها فى الزيت ونطلعها
نفرم الثوم والعين جمل كويس مع بعض بالسكينة لحد ماينعموا ثم نضعهم على الزبادى وملح وثوم ونخلطهم ونقدمهم فى طبق التقديم مع الكوسة

دجاج تكا (ش يسرى )



افخاد دجاج – زبادى – ثوم – حبهان – قرفة – شطة – قرنفل – بابريكا
الطريقة
نتبل الفراخ بالتتبيلة اللى فى المقادير وياريت لو نسيبها شوية فى التتبيله ثم نضعها على الشواية لحد ماتستوى او لحد ماتستوى نص سوى وبعدين نضعها فى صينية وندخلها الفرن لحد ماتستوى او نضعها فى مقلاية مع شوية زيت على البوتجاز

جمبرى بروفينسال(ش يسرى )



5 جمبرى متوسط – 3 فلفلة الوان – طماطم – بصل – 2 م كسبرة خضراء – 2 م زيت زيتون – 3 عصير ليمون – 2 ثوم – ملح وفلفل – ارز اخضر
الطريقة
نشوح البصل المفروم والفلفل المفروم فى زيت وقطع ثوم ونقلب كله مع بعض ثم نضع مكعبات طماطم ونقلبهم كويس فى مقلاية
فى مقلاية تانية نشوح الجمبرى فى زيت زيتون ثوانى ثم نضع الجمبرى فى المقلاية الثانية اللى فيها الخليط ثم نضع الكسبرة الخضراء ونقلبهم ثم نضع عصير ليمون ثوانى ثم اغرفه واضع على وشه رشة زيت زيتون