اذا تعرفين مطاعم واماكن تمشيه بالرياض ومحلات اثاث غرف نوم تعالي ترانا غرب ماندل ونضيع

متابعة النقاش، صفحة 3

شاركي في النقاش

سجلي الدخول لإضافة تعليق.

التعليقات

15
  1. @fafy_999

    اهلا وسهلا وحياكم الله في الرياض

    بالنسبه للمطاعم العائليه اكلها حلو وسعرها معقول
    مطعم السرايا في شارع الثلاثين
    ماريز في طريق الملك عبدالله مقابل صحاري
    والباقي نسيته
  2. صاحبة الموضوع
    بناااااااااااااااااااااا
    تسلمون يابعد حيي


    ههههههههههههههههههههههه اللي يسمعني يقول اول مره تنط لم الرياض بس والله اهلي يعقدون وهم يدرون على قل سنع هههههههههه قلت اسأل ازين لي واكتب المواقع في ورقه

    بالنسبة لمحل اي دي ديزاين وين مكانه بالضبط؟؟؟
    الله يعطيكم العافيه
  3. @dloaa_aboha23

    المطاعم العائلة: ماريز - البحصلي- كبابجي (طريق الملك عبدالله)
    العجمي (طريق الملك عبدالله بعد الدائري جهة الشرق)
    الصيف الهندي (السليمانية عند شارع الدشوش)
    مكاني الهندي (السليمانية بس الصيف الهندي انظف)
    النافورة للاسمالك (طريق الملك عبدالعزيز)
    الضوء الخافت (طريق الملك عبدالله جنب المقصورة -وفيه فرع ثاني في الثمامة) انا ما عجبني لأني ما احب الأماكن المصككه
    السرايا التركي (في شارع الثلاثين) رخييييص
    النخبة (طريق التخصصي)
    سعد الدين (طريق الثلاثين)
    الريف اللبناني (طريق الثلاثين)
    ستيك هاوس (غرناطة - طريق الثلاثين)
    بيتزا كومباني وكم محل جنبهم مقابل النمر على طريق العليا العام

    أماكن التمشية غير الأسواق:
    والله يا قلبي ما عندنا غير المرسى
    الثمامة في احد هالمنتزهات
    حديقة سلام
    حديقة الوطن ...ولا يفوتك متحف الملك عبدالعزيز مرررره يوسع الصدر
    واذا سكرت الاماكن روحوا للمشى امشوا خخخخخخخخخخخ

    الحكير لاند عندهم يوم للعوائل لكن ما اعرف اي يوم
    سيتي ستار بس حريم مافيه رجال

    ذا ون في المملكة
    اي دي ديزاين على طريق الملك عبدالله مقابل سور جامعة الملك سعود

    وتحياتي
  4. صاحبة الموضوع
    بنات الله يعطيكم العافيه
    المتاحف كل يوم عوائل ولا اي يوم العوائل بالضبط بصراحه حكايات حريم ورجال تسبب وسواس لااهلي لازم كلنا مع بعض

    انتظر ردكن
    الف شكر
  5. @am_rno

    مطاعم عمو حمزة .....اكل بحري اسعاه رخييصة ويناسب العائلة الكبيرة

    مطعم الفخار رحت له مرتين الاولى قبل ارتفاع الاسعار رخيص مرة وزحمة مررررة المرة الثانية بعد غلاء الاسعار ارتفعت اسعاره قليلا والمنيو قللوا اكلاته لكن الاكلات الشرقية والمشاوي موجودة وايضا الزحمة مازالت موجودة :)

    عنوان مطعم الفخار لايحضرني قريب من التخصصي لكن مدري وينه :)

    بالنسبة لمطعم عمو حمزة له كم فرع

تابعي تجارب أخرى من هذا القسم.