زعفران وعود
حااااااااااااااااااااااااااااااااااااااااولت ماقدرت الا الاسبوع الاول كنت ملتزمه بالتعليمات بحذافيرهن...لدرجة اني نزلت 10 كيلو ف 8 ايام يعني انجاز..وبعدين بدت العزيمه اتخف بالتدريج ليييييين ماردت ريمه لعادتها القديمه...
تعرفين اني لو اقولج صارلي 3 سنوات اقنع ريلي اسوي عملية الربط..طبعن مابتصدقين..
بس والله يابنات يعني لو نحن نروم على نفسنا ونقدر نتحكم كان من الاساس ماسوينا العمليه..
على فكره انا ماحب الحلووو ابدن ولا الايسكريمات والشوكلت وهالخرابيط..ولا المعجنات..كل اكلي كان طبخ يعني رز ومحاشي وهالسوالف وصوالين حاره والفاست فود..وبيبسي طبعن..فقلت يمكن العمليه تنفعني والنافع الله...بس احس اني ماستفدت لنه وزني لي نزلته رد تقريبا ثلاث ارباعه يعني ..يعني مكانك سر..
موعدي الخميس الياي عند الدكتور واكيد بيشرشحني عدل لنه استانس المره لي طافت عند مانزلت 10 كيلووو..وحتى قالي لو استمر وزنج فالنزول ماله داعي اضوقلج الحزام..ااااااااااااااااااااااااااااااه شسوي ..والمشوار طويل جدامي ونا من النوع لي امل بسرعه وماعندي صبر..
عسووووله..قوليلي شو رايج تحسين اني لو ضوقت بضعف؟؟وهل محتاج عزيمه بعد التضويق ولا بيكون غصبن عني ما اكل؟؟
انا ودي اني ما اقدر اكل ونه الشي يكون اجباري..وهذا لي فبالي عن العمليه
ام عتريسه..هزئيني شوي يمكن احس على دمي..
والله يابنات اني محرومه من اللبس واموت قهر يوم اشوف العالم يتلبسون وعايشين حياتهم ونا دافنه نفسي فهالجسم..لو اقولكم ماشي ناقصني فالهدنيا كلها غير الجسم..الحمد لله على كل حال بس والله الانسان مايحصل كل لي يباه فالدنياااا..احس لو اضعف بتنجلب حياتي 180 درجه..عالاقل بحس بكل شي حلو فحياتي......قمت اخرف براييييكم
¨°o.O (( رابطة المتحزمات)) O.o°"
متابعة النقاش، صفحة 1,372