بنتي وزنها زايد وعمرها 11 سنة

@amn_alsghyr

مرحبا دكتوره,

بنتي عمرها 11 سنه واوزنها 68 زاد وزنها في سنه بسرعه السنة الي فاتت كانت 54 و السنه زادت بسرعه وطولت وطلع لها حبوب في وجها زي الدهن,و السمنه متركزه في الصدر والبطن ,وهي بعافية من صغرها, المشكله انها بادية تنتبه لشكلها وشعرها وتحس بنقص عشان سمنتها حاولت معها, جبنا مدربة رياضة واخصائة تغذيه ماتستمر المشكله في نوع الاكل الي تحبة, راح اكتب وش تحب:
كورن فلكس الشكولاته
حليب الفرولة وشوكلت
زبده الفول السوداني
نيوتلاه
زعتر بالزيت
خبز او توست
نجت,همبرجر
اندومي
كبسة بدون دجاج
بعض الفواكة
خس خيار جزر بروكلي
فطاير

اختيارتها محدوده, ماتحب العيش المكرونه, او الاكل الصحي, ولما ابعدت بعض لاشياء الي فوق بشياء صحية سارت تاكل بسر) مع اني احاول انه الشبس و نجت والهمبرجر يكون بالفرن, لكن انا خايفة عليها لانها في مرحلة نمو.
سوالي على النجت والهمبرجر يغنون عن الدجاج والحم اقصد البروتين؟
وهل اقدر اعملها نظام غذائي بالاشياء الي تحبها؟
وهل اخليها تمشي على المشاية 30 دقيقة يوميا؟

ارجوكم ساعدوني

شكرا

اختكم أمنة الصغيرة

5 تعليق 17,067 مشاهدة

0 0

شاركي في النقاش

سجلي الدخول لإضافة تعليق.

التعليقات

5

  1. @aasl_sdr

    الله يعينك ويعيني انا عندي ولد عمره 5 سنوات ووزنه زايد بس انا السبب لاني انا دباااا هههههههههههههههههههههههههههه
    بس بقولك نصيحه لاتسوين لها رجيم الحين حاول يتعدلين نظام اكلها وتخلينها تمشي على السير وتتحرك بس رجيم لا لانها بسن نمو ويمكن يظرها بعدين

  2. @ahb_alkhyr1

    شوفي
    ادخلي على اقسام منتدى حواء واختاري عيادة التغذية واكتبي مشكلة بنتك وان شاءالله بيجوبونك خلال يوم او اثنين
    واهذا الي اقدر اساعدك فيه

  3. @bothby_hby

    حرااام :( ..

    انا كنت نفسها و لا زلللللت ...

    تدرين المشكلة في شووو ... اني كل ما بغيت شي لقيته جدااامي ... وانا ما كنت اعرف مصلحتي وين ... منعي كل شي من اللي قلتيه عنها عطيها فالاسبوع مرة او مرتين بسسسسسسس
    حتى لو صاااحت و توسلت طنشيييييي ... لا تكسر خاطرج .. هالشي لمصلحتها ... راح تكسر خاطرج اكثر لو شفتيها و هي بعمري الـ19 و وزنها فالتسعين ..

    امنعي عنهااا و خليها تكثر حركتها وهاذي بنية صغيرة يعني بتروم تظعف اسرع .. لا تعطينها نظام غذائي .. نحن الكبار و نطفششش فما بالج في بنية صغيرة .. عوديها ع الاكل الصحي و بس و الاشيا المفضلة عندها لا تحرمينها لكن قللي واااااااااايد من اعطائها لها ..

    فهميها ان الدنيا بعدها جدامها ... حرام تظيع سنينها فالمتن ...


    u're gonna work it out both :)

تابعي تجارب أخرى من هذا القسم.