شاركي في النقاش

سجلي الدخول لإضافة تعليق.

التعليقات

16
  1. @malkyt_nk_1

    انا معاكم في فكره التجمع

    وفي مواقع كثيره فيها كيفيه تمارين البطن بالنسبه لفوق وتحت ومن جنب

    متى راح يكون التجمع لاني ابي احد يشجعني
  2. @malkyt_nk_1

    واحب اضيف شغله

    فكره التجمع تكون بالرياضه ... واكل الروب يوميا وشرب الكمون 3 مرات

    ونقيس الخصر كل اسبوع ونشوف ... وانا راح ادور لكم على المواقع الصحيه للتمارين
    اذكر كان فيه موقع فيه صور متحركه


    بلييييز شجعوني .... وحطوا موضوع تجمع
  3. @am_aabadh_2

    السلام عليكم .. حابة انضم الكم بنات وان شاء الله نشجع بعض .. كان عندي روابط كتير عن صور متحركة بالتمارين لكل جزء بالجسم بس ضاعوا مع الفورمات .. ان شاء الله اقدر اجيبهم مرة تانية .. انا تقريبا حافظة اغلب التمارين .. بالنسبة اليك اختي ليدي اوسكر .. نصيحتي اليك لو بتمارسي الرياضة ولسى ما كملتي شهرين على ولادتك شوي شوي على جسمك واعملي تمارين تمدد والتمارين اللي بتحسيها صعبة او بتشد على ظهرك اجليها لقدام شوي ..لانه مرات بنحس انه اجسامنا بتتحمل .. لكن سبحان الله بعد الولاده بياخد الجسم فترة ليقوى ويتحمل .. وما تنسي تدفي حالك .. وحمد الله على السلامة ومبروك ما جبتي .. :)
  4. @thkryat_alams_1

    الرياضه لازم لازم لازم يكون معها ريجيم علشان تشوفين نتيجه حلوه
    انا مارست رياضة البطن بعد ولادتين
    سنتين كنت أمارس أنواع الرياضه المتعارف عليها للبطن مثل البوش أب
    لكن التحسن كان طفيف ومحبط جداً
    السنه الثالثه مارست تمارين كروز للبطن وكانت النتيجه فوق الممتازه
    أمارس تمارين البطن لمدة ربع ساعه الصباح وأمشي ما بين ساعه الى ساعتين
    العصر او بالليل
    كنت اطبق البرنامج هذا لمدة 3 أسابيع وأريح أسبوع
    الثلاث أسابيع ما كان يبين التغير على جسمي لكن الأسبوع الرابع اللي اريح فيه
    تظهر نتيجة تعبي كله وأشوف بطني تغير كثير
    النتيجه اللي وصلت لها بعد سنه بطن ممسوح وانا واقفه وشاده ظهري بس اذا جلست تطلع
    بطن صغير
    وراد ربي اني أحمل ولا كنت ناويه استمر

    سمعت من طبيبة ان عضلات البطن تستجيب للتمارين وممكن ترجع بعد ولادتين
    بس بعد الثالثه يكون الموضوع صعب

    انا ما أشوف ان التمارين تتعب الجسم بالعكس تقويه وتشده
    إبدأي بربع ساعه يومياً وزيدي شوي شوي
    لازم التسخين قبل التمرين علشان ما تعرضين نفسك لإصابه لا سمح الله
    ولازم تسوين تمطيط للعضلات بعد التمارين علشان ما تعضلين وتتألمين وبنفس الوقت
    علشان تنمط عضلاتك وتعطي شكل متناسق للجسم وما تكون بارزه
  5. @malkyt_nk_1

    ذكريات الأمس
    الرياضه لازم لازم لازم يكون معها ريجيم علشان تشوفين نتيجه حلوه انا مارست رياضة البطن بعد ولادتين سنتين كنت أمارس أنواع الرياضه المتعارف عليها للبطن مثل البوش أب لكن التحسن كان طفيف ومحبط جداً السنه الثالثه مارست تمارين كروز للبطن وكانت…
    شنو تمارين كروز الله يجزاج خير؟

    وشلون سنتين ومانفع معاج البوش اب ...تكفين لاتسوين لي احباط :44:


    بس انا ماقدر اسوي رجيم حدي حدي عصقوله.... بس بطني الله شوي فيه كرشه ابيها تختفي نهائيا

    بالعكس انا افكر اكل زياده عشان امتن



    ويالله ياوسكار سوي لنا تجمع عشان نشجع بعض

تابعي تجارب أخرى من هذا القسم.