(ملف)من كل بلد اكله ...الجزء الثانى

كشرى (2)



نغسل العدس ونضعه فى شوية ماء
نشوح بصلة فى حلة ثم نضع عليها ملح وشوية كمون ونقلبها ثم نضع العدس بمايته ونقلبهم ثم نضع ماء يغطلى العدس لحد مايستوى نص سوى ثم نضع عليه شوية زيت ثم نضع الارز (علشان الكشرى ميعجنش)ثم نضع الماء ونقلبه ونغطية لحد مايستوى عادى بعد ما يستوى نغرفه ونضع على الوش بصل محمر وبيض مسلوق

البيض المحمر

نسلق البيض عادى فى ماء مضاف له شوية خل لحد ما يستوى وبعدين نقشره ونحمره فى الزيت او السمن

البصل المحمر

نقطع البصل شرائح وبعدين نخلطه بايدنا بشوية دقيق (علشان يقرمش) ونحمره فى الزيت لحد مايحمر خالص

دقة الكشرى (اللى بتبقى عند الراجل فى زجاجة )


نضع فى حلة صغيرة شوية زيت ونحمر فيها شوية ثوم مفروم لحد مايصفر بس ثم نضع عليه شوية خل وملح وفلفل وكمون ونتركهم لحد مايغلوا ثم نطفى ونتركه يبرد ونضعه فى برطمان




صلصة الطماطم

نضع زيت فى مقلاية ونشوح ثومة ناعمه لحد ماتحمر ثم نضع الطماطم المصفاه ثم نضع صلصة وملح وفلفل ونتركها لحد ماتتسبك

صلصة الطماطم الحارة (الشطة)

نضع زيت فى مقلاية ونشوح ثومة ناعمه لحد ماتحمر ثم نضع الطماطم المصفاه ثم نضع صلصة وملح وفلفل وشطة ناعمه ونتركها لحد ماتتسبك

تسلمى يا ابلة دون و ربنا يكرمك
بس تعالى بقى نفسنا نشوفك فى المضيفة يلا مستنينك