شاركي في النقاش

سجلي الدخول لإضافة تعليق.

التعليقات

298
  1. @moooahb

    السلام عليكم ورحمة الله

    ماشا ءالله تبارك الله عليك اختي لوليتا كلامك منطقي ومقنع ويدخل العقل
    لاني احب اسوي شي اقتنع به.. ما اكذب عليك اوقات انحرف واتبع رجيمات هالكه او عشوائيه
    لكن ولاكأني سويت شي ارجع كل اللي فقدته :) .. بس مره عجبني ذا الكلام

    ان معظم الناس لايدركون ان البرنامج المتوازن للسيطرة على الوزن لابد ان يتم تعلمه تماما كما يحدث حين يتعلم الشخص على العزف على البيانو
    فاثناء جلسات الممارسة القليلة الاولى نتوقع ان نضرب بعض النغمات النشاز
    فمن الطبيعي ان نقع في اخطاء اثناء تعلم احدى المهارات الجديدة
    ولابد ان ندرك ان الاخطاء ليست دليلا على الفشل ولكنها اشارات تدل على اننا بحاجة الى اكتساب المزيد من الممارسة .

    يعني اذا اخفقت يوم او يأست او خبصت ما اقول انا فاشلة وعمري ماحتحف لا استمر
    وباذن الله اواصل للهدف اللي اباه.. بس انا ناقصتني معلومه اكيده عن المعدل الطبيعي لفقد الكيلوات
    في الاسبوع.. عشان اشتغل عليه :)

    وزني 66 بس مبين علي اكثر والسبب لاني قصيره 154 تقريبا.. وبصعوبه ينزل.. واحاول اني ما اعتمد
    واقول مقاساتي متوفره ليش اتعب بحميه.. لا صحتي قبل كل شي واهم شي.. وانا لو على نفسي عاقله
    واحب الاكل الصحي ماشاء الله تبارك الرحمن.. لكن معاناتي وآآآآآآآآآآآه منها لمن يتجمعون عندنا الاهل
    او الزيارات كلها حلويات ودسم ويستغربون لو ما اكلتي.. ولاني انا ما احب اقول اني اعمل دايت( نظرا لاني محيطي كلهم ماشا ءالله تبارك الله مليكنات فأتفادى الاحراج واستر على نفسي) واضطر اجاملهم واكل معاهم.. وغير كذا اللي تعزم وتحلف علي يمين بالله كأنهم مايبوني انحف هههههههههههههه

    طولت عليك بس موضوعك لامس شغاف قلبي.. دمتم بخير
  2. لوليتا80
    حبيبتي عورتي قلبي اذا تاعبك الرجيم لا تسويينه بحذافيره..جسمك بحاجة لوقت ..خففي او زيدي شوي على الرجيم لحد ما تقدرين او تتعودين على الكمية القليلة تعرفين اكبر عذاب........جمعة الحبايب والاكل اللذيذ والسوالف الحلووووووووووووة يااااااااي جعت…
    مشكوره عيوني
    الرجيم أكبه خفيف
    و أنا عادي بطبقه
    بس في العشاء صراحه تعب
    كيف وحد يتعشي كوب حليب بس:(
    التمارين تمام
    من يومين تاركتها
    كان عندنا عرس ومبارحه تعبانه عسب الرجيم
    و اليوم ما أعرف شو راح يستوي

    مع السلامه :)
  3. @rosalba

    تعيسه
    والشكر موصول للاخت Rosalba على القصص المشجعه
    مسا الخير على الجميع
    الحمدالله اليوم أنا احسن شوي

    لوليتا80: هلا الغاليه...لا سلامتك بس كنت حاسه بإكتئاب بسبب بعض المشاكل.. عاد انا من النوع اللي اذا صارت لي مشكله بقعد افكر فيها اربعه و عشرين ساعه ...وبتذكر الماااااضي كله و الحاضر و المستقبل...تخيلي يومين مب راقده كله من التفكير....والله إني فظيييييعه ....ابغي اتخلص من هالطبع مب قادره:26:

    sarah moon: مشكوره الغاليه على النصايح الحلوه ...وصحيح كل كلامك.... :26:
  4. @sot_almhbh

    لوليتا80
    جزاك الله خير فطور الملوك ليش؟!! قلت لكم كذا ياترى؟؟ الايض او المتابولزيم او نظام الحرق يكون نايم معانا اول ما نصحى لازم نعطيه دفعة قوية علشان نشغله ..ولما يشتغل على طول بيحرق وجبة الفطور الدسمة وبعدها ب3 ساعات تاكلين وجبة ثانية الا وهي ا…
    وأنا معاكم
    من اليوم بدأ الرجيم
    وزني ٥٤ وطولي ١٥٥
  5. @lolyta80

    صاحبة الموضوع
    مووواهب
    السلام عليكم ورحمة الله ماشا ءالله تبارك الله عليك اختي لوليتا كلامك منطقي ومقنع ويدخل العقل لاني احب اسوي شي اقتنع به.. ما اكذب عليك اوقات انحرف واتبع رجيمات هالكه او عشوائيه لكن ولاكأني سويت شي ارجع كل اللي فقدته :) .. بس مره عجبني ذا ا…
    ياااااااهلا ومرحبا نورتينا يالحلوة
    خخخخخخخخخ بالنسبة للعزايم تعرفي شو صرت اسوي

    عرفت طريقة وحدة عندنا
    دايما تقول معدتي تعورني ماقدر...والا معدتي صارت حساسة
    ومااااااااااااااشاء الله صارت منيكان ولا حد حسدها على النزول ولا شي عارفين انها تعبانه:42:

    وهي كانت تخفي عليهم علشان ما تسمع تعليقاتهم اللي تمرض
    اخذي الصحن...والعبي فيه..تقول ممثلة انه صديقاتها المنيكانات كله كذا مايردون اي اكل في حياتهم بس لما ياخذون الصحن يقعدون يطالعونه ويطالعونه ويحركون الملعقة وتكون لقمتهم صغيررررررررة وعلى فترات يعني يتمون يضحكون ويسولفون وبعدين تاخذ لقمة صغيرة
    كذا هم ماراح يحسون صدقيني وانا افضل هالطريقة وانك ماتقولين لحد انك عاملة تخفيف سوي مثل صديقتي هذه

    وبالنسبة لمعدل النزول الاسبوعي علشان ما يترهل الجسم اعتقد وعلى حسب خلفيتي كيلوين او 3 كل اسبوعين يعني شيء بسيط لو اللي اوزانهم كبيرة ويستمرون عليه ..بينزلون صدقيني احسن مية مرة من رجيمات فاشلة
    انزل بهدوء ولا انزل وارد متينة زيادة من فشل الرجيم ..كلنا كذا نتكدر من الرجيم وقسوته على طول نقرر ناكل ادسم وجبة وبعدين نتحسف ونحس بالذنب ويومنا يعتفس

    اللي تسوينه باقتناع بيصير غصب وبتضعفين عاجلا ام اجل احنا لازم نعطي لانفسنا اهداف سهلة وواقعية علشان نقدر ننجزها وبالتالي ترفع معنوياتنا وتساعدنا وتحمسنا اكثر

    ياهلا وغلا فيك شاركينا فضفضتك يا حلوة

تابعي تجارب أخرى من هذا القسم.