موضوع مختار :ريجيمي اللي نزلني بفضل الله من 86 الى 58/تجاوز الحد المسموح له من الردود

سلام بنات

سالفتي غير

والله كلنا كذا نتعلم من الحياه اكثر من الدراسه
انا لغتي تعلمتها من السفر مو من الكليه
بس الحق تعلمت الادب الانجليزي منها

------------------

رشيقه
هلا وغلا

حبيبتي الف سلامه على فهودي والله لا يعيد الشر ويحفظه لكم يارب

يعني برضه مافي فكه (بذرة الكتان) لازم نفس الشي هههههههههه

والكبوتشينو عادي مو دايت
كلاسنو تلقينه بكل محل
انا اشتريه من المخازن لانها جنب البيت
اذا تعرفين الجبيل انا صايره بين المخازن والسيموي والمزرعه بس اقربهم لي السيموي ثم المخازن

وجزاك الله خير على الاذكار ما قصرتي ياقلبي

ويومياتك حلوه ماشاء الله

ولا تشيلين هم البيتزا مو كثيره ما اظن فيها اللي قلتي لاني اعرف حجمها
ما اظنك تعديتي ال 110 سعرات لكل قطعه

------------------------

منوري

هذا الصح حبيبتي انا كذا كنت اسوي وبالفعل ما كنت اجوع ولا اخبص والحرق مستمر
موفقه حبيبتي واستمري

وبالعافيه الكيكه مقدما
كلي قطعه قد البيضه ما تضر
لا تحرمين نفسك من شي
وهذا له فايدتين
الاولى ما تحسين بالحرمان وتواصلين
والثانيه تتعودين تاكلين شوي يصير مو ضروري عندك احساس الشبع

------------------

باقي يومياتي

جا زوجي من الدوام يبي ذره عطيته واكلت نص حبه مسلوقه بدون زبده طبعا
وسويت عشا علشان ما تقولي اجوديه ريجيم كابوتشينو خخخخخخخخخ

لا من جد حسيت انه ضروري بروتينات لاني بديت ادوخ بعد الدورة

سويت بيضتين مسلوقين -- لاحظوا بيضتين -- لي سنه ما سويتها عودت نفسي على حبه

طماطم
جرجير
فجل

جبت خبزه وحطيتها جنبي
بس ما اكلتها ما قدرت الحمدلله

يعني بالراحه ما اظن اني تعديت ال 800 ابدا بفضل الله

اليوم بامشي غالبا ان شاء الله لان شوي خفت الدوره
بايخه دورتي 8 ايام

اذا جعت بعد المشي يمكن اكل زبادي
او اشرب كبوتشينو
ههههههههههههههههههههه

يلا حبيباتي سلام لي عوده باذن الله

الله يوفقك ويحفظك من العين انتي وعيالك
الف شكر على الرجيم وان شالله انا بابدا معك
من يوم السبت انا طولي 145 بس الوزن انا من
زمان ما وزنت
انشالله ابلغك اول مااوزن واكون شاكره اذا ساعدتيني
تسلمين حبيبتي

كليوباترا

حياك الله حبيبتي وبانتظارك

سيد الاستغفار

اللهم أنت ربي لا إله الا أنت خلقتني ، وأنا عبدك وأنا على عهدك ووعدك مااستطعت ، أعوذ بك من شر ماصنعت ، وأبوء لك بنعمتك علي وأبوء بذنبي فاغفر لي فإنه لا يغفر الذنوب الا أنت

مساء الخير ياحلوات ، أحس من زمان ماشفتكم ، اشتقتوا لي ولا لأ ؟!:p
مشكوووووورين بنات على علاجات الامساك ، ماقصرتو حبيباتي ، اليوم جربت الخس ( أكلت راس كامل يا ام عبدالرحمن ، شفتي شلون نا شاطرة :42: ) وماشاء الله على طول بعدها بنص ساعة مشت بطني ، وبجرب ان شاء الله الباقي وبشوف أكثر شيء يريحني واستعمله ، لأني دايما أعاني من الامساك لما أسوي ريجيم.

هي دادا مبروووووووووك على النزول حبيبتي ومنها الى الأقل ( يعني الأقل وزنا هههه ) وآسفة انها متأخرة بس توني أشيك على الردود اللي فاتتني .

البتول العذراء سلامتج ماتشوفين شر ان شاء الله اليوم أحسن :)

رشيقة في الأحلام سلامة فهودي مايشوف شر ان شاء الله
وثانيا مبروووك النزول حبيبتي ، وشكلي بجرب بذرة الكتان دايما أسمع عن فوايدها .

رحيل سلامة بنتج ماتشوف شر ان شاء الله ، وطلع وزنج وطولج قريب حيل مني ، وهدفنا واحد ، حلو الحين أنواع الحماس ونشجع بعض ان شاء الله:42: ، و3 كيلو حلوة حيل وعقبال تنزلين الباقي ان شاء الله بصحة وعافية .


أجودية شلونج ، سوي تمارين الـ 8 دقائق ماتاخذ منج وقت اذا طولت أعتقد ربع ساعة مع التحمية ، وسهلة وماتتعب .

سالفتي غير ، شلونج حبيبتي ، ماشاء الله عليج هالأسبوع ،وان شاء الله كلنا نلتزم على طول ونثبت على الريجيم ، وننحف ياااااارب وتصير أجسامنا أحلى من المانيكان على قولة أجودية ههههه

منوري حبيبتي شخبارج ، وشلون يومج اليوم ، ومشكوووورة على العلاج وان شاء الله بروح أشتريه ، هو ينباع بالجمعية ؟

مدللة ، كليوباترا حياكم الله معانا ، ننتظر يومياتكم :)


بنااااات جزاكم الله خير على الأذكار ،

بنات

قاعده اشوف نفسي بالمرايه قبل شوي
وانا لابسه كت

رابطه شعري - قصدي شعرتي - لانها وحده مافي غيرها خخخخخخ

صار شكلي كانه جمجه مركبه على رقبه
والرقبه مركبه على هيكل عظمي

دخلت مرحلة اللي تبتدي الاسنان تظهر من جلد الخد من كثر ماهي خاليه من الشحم
طبعا اليوم وزنت لقيته 61.9
طيب مو معقول يصير جسمي وشكلي كذا بهالوزن
انا طولي 161.5
يعني المفروض وزني يكون 58

والله محتاره يا بنات
انا عريضه ما اختلفنا
بس ودي بال 58

من جد ضاق صدري يوم شفت نفسي
كاني مومياء


بليز هيلب