ابي اسوي ريجيم واحتاج الى ارادة ......شجعيني وأشجعك واهلا بالرشاقة

والله يادبدوبة انا تعقدت من كلام اهلي وصديقاتي


كل يوم يقولون لي (وش فيك سمنانه؟شوي وتنفجرين؟؟)

احيانا ابكي والله



بس خلاص بقهرهم كلهم بوزني الجديد


الا ماقلتي لي وشو رجيمك؟؟؟؟

بسم الله

السلام عليكم ..

بصراحة .. كلامكم شجعني ...

أنا طولي 160 و وزني 67 ..
و ودي يصير 55 ..
أنا عندي منطقة الحوض و الارداف مملية .. لكن باقي جسمي حلو ومافيني كرشة بطني سيييييده >> يعني ما يبان علي دبة خخخخ ...

و كل يوم أقول بكرة راح أبدأ رجيم ... أكل دبل !!

بالنسبة لي ... المسألة مو مسألة سمينة و نحيفة بس ..
شكثر يزعجني اني أطيع نفسي كثير ... و من تشتهي لبيت ليها شهوتها .. :(

أحيان كثيرة آكل من دون حاجة ... و مثل ما يقولوا بعض أهل العرفان أن الاسترسال في المباحات أيحاناً يسبب قسوة القلب ..
بعدين هالصفة مو من أطباع المؤمنين ...
المؤمن يأكل حاجته و بس ... و لا .. يقوم قبل لا يشبع !! ... << و أنا وين و هالكلام وين !!

آكل بدون حاجة - يعني بس شهية- و أقوم شوي و أنفجر .. . >> و إلى متى يعني ؟

و المشكلة أن هذا الموضوع (سالفة شنو آكل) ياخذ حيز من تفكيري .. مثلاً .. و أنا في الجامعة وقت المحاضرة أفكر شنو آكل في البريك !!!! ا... >>> وف ... حالتي صعبة !

و بعد ... لو صرت نحيفة راح أكسب زوجي أكثر و أكثر ... لأني راح أكون أرتب و أخف ..
لو كسبت زوجي أكثر ... يعني رضيت ربي أكثر ..

مليت من ضعف الإرادة ..
ودي أبدأ و بقوة ... و إذا قالت لي نفسي (أبغي) أقول لها (لا) ... لأنها ما تحتاج ..

إلى متى هالنفس بتقعد تتفلسف علي و أنا أطاوعها .. الحين منو السيد أنا و الا هي ؟!!!!!!
لكن مو كيفها خلاص ...

الحين انا اللي بحكمها و بخليها تصير تحت طوعي و غصباً عنها بتترك الدلع ...
و اذا كانت ما راح تتحمل هذا الجوع اليوم ... شلون بتتحمل جوع يوم القيامة ؟!
و إذا ما كانت بتحس بغيرها من اللي أسابيع ما كلوا شي .. شنو بتكون قيمتها؟!


يا رب عيني على نفسي ...


راح أبدأ من بكرة ..
لا
لا
ليش بكرة ... لمتى راح اقول بكرة و بعدين و بعد اسبوع ؟!
من الحين ..
بدأت رجيمي من الحين ...
و راح أتبع رجيم الدكتور فادي ..

و الله الموفق ..

و خلنااااااااااااا حمااااااااااااااااس و إرادة ..
إرادة سنين مو يوم ولا اسبوع و لاشهر ..

دوووووبة

نعم للرشاقة
نعم للرجيم

<<< أتخيل حالنا طالعين مظاهرة خخخ


طيب بكرة إن شاء الله راح ألتزم بهذا الريجيم 100%

أحسه صحي جداً و متكامل ..
لأن في إجازة أكل ... راح آكل فيها الأشياء الممنوعة مثل الفواكه و النشويات لكن بهدوء ... حتى لا يصيبني أي نقص ..

ويالله ...
خلنا كل ثلاث أيام نخلي الوزن اللي وصلنا إليه ...
حتى نتحمس و ننافس بعض و نشجع بعض ...

ودي أنحف قبل العرس اللي عندنا ... و ألبس ذاك الفستان بذاك الموديل و أتعدل لأبو الشباب ...
لااااااااااازم أنحف و ثيابي هذي أشيلها و أشتري لي درزن ثياب رشيقات كشخةةةةةةة و كلها جديدة و ستاااااايل

لاااااااااااازم .. بتوفيق الله و رعايته ..