اما انا شوفى تجربتى حبيبتى
حاولت كذا مره اعود بنتى على الحمام بس كنت ازهق و ارجع البسها البامبرز لما الاقى مفيش اى استجابه و لا تحسن و اقول لسه شويه هى لسه صغيره
و لكن من حوالى عشر ايام بديت معاها تانى لانى الصراحه خفت اأخرها اكتر من كده فيقوم يبقى التعود بعد كده صعب او تحصلها مشكله التبول اللاارادى هى دلوقتى عمرها سنتين و 4 شهور المهم جارتى طبيبه و هى السبب فى تأخيرى لتعويدها لانها قالتلى ان الطفل مبيقدرش يتحكم فى نفسه قبل سنتين و نصف بس الى اكتشفته انه الطفل بيتحكم فى نفسه بالتعود فى اى سن
المهم بديت اول اسبوع اعودها و كنت باستخدملها القاعده الى بتركب على التواليت و كنت ادخلها الحمام كل ساعه و نقعد فيه بالنصف ساعه و هى ما ترضاش تعمل ابداااااااااااااا فى الاول كنت احاول معاها باللين ابدااااااا و بعدين بدأت لما تعملها فى الارض او فى هدومها اضربها و ازعق و اقولها انا زعلانه منك لانك عملتى و كده و برضههههههههه مفييييييش فايده لمده اسبوع تقريبا خلالها نادرا ما عملت فى الحمام و بعدين رجعت لبستها البامبرز يومين لان جانا ضيوف و مكنتش فاضيالها طبعا و زعلت جدا لان قلت تعب الاسبوع كله اكيد راح و فى الوقت ده اتصلت بامى و نصحتنى استخدملها البوتى الاول(القصريه) قالتلى الطفل لازم تبتدى معاه بحاجه هوه يحبها و تكون امان و يعرف يستعملها لوحده
فصراحه عملت بالنصيحه فورا و بديت استخدملها البوتى و بسم الله ما شاء الله و الله يا بنات بعد ما فات اليومين و رجعت خلعت البامبرز و لا مره فى الارض كله فى البوتى لانها حبتها و انا كمان زودت جرعه التشجيع و البونبون
و اتأكدت ان تعب الاسبوع الاول ما ضاعش لا استفادت منه طبعا بس احنا ما بنكونش فاهمين انهم فى الاول بيكونوا خايفين و مش متحكمين فى نفسهم بس شويه و الامور بتتظبط فعليكم بالصبر و الصبر و الصبر و استخدام الترغيب و الترهيب معا بتوازن
اما الشتاء فالهم ان بيتك يكون دافئ مش برد علشان الطفل يقدر يتحكم فى نفسه طبعا لو برد استنى الصيف احسن
اتمنى اكون افدتكم:)
بديت أعلم ولدي استخدام الحمام ... ولكن.......!!!
متابعة النقاش، صفحة 2