حلوياتي للعيد ... وكل عام وانتو بخير :)

عيدكم مبارك وتقبل الله طاعتكم


طبعا كل منا لازم يجهز حلويات العيد

وحبيت اقلوكم يا بنات ان اواني التقديم مهمه في حلويات العيد مهما كان طعم الطبق راح يحليه اكثر شكل الطبق والتقديم

وحلو انج تسوين ركن بسيط مثل البوفيه وتصفي عليه الاطباق والحلويات المنوعه وطبعا مع القهوه والشاي



وحبيت اجمع لكم بعض حلوياتي للعيد وان شاء الله تعجبكم هذى الاطباق المنوعه


الغريبة الكويتيه








المقادير :

2 ك طحين اسمر ... وممكن ابيض بعد تحميره حتى يعطي الرائحه المميزه للطحين وبعدها ينخل من التكتلات

1 ك سمن (يكون السمن سايح اشوي )

1 ك سكر بودر

هيل م ص

الطريقه :

يخفق السمن مع السكر حتى يبيض قليلا ... ثم نضيف الطحين والهيل ويعجن حتى يتجانس تماما

راح تلاحظون ان العجينه طريه اشوي ...

بعدها نحطها بالثلاجه لمدة ساعه ... ثم نخرجها (راح تلاحظون ان العجينه صارت يابسه اشوي ) بس تتشكل بسهوله مع حرارة اليد ... تكور في صينيه مدهونه

وعلى كل كوره نضع فستقه ونضغط عليها اشوي

تخبز في فرن 160 درجة لمدة عشر دقايق حتى تشقر من تحت


لا تولعي عليها الفرن من فووووووووق

وبعد ما اطلعينها من الفرن اتركيها تبرد تمااااااااااااااما لانها حساسه وبسرعه تفتت

وبالعافيه





ونتابـــــــــــــــع

114 تعليق 24,158 مشاهدة

شاركي في النقاش

سجلي الدخول لإضافة تعليق.

التعليقات

111
  1. @am_aazyzan

    صاحبة الموضوع
    بسبوسة التقديم






    والطريقه على هذا الرابط

    http://forum.hawaaworld.com/showthread.php?t=211518





    السفوف

    اليوم سويت السفوف وطلع لذيذ جدااااااااااا

    وحلاه خفيف

    وطريقته سهله

    نبدي بالمقادير:

    2 ك سميد
    1 وربع ك طحين
    نص م طعام كركم
    م ص بيكن باودر
    1 ك سكر
    1 ك زيت
    علبه كبيره حليب نستله 397 غ
    نص ك ماء
    وصنوبر للزينه او لوز

    الطريقه :

    نمزج السميد والطحين والكرم والبيكن باودر والسكر مع بعض ونضيف عليهم الزيت والماء والحليب ونخلطهم ... وماله داعي الخلاطه ممكن خلطها بالملعقه الخشب ...

    نضع الخليط في قالب الفرن بعد دهنه ... ويزين بالصنوبر

    وتاخذ بالفرن حوالي ساعه الا ربع على درجة 160

    بعدها نطلعها ونخليها تبرد .... ثم نقطعها ونقدمها


    شايفييييييين لونها اصفر يجنن وتراها لذيذه جدااااااااااااا

    وعوافي










    ونتــــــــــــابع


  2. ما شاء الله ام عزيزان ... الله ينور دربج يالغالية ويصلح عيالج ...


    توني اليوم ناوية اسوي الغريبة واول ما فتحة الحلويات طيران على اسمج وشفت الغريبة اللي احبها

    بس ام عزيزان انا في بلد اجنبي والسمنة اتوقع مش موجودة ممكن استغنى عنها بالزبدة


    وشكرا مقدما والله يعطيج العافية

تابعي تجارب أخرى من هذا القسم.