تمت اعادة المقلوبة<<<< والبرياني بطريقة اختي

بعد ماانجدع الموضوع باطباق حواء قلت اكتبه مره ثانيه هنا بدون الشغلات اللي معه المهم هذي المقلوبة بطريقة امي الله يحفظها طعمها وريحتها شيييييييييي

والمقادير
بصل حلقات
ثوم
طماط حلقات
بطاطس حلقات مقلية
باذنجان حلقات مقلية
زهرة مقلية اذا تبين
دجاجة مقطعة ثمانيه اذا هي كبيرة
بهار وخل اسود ضروري
رز
تحمسين البصل مع الثوم والدجاج بعد مانظفتيها ودعكتيها بالبهار زين من برا ومن جوا وخليتيها شوي-- وتخلينهم على نار هادية ينحمسون لمدة نص ساعة
ترصين الطماط على الدجاج ومحطوط بقدر طبعا ثم البطاطس ثم الباذنجان ثم ترشين بهار عليهم والخل على تقديرك وهو اللي يطلع الطعم والريحة ممممممممممم
ثم تحطين الرز المسلوق بموية وملح مستوي الا شوي وتشخلينه وتكبينه عالخضرة بالقدر
وتخلينه على نارهادية جدا لساعة تقريبا عشان مايحترق الدجاج لانه بقاع الجدر
عند الغرف تقلبين الجدر على صينية تتحمل الحرارة وتخلينها عالنار شوي لين ينزل الدهن والبهار والنكهه كلها على الرز وتغرفين بعد ماتشيلين الخضرة والدجاج وتغرفين الرز بعدين تحطين عليه الشغلات اللي شلناها
وبالعافية
اما البرياني


المقادير
دجاجة
فلفل بارد مقطع صغير
بصل مقطع صغير
ثوم ناعم
بطاطس مقطع مربعات ومقلي
جزر مقطع مربعات ومقلي
بهار وقرفة مطحونة وزنجبيل مطحون
رز
شعيرية
تقومن سلمكن الله تسلقن الدجاجة بملح وبصل مقصوص نصين وقرفة وهيل مسمار حب
تشخلن موية الدجاج بعد ماتستوي وتقطعينها صغار
تحمسين البصل مع الدجاج والثوم والفلفل البارد وتحطين البطاطس والجزر وتحطين البهار مع رشة قرفة ورشة زنجبيل وطفين عنه
تحسين الشعرية بشوية دهن والكميه زي ماتبغين الين تشقر وتحطين على طول عليه الرز وتكبين عليه
موية الدجاجة
اذا استوى الرز الا شوي جيبي جدر واغرفي نص الرز وحطي عليه خلطة الدجاج وحطي النص الباقي من الرز وصبي عليه سمنة ملعقة وشوكة محمية واذاتبين زعفران منقوع بماء ورد وسكري وخليه نص ساعة بعدين اغرفيه بعد ماتحوسينه عشان يختلط زين مع الخلطة بس بشويش عشان الرز مايتكسر وبالعافية

36 تعليق 3,460 مشاهدة

شاركي في النقاش

سجلي الدخول لإضافة تعليق.

التعليقات

34
  1. الله يجزاك الخير اختى ويسلم ايادى اختك وامك ويطول فى عمر الوالدة ويحفظها لكم

تابعي تجارب أخرى من هذا القسم.