متضايقه من زوجي بالحيل

هلا اختي الحلوه الله يحلي أيامي وأيامك :)


عاارفه غالب الرجال الذين يشتغلون وقت طويل او عمل صعب يعانون زوجاتهم ماتعانين

زوجك يحس انه لم يخطيء والرجل غالبا يحتاج تنبيه بطريقه غير مبااشرة ..

يعني مثلا سالفتك في المستشفى عارفه وين الخطأ فيها ؟؟

منك لما قال بروح واذا خلصتي رني علي لو قلتي له بصوت هادي وبتودد هذه مو مراجعه عاديه مدري وش فيني خلك معي انا خايفه !!! ربما انتظرك

لو ما انتظرك معليش المهم وصلتي لفكره انك محتاجه له حلو ؟؟

لما اتصل فيك ومارديتي وبعدين كلمك على جوال اخوك ليه قلتي مافيني شيء انتي تعطينه بصورة غير مبااشرة انك طيبه ومافيك الا العافيه بس تتدلعين !!! فهمتي علي

المفروض خبرتيه الصحيح قلت الجنين واقف وان شاء الله يتعدل بصوت هاادي ..

طبعا انا مثلك ما اعرف اتصرف وقت الجد لكن المفروض نتصرف كذا

الآن لاتتركين للشيطان مجال

اذا حسيتي منه بمبادره اتصال كلميه وروقي ولا تقولين له ابداااااااا انك مهملني وووو
لو فتح الموضوع قولي تعرف الحامل وحساسيتها !!!

زوجك صار يهمشك ايام الاجازات لانك دوم تحنين عليه وينك وينك ؟؟

اتركيه لاتزنين مو اسبوع ولا 2 ولا شهرين ولا 4 أصبري سنه سنتين ولاحظي التغيير

مشكلة الأنسان انه عجول يريد النتيجه بأقصر وقت وبأقل جهد .. للأسف وانا وانتِ منهم


الله يسخر لي ولك ويهديهم ويجمع بيينا على خير ...

حقيقة التعامل مع الرجل يحتاج صبر الله يرزقنا الصبر :)

الله يعينك

وسعي صدرك وهونيها ولاتدققين

sngar-احب اشكرك على تفاعلك:26:
وادري اكبر جريمه ارتكبتها اني افصحت عن معالم
شخصيتي له <<< اوخص يالشخصيه:32:
بالنسبه لمنتديات بلقيس توني طايحه عليها من الفرفره فالمنتديات والله شي
وبالنسبه للمعلومه ابشرك انها وصلت وتمت العمليه بنجاح
وسالفة ذربه وماينخاف علي ايه انا كنت مسويه عنده ام العناتر واذكر انه زلني عند محل وقال ماينخاف عليك انا متزوج وحده عن عشرين رجال :arb:
انا هنا انصدمت قلت كل هالنعومه :27:
وعشرين رجال <<<اي نعومه بالله
اما السوق هذا المكان الوحيد اللي غاسله يدي بفلاش منه ومنشفتها يفكر لاحظي يفكر مجرد تفكيربس
مو يوافق ينزل معي :44:
خليها على ربك
عاقله ولكن-كلامك صحيح 100%وهذي لك:26:
LAMIA3-بالنسبه لسؤالك الجواب لا
وكلامك كله بمحله وبالنسبه عن السواليف عن العمل..
هذي سالفه ثانيه بما انه لا ينطق الا بلغة العمل ومن كثر مايسولف عنه صرت اعرف اسماء الموظفين والمدير والفراش والمراجعين والشله كلهم :mad:
بس بيني وبينك طفشت (وجه مستحي )
شاكره لك ارائك وبالتوفيق يالغاليه:26:
ام مسلم -كلامك صحيح هذي غلطتي اسكت على بالي انه فاهم وحاس فيني واحرق عمري بالسكوت
وبالاخر انا انفجر وهو مستغرب
وبالنسبه لنقطة قلتيها اني احن عليه بالويك اند ويطفش من كلمة وينك لا والله انا مخليته على راحته
او بالاصح ثقلانه عليه يعني ماانكر اني بين فتره وفتره يعني بالشهرين مره يرتفع ظغطي منه واكلمه واقوله وينك ومن هالكلام لاني بيني وبينك مابي ارمي نفسي عليه ابيه من نفسه يبادر على بالي بينطق الحجر:09:
بس للاسف لا حياة لمن تنادي:40:
لا كذا مستجيب ولا كذا مستجيب الله يكون بالعون
على العموم مشكوره على التفاعل والله يجزاك الف خير
نجمة الكون -وياك ياغاليه شاكره لك مرورك
ما تلاحظون يابنات ان نفسيتي زانت عن يوم نزلت الموضوع والله هذا الله ثم بفضل تفاعلكم احس
انكم طورتو تفكيري شوي وخففتو عني احس اني بديت انظرلايجابياته اكثر من سلبياته الله يجزا خير كل من ردت علي وتفاعلت معي واللي دعت لي وينولها كل اللي ببالها هو ولي ذلك والقادر عليه
واتمنى يكون الموضوع هذا موضع فايده لي ولغيري ولا زلت انتظر مزيد من الاراء والاقلام الجديده

الله يسخرزوجك لك والله يهون عليك ولادتك