وش رايكم في سلفتي
يناس انا قصتي غريبه ومدري كيف اقولها لكم لكن ان شاء الله انكم تفهموني حتى لو مااطيل انا مشكلتي مع سلفتي وحاجه غريبه جدا انا وهي مع بعض دايم ومكالمات يوميا لكن هي احيانا متقلبه مره عسل وياسلاااااااام ومره فيها كيد يهد جبال والله من ناحيتي انا اني اعزها واحترمها لكن هي احس انها ماتحب احد الا على شان مصلحه او انها تشوف وش عندي من اخبار وانا على نياتي شريط مايخلص والله اني لدرجة اني اذا رحت السوق اشتري لها معي واعطيها هي وبناتها واذا جات عندي والله اكرمها من كل شي وهي العكس والله ان عمرها ماشفت منها شي وانا الحمد لله مو في حاجتها لكن الانسان يحب المعامله الحلوه واذا رحت عندها والله ماتسوي حتى الشاي والقهوه الا نادرا واحس بس تصارخ على بناتها وتضربهم ومعصبه واذا جاها احد تعالوا شوفوا التحضير والتقديم والحلى اشكال والوان لدرجه والله العظيم انها تسبني عند امي مني طلبت الرقم مني وتقول ابي اعايد امك وانا لكم الله اعطيتها وقالت وش في بنتك ماعد تتصل ومتغيره وتغار مني:angry2: عاد الكلمه هذي شيبت راسي كيف غيره بين وحده ووحده ابي اعرف هي تصد اني اغار منها اذا شفتها مع احد من صديقاتها والله الذي لااله الا هو ان مافيه احد يدخل عليها بيتها الا انا ووحده من جيرانها وبالعكس هي اللي خلتني اكره الناس وقاطعتهم بسببها لان الجيران والجماعه دايم يقولون تعالي انتي ولا تقولين لها شي ويقولون مارتحنا لها وانا صرت بين نارين مابي احد يزعل فقفلت بابي على على شان ماخسر احد والمشكله انها تسبني مع الناس لكن معي تعالوا تشوفون السوالف زي العسل وش اسوي معها وااله اني تعبت والتي النفسيه تعبانه لدرجة انها اثرت على حياتي وزوجي وولدي والمشكله مقدر اتركها على كثر ماشوف منها مدري ليه مدري هل هو الفراغ اللي عندى بالرغم ان عندي صديقات كثر ارجوكم ابي حل تكفون تكفون تعبت من كثر التفكير وكل من علمته قالوا طنشيها لكن ماقدرت انا محب الاسلوب هذا تكفون ابي حل مريحني لان الانسانه هذي طبعها غرييب جدا ساعدوني وربي يعلم اني دايم انا معكم في مشاركاتكم وشكاويكم حتى لو مارديت عليكم والله اني ادعيلكم