هلا بيكِ ياقمر ماعتقد انه الفصيله لها
دخل في الموضوع وهدا اللي اسمعه برضو من الناس
لكن انتي فصيلتك زيي O+ واشوف دائماً انه الخبز والنشويات عموماً
والمعجنات والحلوياات تسمنا ماادري ولمن اخفف منها وآكلها بُر يمشي الحال
وبعدين حبيبتي حتى انا زوجي واولادي مرره مايشجعوا على اي شي ولا يزيدوني
ويقولوا لي مانتي سمينه ولاتسوي شي وزوجي كان يعارضني حتى على الحليب ليش
قليل الدسم ولا خالي الدسم وكانت مشكله دحين تعالي شوفي لمن العمل بدأ يخلي بالوا معاهم
ومن اوزانهم بيدققوا معاهم ويبغوهم ينزلوا اوزانهم عشان يصيروا لايقين ودحين هو صاير
ياكل خبز بُر والحليب قليل الدسم ويحاول ماياكل كتير ياكل من اكلنا العادي بس بجد بدا يحاول
يتحكم في نفسه ماشاء الله عليه ويقلل من كمية اكله والحلى ماهو صاحبه يعني ياكله نوادر
ودحين لقيت اللي يشجعني نوعاً ما وانتي تقدري تجيبي العيش وتجربيه وتخففي منه حاولي
تدريجياً يعني لاتصدمي نفسك بانك مثلاً تقطعيه مرره ونحاول عشان نوصل ونستمر وكله
لصحتنا والله يعين ......
ممكن تقولون لي ايش فايدة الريجيم اذا كانت اوزاننا بترجع زي اول ؟؟
متابعة النقاش، صفحة 3