حل لمشكلة الغدا؟

مرحـــــــــــــــبا :icon28:




شحالكم واخباركم





الصراحه انا عندي استفسار ..... :) >>>>>>>>>>>>>>>>>>يعني ابا مشورتكم خخخخخخخخخخ






الله يسلمكم انا اداوم وارد من الدوام ريلي يكون موجود ومالحق اطبخ شي .... فغددانا كله من برع :angry2: وملينا صراحه




وكل يوم ريلي يطرشلي مسج شو اييب غدا... وانا يا كنتاكي >>>> آكله بالغصب الصراحه عفته
اما ماكدونالدز.....
او عيش برياني ربيان... او برياني دياي ... او ناشف ربيان ... >>> هذا كله نفس المطعم ناخذ بس هذيل ومانحب شي ثاني عنده



أو نييب غدا من بيت عمي اللي هو ابو زوجي .....



وبسسسسسسسسس>>>>>>>>>>>>>>>>>>>>>>>> ادري تقولون شو سالفتها هاي :42:





المهم ابا اعرف انتو شو تاكلون خخخخخخخخ




اقصد عطوني افكار شو تسوون ؟


وسلامتكم

28 تعليق 4,169 مشاهدة

شاركي في النقاش

سجلي الدخول لإضافة تعليق.

التعليقات

28
  1. @hdoaa_alnbd

    طيب حبيبتي تقدرين تطبخين في الليل اللي تبين وتحطينه في الثلاجه وهو في القدور واول ما تردين من دوامك تولعين تحته لين ما يسخن حتى الصلطات تقطعينها وتحطينها في صحن وتغلفينها بقصدير وتحطينها في الثلاجه من غير ما تظيفين لها اي شي ووقت الغدا حطي لها الليمون و الملح و الخل
    مادام ما عندك وقت اعتقد ها الطريقه احسن واوفر لك من اكل المطاعم كل يوووم

    الله يوفقك اختي
  2. @gfon_alshr

    فعلآ ليه ماتسوين في اليل بس انا عندي طريقة ثانيه ليه ماتطبخين الدجاج او الحم وتحطينه بثلاجه واذا جيتي من الدوام تطبخين الطبق الرئيسي مثلآ رز او المكرونه او الي تحبين مايبيلها وقت والسلطه قطعيها طوال والحمدلله رب العالمين
  3. @mdyaa_oaarmosh

    بصراحه اختي انا كنت مثلج ولقيت ان كل فلوسنا رايحه للمطاعم غير انا اكل المطعم مو صحي وانا احاول ونجحت بنسبة كبيرة لك الحمد يعني مثلا

    يوم مرق لحم وعيش ابيض

    يوم مرق دجاج وعيش ابيض

    يوم سمك داخل العيش مع دقوس :42:

    يوم معكرونه حمراء وفيها مشروم مو طبيعية :26:

    يوم معكرونه مع دجاج ومشروم وكريمة :)

    يعني هذي بعض الافكار وعلي فكره ما تاخذ وقت

    وانتم عندكم بالامارت سمك فيلية روعة ما يحتاج اي تعب او وقت :angry2:

    ابدا وجربي اختي الغالية جدر الضغط يقلون روعة واي شي محتاجته انا بالخدمة:icon28:
  4. @bnt_norh_oalnaam

    اذا جيتي من الدوام وتغديتي ونمتي وقمتي ورتبتي البيت
    سويلك مكرونه بالباشميل وحطيها بالثلاجه واذا جا وقت الغدا طلعيها وحطيها بالفرن تتحمر من فوق
    واذا كنتي مشتهيه رز اطبخي اللحمه بالليل ودخليها بالثلاجه بقدرها والرز انقعيه بمويه وحطيه بالثلاجه واذا طلعتي من الدوام حمي المرقه وحطي عليها الرز وبالعافيه حرام رواتبكم تروح على الأكل من برى

تابعي تجارب أخرى من هذا القسم.