السلام عليكم ورحمة الله وبركاته
اختي
ورده النرجس
امين يا رب العالمين ويوفق معاي باذن الله ويوفق كل مسلم الى ما يحب ويرضى
موضوع انك ما بتاكلي حلو كتير بشرني بالخير لأني من نفس نوعيتك عشان هيك ان شاء الله هذا النظام سوف يناسبك 100%
اما موضوع انك بتاكلي وجبة وحدة ما عجبنى كتير ويكمن تتغلبي شوي بالأول وبس ان شاء الله رح تزبط معك
حبيبتي على الاقل لازم تاكلي وجبتين ويا حبذا ثلاث وجبات خفاف يعني اي شيء على الفطور حتى لو بسكويت مع نسكافيه او اي شيء المهم ما تخلي معدتك فاضية فترة طويله
والشيء الثاني المهم لما تاكلي وجبتين زي ما قلت سابقا لا تفوتي وجبة الفطور بأستمرار
ولا الغداء بأستمرار ويضا العشاء
يعني يوم افطري وتغدي وثاني يوم افطري وتعشي وثالث يوم تغدي وتعشي وهكذا عشان يضل جسمك يحرق طاقة على طول
وتذكري انه كمية الاكل نصف المتعودة تاكليه في السابق
يعني قومي عن الأكل وانت لسا نفسك فية
هذا بس اول فترة بعدين بصير هذا الاكل مريح كتير ورح تصيري تشبعي من كمية اكل بسيطة
والله يوفقك عشانك اولا وعشان تدعيلي ثانيا
اختي
..الغلى ..
بالعكس حبيبتي ما عندك مشكلة ابدا
كل ما انت محتاجيته انك تخففي اكل
وتاكلي وجبتين على الأقل يوميا
ولما بدك تاكلي حلو او مكسرات تاكلي شيء بسيط وكمية ترد نفسك بس
والله يوفقك يا رب
وخليك معي على اتصال وانا رح اساعدك
ولا يهمك حبيبتي عيوني الك
اختي
فتاة سورية
شوفي حبيبة قلبي
الأكل بين الوجبات ممنوع
بس ازا انت كنت من الأول تاكلي وجبتين افطار
خليهم وجبتين بس خفاف
يعني الصبح اشربي نسكافيه مع بسكويت بس اوعي تشبعي لانه الرياضه ما رح تفيدك بالعكس
الرياضه مع الشبع بتزيد الون حسب ما بعرف وممكن تضر جسمك ومعدتك
رح ادلك على طريقة تبطلي عادة الفطور مرتين
هي نفس النظام الاول (التخفيف) بس على وجبة وحدة
اول يوم كلي ثلاث ارباع الي كنت تاكليه
ثاني يوم كلي نصف الي كنت تاكليه
ثالث يوم كلي ربع الي كنت تاكليه
رابع يوم كلي ثمن الي كنت تاكليه
خامس يوم بطلي الوجبة الاضافية من مرة
اما ازا كنت ما بك تبطليها بنرجع لكلامنا الاول كلي خفيف واعملي حساب بوجبة الفطور الثانية انك اكلتي بالأول فخففيها يعني بالزبط زي ما انت قلتي
ويا رب تزيط معك
طمنيني ازا زبطت
والله يوفقك
اختي
شكلمة
:32: :32:
شكرا
اختي
ام شهيد
الله يبشرك بالخير
حلو كتير معناته انت ماشية صح
استمري والله يا رب يكون معك ومع بنتك
بس يا روحي انك ديري بالك من يوم الجمعة (الاستراحة)
لا تكتري مكسرات لأنها بتتخزن بالجسم وبتعطي طاقة كبيرة بيصعب حرقها بسهوله
مو غلط تاكلي بس كمية صغيره
طمنيني على النتائج وان شاء الله عن قريب رح اباركلك
وسلمي على بنتك وقوليلها الله معك
اختي
شمس الاصيل30
انت ما عندك مشكلة من مره
اسهل من الاربعة كيلو ما في
والنظام هذا منسب الك كتير
لانه ما عندك كتير دهون مخزنة
عشان هيك رح تحسي بالفرق بسرعة
ثلاث اسابيع زملن بكون كل شيء تمام
موفقه حبيبتي
اختي
faith
شكرا عيني كلك زوق
اخواتي بلييييز خبروني بالنتائج اول بأول
واي مساعدة انا بالخدمة دايما
نزلي من وزنك عشره كيلووو بس وبسهوله "مجرب"/ تعدى الحد المسموح له من المشاركات
متابعة النقاش، صفحة 10