شاركي في النقاش

سجلي الدخول لإضافة تعليق.

التعليقات

272

  1. @q_1 محررة

    #15343994
    طريقة الي يسأل عن اللقيمات

    كأس دقيق
    ملعقتين كبيرة حليب بودرة
    ملعقة كبيرة كاسترد
    فنجان زيت
    ذرة ملح
    ملعقة كبيرة سكر
    ملعقة كبيرة خميرة
    كلها أخلطيها مع بعض
    بعدين صبي عليهم كأس موية شوي دافي


    بس الأهم العجن العجن جيد
    يعني عشر دقائق عجن
    لين تحسين أنها صارت ناعمة
    وعلى فكرا نجاح اية عجينة فطاير قيمات أي شي بالعجن الجيد

    وبس أقليها بزيت على نار هادئة وليس بارد مع الاستمرار بالتقليب
    ولما تطلع على طول إما شيرة باردة ولا عسل

    وبالهناء

    وبلغوني النتيجة

    دعواتكم

  2. @nor_aayny_gnan كبيرة محررات

    #15345554
    Q!!
    طريقة الي يسأل عن اللقيمات كأس دقيق ملعقتين كبيرة حليب بودرة ملعقة كبيرة كاسترد فنجان زيت ذرة ملح ملعقة كبيرة سكر ملعقة كبيرة خميرة كلها أخلطيها مع بعض بعدين صبي عليهم كأس موية شوي دافي بس الأهم العجن العجن جيد يعني عشر دقائق عجن ل…
    <<< جاري الترجبه جزاكي الله ىالف خير

  3. @q_1 محررة

    #15346025
    الترجبة :icon30:

    مشكورة حبيبتي

    وخبرينا وش يصير عليك :icon35:

  4. @almsafr عضوة شرف في عالم حواء

    صاحبة الموضوع #15348405
    عاشقة التصميم
    رمز العفاف ياليت تحطين طريقة ورق العنب لان شكله لا يُقاوم:angry2:



    هلا وغلا بأحلى حبايب..


    **أختي ساندرا**

    هني وعافية على بنتج وربيعتها هالسفرة الطيبة..

    منورة يالغالية والله يعطيج العافية..


    **بنت قطر**

    ماشالله عليج وعالصور والترتيب اللي يفتح النفسسسسسسسسسس..

    يعطيج العافية يالغلا وأشكرج على تواصلج الدايم..



    **نور عيني جنان **

    ماشالله عليج كفيتي ووفيتي وأحلى شي ترتيبج بالأكلات وعلى دفعة..

    وماشالله بكل دفعة عاطتنها حقها يميييييييييييي..

    تسلمين يالغلا.. والله يفرحج بالعزايم ويرجعكم بالسلامة لبلدكم ياختي..



    **أشجان**

    ماشالله عالترتيب الحلو.. الله يجعلها سفرة دايمة ان شاءالله..

    يالله ألحين انتي وأبوكم وبعدين انتي والعيال اللي مابيخلولج شي عالسفرة ههههههههه..

    تسلمين يالغلا ومنتظرينج دايما عيوني..


    **ninal**

    الغالية ياريت توضحيلنا كيف عاداتكم بالمغرب؟؟

    هل تفطرون مرة وحدة من بعد الأذان؟؟

    أو تجزأون الأكل يعني شي خفيف بعد الأذان.. وبعدين الثقيل؟؟

    ننتظر ردج عيوني.. والله يعطيج العافية..


    **وجد الوجود**

    ماشالله عليكم سفرة دايمة يالغلا..

    والله يجمعكم دايما مع عمانكم وأهلكم كلهم ان شاءالله..

    ننتظر سفراتكم الطيبة.. ومنورة يالغلاااااااااااا..


    **َQ**

    تسلم الأيادي عاللقيمات الحلوة..

    بس غريبة انها فيها كاسترد.. بس شكلها يقول انها يميييييييييييي..

    عاد قبضتيها عالبنت مرة وحدة ههههههههه الترجبة !! ههههههههههه

    ننتظرج دايما ياعسللللللللل..





تابعي تجارب أخرى من هذا القسم.