شاركي في النقاش

سجلي الدخول لإضافة تعليق.

التعليقات

1,970
  1. هنوده الحبوبه
    نايس لك تقبري قلبي إنشالله كيفك يا قلبي إنشالله بخير والله عم ادعيلك من كل قلبي ربي يقومك بالسلامة مجبورة القلب والخاطر ومشان الأدعية لعيونك والله ،، إنشالله رح اكتبلك كم دعوة على كيفك لا يكنلك فكر بس أنت أهم شي لا تنسينا بالدعاء أمانه …
    هنودة.....ربي يجزيكي الخير و ينولك اللي ببالك و يجبر بخاطرك يارب
    يسلمو إيديكي على الأدعية و بإذنه تعالى ما بنساكي من الدعاء


    و بدي خبركم يا صبايا أنو منشان الموقع اللي حطيتلكم جربت أنو جربت نزلت منو حلقة من برنامج عمر خالد اللي عم يعرض على شاشة أبو ظبي الجنة في بيوتنا و طلعت الكواليتي تبعو روعة أحسن من التلفزيون...جربوه ما بتخسرو شي
  2. @sham_1

    صاحبة الموضوع
    يسلموا ايديك يا نابس سميل

    موقع ممتاااااااااااااااااااااااااااااااااز

    لك روحي الله يجبر بخاطرك

    كنت عم دور على طريقةشوف حلقات عمرو خالد الأولانية لأنو راحوا عليي وما عم يمشي الحال بتنزيلهم

    ما شاءا لله بدون تحميل العرض ممتاز


    الله يجزيك الخير
  3. @bth151

    الساجدة لله وحده
    صباحو يا حلوين ....... الملكة الباكية تاحمد لله يلي رح ترجعي للشام ان شاء الله الف مبروك ...... مايا (شو حلة هالاسم ) تسلمي لي عينك شو طيوبة انا ما قلت تكروالي شو بتدعوا للعيلة وعيلة العيلة يحرق حريشك فهمتوني غلط :22:انا قصدي مين بتتذكر…
    ساجده انا بعرف معنى كلمة علماني فصل الدين عن الدوله يعني قرارات الدوله ما بيرجعو فيها للدين............. والله اعلم
    وانا متلك بحس الاتراك كتير شايفين حالهم بس على شو ما بعرف وراسهم يابس مثلا لما كنت السنه الماضيه بكورس التطريز بيسالوني عن الصلاه او الدين بقلهم اللي عندي وطبعا بعد ما كون متاكده ان جوابي صحيح بتلاقيهم ببلشو ينترو فيني وباشرو بايدهم ان اي خلصينا يالله رجعي لشغلك جوابي ما بكون عجبهم اي تقولي انا اللي مخترعه هالجواب يالطيف بحس حالي رح فجرهم بالدنميت وقتها :30:وبلش بسبهم بالعربي وهنن متل الخوتان بقولولي ترجميلنا اللي عم تحكيه هههههههههههههههه
    المهم الحمدلله ماعد رح ارجع عالكورس والقعده بالبيت اريح لبدني ولراسي زوجي بضل بقلي مو حلوه لازم تتصلي بمعلمتك التطريز تقوليلها انك اجيتي من سوريا وتروحي لعندهم عالكورس شي يوم بقله ايم عني ماني طايقه شوف حدا بقلي حتى انا .............:eek:

    بالنسبه للزيارات هون بتركيا اذا كانت زياره بس نسوان بتكون الظهر واذا عائلات بالليل جنان رسمي مو :17:
    والله كتير بانقهر عالاتراك اكترهم مسلم بالاسم وكتيرين منهم ما بصومو ولا بصلو وشرب الخمر عندهم عادي وان البنت ما تتحجب هاد الشي راجع الها واهلها بيحترمو رايها مو بقولولها لا الحجاب واجب وانت لازم تتحجبي ديمقراطيه بلا حدود :07:ما بقول غير يالطيف ودائما بدعي الله يردنا لبلادنا سالمين عن قريب مشان ما يوعو اولادي على هالجهل والتخلف اللي هون وصحيح ان حتى بسوريا ماعاد كل شي متل اول بس بضل احسن من هون بتليار مره ........ دخلكم في هيك رقم :42:
    اليوم عندي اكل من مبارح والمسا بدنا ننزل عالسوق انا وزوحي شفلي كم قطعه انستر فيهم بهالحمل حاكم ماعد شي دخل فيني
    بالنسبه للدعاء لما ببلش بذكر اسماءكم بقول ساجده وشام ومزون وهيلين وكيلوبترا والمزه وفتاه ونور .................... وبياخد لساني عالاسماء بقا وبصير بقول وفتحيه وفوزيه وسعاد وهاجر ههههههههههههههههه
    يالله سلامات ياحمامات
  4. @almz

    الله يسعد اوقاتكم يا بنات
    هيك طنشتوني الله يسامحكم كتبت مشاركتين وماحدا عبرني غير بطة الله يجبر خاطرك ويقومك بالسلامة وشام العزيزة على كلا مو ممشكلة يمكن اصلا عم يصير غلط لما عم ابعت المشاركة عم توصل بس مدري ليش مو دائما بتكون مبينة ما بعرف حتى اذا هي كمان راح توصل ولا لا بس على الاغلب يمكن لازم ساوي تسجيل من اول وجديد متل ما قلت ل سوسو بركي لانو صرلي زمان ما دخلت ...ادعولنا بنات والله يجبر خاطر الكل سلام
  5. كيفكون بنات ما شاء الله حولكون وحواليكون كل اللي غبتون كم يوم زايد مدري كم صفحة بس ان شاء الله لحق رد عليكون كلكون قبل ماتجيني شي مغصة حاكم من امبارح وجع فظيع بالظهر واليوم وجع بالظهر مع احساس بيموت عم حس انو كانو كهربا عم تجي من سفل ظهري هيييك لرجليي عم حسون كانو صارو محلولين يعني ما بعود بحسن امشي من عند المفصل من فوقوالله وجع بيموت عم يقلي جوزي انو اذا زاد الوجع يمكن كون عم اولد بس انا ما بعرف قلتلو انتظر للشهر 10 ومنروح ع المشفى فخايفة يصير معي شي
    المهم انتو كيفكون وشو اخباركون ؟

    فتاة كيفك وشو اخبارك والله العيشةبالصين كتير صعبة وبتقرف بس اذا كنتي مليانة ومنتلية ما في احلى منها ما بعرف عم حس انو جوزي بلش يفقد الامل وناوي يروح ع السعودية الله يكتبلنا رزقة هونيك يا رب والله هون البلد بتخوف كلها بنات حقيرات يخرب بيتون يا الله هلي عايشين بفرنسا وامريكا ما عم تعانو من مياعة البنات او الحقارة تبعون ؟؟؟ قولولي ولا بس انا اللي عاني من هالمشكلة والعلة الاكبر انو هون وقحين عينك كنت عينك يعني بيشوفو مرتو معو بيندحشو فيه دحش بس جوزي ولله الحمد بيكره كل جنس الصين كتييييييييييييييييييييييييير بيكرهون الله يبعدنا عنون يا رب امانة تدعولي الله ييسر رزقة لجوزي بالسعودية

    كليوبترا كيفك يا سلالة اكتبي احداث المسلسل والله انا بموت وقت بتخلص الحلقة شو بيهزولي بدني اي يعملو على شكل فلم والله احلى ما فيني صبر هاتي قوليلي شو بيصير حاكم انا فضولية وما بحسن انتظر ههههههههههههههه

    هنودة كيفك والله دايما بتذكرك المهم شو اخبارك وان شاء الله تحسنتي ؟ وكيف الجرح الله يعينك والله شو زعلت وقت دريت انو عملية مرارة لانو ماما عملتها الله يعينكون يا رب والله يجعلها اكبر الامراض يلا صحي حتى نبلش نلعي منيح ههههههههههههههههه حاكم محسوبتك روح قلبها الحكي يعني عندي متل الهوا والمي بس ع الغربة وقطعة الناس تغيرت يعني تخيلي صرلي قريب العشر تيام ما حكيت مع حدا لا جوزي ولما منعمل منيحو ومنحكي منفتح سيرة الشغل ههههههههههههههه وهاتي بقا الهم والغم والمستقبل التعيس هههههههههههههه حلوة هي خرج كون كاتبة صحي الف مبروك ع الاشراف

    مزون الله يفرحك بشوفة اهلك ويحميكي يلا بس تصلي اكتبيلنا كيف كان شعورك باول لقاء ؟؟؟ انا لما نزلت من شي سنتين صرت ابكي وعانق بابا لانو هو اول شي اجا ساعدني بالشناتي يا الله شو لحظة حلوة يلا هانت شهرين تلاتة وبنزل ادعولي انتو بس

    لوليا كيفك وشو اخبارك ان شاء الله كلو تمام مبروك لاختك وعقبال الحوامل يا رب
    والله السواقة بالصين مستحيل اتعلمها انا او غيري اذا الرجال عم يموتو وهنن عم يسوقو الصين كلها جسور وبتضيعي فورا بعدين مشان تتعلمي اللغة بدك مخخخخخخخخخخخخخخخخخخخخخخ مفتح طول الوقت وانا بتعرفي يعني اذا بتقوليلي شو اكلتي هلق بقلك والله نسيت بقا بدك ياني اتعلم صيني ؟؟؟؟!!! ههههههههههههههههه

    بطة كيفك الله يعينك والله كلو الا النوم صرلي يومين ما عم احسن نام للسبب المذكور مسبقا هههههههههههههه شايفين قديشني شاطرة بحكي بالفصحة
    ولا تحكي عن الجلي واللع انا صرت اكرهو عم اتمنى اولد اليوم قبل بكرة مشان جوزي يساعدني وانا دلل حالي والله بدي ضل للاربعين ما اتحرك ههههههههههههههههه شو نسوان اول احسن مني ولا احسن مني ههههه

    هيلين كيفك شو اخبارك والله فرطت ضحك وقت قلتي انو جوزك بيلطشلك حكي قال البلا ما بيجي الا من النسوان اصلا كل الرجال هيك ما بيعجبهون العجب ولا صيام بشعبان ههههههههه ووقت قلتي انوابنك بيمشي متل معتز وبيقول بليلة بلبلوكي والله لهلق عم اضحك بتصدقي بس لا تضحكي عليي انا بعد بقلد اللي بيقول بليلو بلبلوكي والله نسيت اسمو بس كتير بقولها واحزري ايمتى لما جوزي بيكون بعز انغماسو بالكمبيوتر بقرب ع الهسي وبصرخ باذنو وهو بينط من الرعبة يا الله شو بفرط ضحك وليييييييييييييييييييييييييييي جربيها بجوزك بس انتبهي في بعد هالفرطة خناقة الها اول مالها اخر

    نايس الله يقومك بالسلامة ويعينك يارب لا تنسي تدعيلي اي وانا ان شاء الله بدعيلكون كلكون بس اولد هيقتي مو مطولة بس العلة انو ما بعرف اذا بنت او صبي جبت اللي بحسن جيبو بس ما كترت بخاف تطلع بنوتة وما بنلبس شي قلت بجيب طقم بناتي ولادي افرول يعني ولما اولد بنزل ع السوق وباخد كل اللي بدي صحي يسلمو ايديكي ع الموقع هلق بعد بتصفحو ع مهلي وبقلك رأي فيه

    عروس الشام كيفك تقبريني ان شاء الله بخير والله بدي اقرأ القصة بس مالي فاضية سيدة اعمال ههههههههههههههه يسلمو ايديكي ع النصيحة والله الحق معك بكل اللي حكيتيه والحمد لله على كل حال ويسلمو ايديكي ع السلايت بتعرفي بدي اعمل واحد وورجيكون قدراتي بالتصميم لانو انا بعرف اشتغل ع البور بوينت والسويش ماكس وعم حاول بالفلاش بس كتييييييييييييييير صعب والله اتعلموهن يا بنات كتير حلوين انا عملت سلايت عن عيد الام لح حاول نزللكون ياه باقرب فرضة

    المزة يا اهلين وسهلين فيكي نورتي وشرفتي تقبريني بس ان شاء الله ماتكوني بتملي من الحكي الكتير لانك بدك بعدي تقرأي كتير وقت بتشوفي ردي وبدك تحطي قدامك حلة مي مشان ما ينشف حلقك بس لح حاول الجم نفسي بما اني برمضان فبقول خطي كيف بدكون تشربو بالنهار ههههههههههه
    طلي علينا كل يوم اي ولا تقطعينا

    ام جابر اهلين فيكي ان شاء الله البنات بيفيدوكي والله يعينك

    ست الحسن اهلين فيكي بتجمعنا التحفة واللي مافي منو عن جد لو بعيد قراءة الصفحات مية مرة ما بشبع ههههههههههههههههه

    ساجدة كيفك عن جد وقت بلاقي في رد منك بيطير عقلي من الفرح لانو ردودك كتير طويلة وانا بحب اقرأ ولت كتير ههههههههههه بقا خليكي هيك اي وسمعينا اخبارك الطيبة

    شام كيفك ان شاء الله بخير

    منتديات اهلين فيكي بس ما حدا رد عليكي لانو ما حدا قاعد بالشام فما تواخذينا

    الملكة الباكية ان شاء الله عقبال كل المتغربات الله يهنيكي يلا حاجتك غربة وشنططة والله شي بيطقق يعني اذا نزلت بعد شي 3 شهور بلاقيكي بالشام وبجتمع فيكي ؟ يا سلام يلا بركي منجتمع كلنا وبدوقكون طبخي بس مو تعصبو وتالو شبعانين بخاف ما يكون الاكل مستوي ههههههههههههههههههههههههههه

    نور الدرب كيفك والله اسمك حلو (((بكير لسا ))) لا بس كل ما اتذكر اسمك بتذكر غنية نور الشمس لباسكال مشعلاني ههههههههههههه حلوة ما ؟

    يلا حاجتي لعي وامانة سامحوني اذا نسيت شي وحدة واللي ما عد بينو وينونن الله ييسرلكون اموركن يلا باي ابني فتح جعرانو سلام

تابعي تجارب أخرى من هذا القسم.