:44::44::44::44:
مرحبا اخواتي بنات عالم حواء
انا خلاص طفشت والله طفشت من السمنه الزائدة
والله لا اقدر البس احلى لبس
لما صديقاتي يسؤالوني ليش ماتشترين لج ملابس كشخه وتفصلين احلى اللبس اقولهم لما بضعف بسوي كل شي
يعني احمس عمري علشان اكشخ
المشكله انا بهالوزن ماقدر البس اي شي لان كرش وخصر عريض
مليت والله مليت
شكلي كبيره جدا يعني انا عمري 20 ولو تشوفوني تعطوني 26 سنه والله حرام
صار لي 4 سنوات وانا اكافح هالوزن
وزني 94 كجم وطولي 169
انا رحت مركز slim & light
من قبل اسبوعين
وقالت لي الدكتوره وزني المفروض يكون 65 علشان يكون وزني صحي
واشتركت بنظام الوجبات الغذائيه
يعني هم بيطرشون الاكل للبيت طبعا الاكل خاص وكله دايت
بس استمريت اسبوع وبعدين اتصلت فيهم قلت لهم باوقف اسبوع لاني راح اسافر اسبوع
والاسبوع الجاي ببدأ من جديد
بس انا مليت ابغى تشجيع
فكرت اني ارجع من الكليه
والعصر اروح الكورنيش امشي لمدة 30 دقيقه وبعدين المغرب اروح النادي الصحي
بس ماشي عزيمه
ابى تشجيع
ودايما خايفه اني اذا نقصت شكلي راح يتيغر واخاف اكون مش حلوه
بس متردده وماعرف شو الحل
ساعدووووووووووووووووووووني
شاركي في النقاش
سجلي الدخول لإضافة تعليق.
التعليقات
12- هلا اختي ..
دامك انتي متحمسه هذا الشي اكيد بفيدك ..
بســ قبل كل شي اجلسي فكري بينك وبين نفسك .. واقنعي نفسك وخلي عقلك الباطن يتقبل فكرة الي راح تسوينه .. عشان تكونين قوية اراده..
وحطي لك اهداف .. وشوفي وش بيتغير لما تنحفي .. اكيد بتحبين نفسك اكثر وبكون عندك ثقه بنفسك اكبر وتسوين الي تبينه ..
ويصير عندك دافع للحياه .. لان السمنه تحبط والله ..
والله يقوي عزيمتك ..
بس اهم شي ماتضغطين على نفسك يعني يعني نادي ومشي احس مره ضغط اكتفي بواحد منهم .. ولو تبين نصيحتي كمجربه
اوافقك على المشي فقط .. اول شي الرياضه كويسه ومفيده .. لكن اكيد ماراح نستمر عليها طول العمر وهذا الشي اكيد بيضرنا يعني فتره نروح بعدين نقطع وهذا الشي يخرب الجسم .. لكن المشي تقدين باي وقت تمشين وفـ اي مكان يعني على الاقل 2 بالاسبوع مره كويس..
وعاهدي نفسك صدقيني بترضين عليها .. وبالتوفيق:) - لا تترددي إتكلي على الله وأنا راح أكون معك أنا كل يوم بروح أمشي نص ساعه وأخفف اكل وخلينا نشجع بعض:27:
- ياقلبي حرام يضيع عمرك وانت بين هالشحوم
اتشجعي وانتبهي لنفسك اليوم 94 بكره في الـ 100 واكثر لاقدر الله
خلاص لاتقولي 65 لا 30 كيلو كثير وصعب تنزلينها دفعه واحده حددي اهدافك اول هدف لك 89
تتخلصي من الـ 90 وبعدها 85 وكذا بتنزلي من غير ماتحسي
اهم شيء لاتستعجلي و30 كيلو في شهر كذا مستحيل تنقصي و كل يوم راح تزيدي
انت لسه صغيره ونقصك بيكون اسرع لين عمر الـ 23 وبعد كذا يبدأ الحرق يقل والعزيمه كمان تقل
يلا شدي حيلك وطمنينا عليك وقريب نشوفك بأحلا وزن - حبيبتي حالتك كل وحده سمينه تمر فيها
يعني ماانت الاولى ولا الاخيره
وانت خايفه يتغير شكلك ويصير موحلو <<< يعني الحين عاجبك شكلك ؟؟؟ منت تقولين بذبح عمري !!
اول شي ... قرري من داخلك مع العزيمه والاصرار <<< ولاتضعفين امام الاكل ابدا
ثاني شي... حاولي تخففين ولو تبدين بالصيام يكون احسن شي
ثالث شي .. لازم يكون نظامك اسلوب حياه وليس فتره مؤقته
ولماتشوفين حالك بديتي تتلملمين ويحلو اللبس عليك بتتحمسين
والله يوفقك ويسهل عليك ؟؟ - حاولي تنوعي في الأكل بشكل يومي حتى لايثبت وزنك وبعدين يصير صعب تحريكه
ابتعدي عن الوجبات السريعه والمشروبات الغازية والشيبس والحلويات وهذا نص المشوار أو شي بيكون صعب أول اسبوع أو اثنين بعدين بيصر كل شي عادي ولا كأنك تشوفينهم
أو حاولي تقللي منهم بالتدريج وشوفي النتيجه
وكثري من الخضار والفواكهه خصوصا لما تكوني جوعانه
لأن انا بعد احتاج تشجيع
مواضيع مشابهة
تابعي تجارب أخرى من هذا القسم.